ءبىلىم گرانتى ءتىزىمى «ەگەمەن قازاقستاندا» جاريالانادى (بەسىنشى قوسىمشا قوسىلدى)

بيىل تەست سىناعىن تاپسىرعاندارعا بەرىلەتىن مەملەكەتتىك ءبىلىم گرانتتارىن ءبولۋ ماسەلەسىن قاراعان رەسپۋبليكالىق كوميسسيا ءوز جۇمىسىن جاقىندا قورىتىندىلاپ, گرانت يەلەرىن انىقتادى.

ەلىمىزدىڭ بارلىق وڭىرىندەگى جۇرتشىلىق اسىعا كۇتىپ وتىرعان ءبىلىم بەرۋ گرانتتارى يەلەرىنىڭ ءتىزىمى گازەتىمىزدىڭ 13 تامىز, سەيسەنبى كۇنگى نومىرىندە جاريالانادى.

قوسىمشا دەرەك. وقىرمانداردىڭ كوپتەن-كوپ سۇراۋىنا وراي تاعى دا قايتالاپ ايتامىز: ءتىزىم گازەتتىڭ سەيسەنبى كۇنگى ءنومىرىنىڭ قوسىمشا بەتتەرىندە جاريالانادى. سونىمەن ءبىر مەزگىلدە, سول كۇنى تاڭەرتەڭ ەرتەمەن ول گازەتتىڭ سايتىنان دا ورىن الادى. سوندىقتان قاعاز-گازەت قولدارىڭىزعا تيگەنشە, ءتىزىمدى سايتتاعى ەلەكتروندى ۆاريانتى بويىنشا كورۋلەرىڭىزگە بولادى.

بۇعان تاعى ءبىر قوسارىمىز, ەلدى مەكەندەرگە پوشتا ارقىلى تەك قاعاز جۇزىندەگى باسىلىم عانا جەتكىزىلەدى. باسقا ەشتەڭە جىبەرىلمەيدى.

ال ءتىزىمنىڭ قازاق تىلىندەگى نۇسقاسى «ەگەمەن قازاقستاندا» عانا جاريالانادى.

تاعى دا وقىرمان سۇراۋىنا وراي. ءبىلىم گرانتىنىڭ ءتىزىمىن «ەگەمەن قازاقستان» گازەتىنىڭ قازىر وزدەرىڭىز قاراپ وتىرعان سايتى (www.egemen.kz) ارقىلى عانا كورە الاسىزدار. ال جوعارىداعى ماتىندەگى «كوميسسيا ءوز جۇمىسىن جاقىندا قورىتىندىلاپ, گرانت يەلەرىن انىقتادى» دەگەن جولدارعا كەلسەك, ول - كوميسسيا جۇمىسىن اياقتاعان بويدا ءتىزىمدى گازەتكە جاريالاۋعا بەرۋگە بولادى دەگەن ءسوز ەمەس. ۇزىن-ىرعاسىگازەتتىڭ 30 شاقتى بەتىن الاتىن بىرنەشە ءتىزىمنىڭ باسىن بىرىكتىرىپ, ءبىر ىزگە سالىپ, ونى گازەتتىك نۇسقا بويىنشا بەتتەپ شىعۋ ءۇشىن دە بىرنەشە كۇن ۋاقىت كەرەك.

تاعى. سونىمەن, سابىر ساقتاپ, سەيسەنبى كۇننىڭ تاڭىن كۇتەيىك.

كەشەلى بەرى قاتتى تاعاتسىزدانىپ, سايتتى قايتا-قايتا قاراپ جۇرگەن ەڭبەكتەرىڭىز جانىپ, جولدارىڭىز بولسىن.

سوندىقتان ەندى «ءتىزىم قاشان جاريالانادى, قايدان كورەمىز؟» دەگەن سۇراقتاردى قويا بەرمەۋدى وتىنەمىز. بۇلاردىڭ ءبارىنىڭ جاۋاپتارى تايعا تاڭبا باسقانداي انىق جاۋابى جوعارىدا جازىلدى. سونى زەر سالىپ, ىقىلاس قويىپ, مۇقيات وقىساڭىزدار, جەتىپ جاتىر. سول سەبەپتى مۇنداي مازمۇنداعى «كوممەنتتەرىڭىزدىڭ» بىردە-ءبىرى گازەتتە جاريالانبايدى جانە ولارعا جاۋاپ بەرىلمەيدى.

وقىرماندارعا ايتارىمىز

10 تامىز. 19 ساعات 45 مينۋت. سىزدەردىڭ تاراپتارىڭىزدان كەلىپ ءتۇسىپ جاتقان سۇراقتاردا ەسەپ جوق. ولاردىڭ ءبارىن سايتقا ورنالاستىرۋ مۇمكىن ەمەس. ال كوممەنتتەردىڭ باسىم بولىگى ءالى دە ءتىزىمنىڭ قاي كۇنى شىعاتىنىن جانە ولاردىڭ قانداي سايتتاردا جاريالاناتىنىن بىلۋگە ارنالىپ جاتىر. ءبىز بۇل ساۋالداردىڭ بارىنە جوعارىدا جاۋاپ بەرىپ قويعانبىز. سونى مۇقيات وقىپ شىعىڭىزدار. سوندىقتان ونى ەندى قايتالامايمىز. وسى مازمۇنداس سۇراقتاردى دا ەندى وقىپ اۋرە بولىپ جاتپايمىز, بىردەن جويىپ جىبەرەمىز.

حات جولداۋشىلار اراسىندا رەداكتسيانىڭ دايىن ءتىزىمدى نەگە جاريالاي سالمايتىنىن سۇرايتىندار دا كوپ. بۇعان دا الگىندە جاۋاپ بەرگەنبىز. تاعى قايتالاپ ايتامىز: قاعاز جۇزىندە بىرنەشە بولەك بولىپ كەلگەن ءتىزىمدى ءبىر ارناعا ءتۇسىرىپ, ونى گازەت ۆەرستكاسى (بەتتەلۋى) تۇرىندە دايىنداۋ دەمدە ورىندالا سالاتىن وڭاي شارۋا ەمەس. جانە ول ءبىر عانا رەداكتسيا قىزمەتكەرلەرىنىڭ قولىندا تۇرعان جوق. جوعارىدا ءبىر وقىرمانىمىز قاۋىپ ەتكەندەي, تىزىمدە قاتەلىك كەتىپ قالماس ءۇشىن ونى ءتيىستى ورىنداردىڭ جاۋاپتى ماماندارى بىرنەشە كۇن بويى قايتادان ءجىتى وقىپ تەكسەرىپ, قابىلدانعان قۇجاتتىڭ تۇپنۇسقاسىمەن تۇگەل سالىستىرىپ شىعادى. سودان كەيىن عانا دايىن بولعان بولىكتەرىن ۆەرستكا جاساۋعا رۇقسات ەتەدى. مۇنىڭ ءبارى ينەمەن قۇدىق قازعانداي بىرتىندەپ جاسالاتىن تىرنەكتى تىرلىك. بۇدان بۇرىنعى جىلدارى دا ول كەمىندە 3-4 كۇن ۋاقىتتى الاتىن. قازىر دە سونداي ىجداعاتتى دا تياناقتى جۇمىستار جۇرۋدە.

سوسىنعى ءبىر ەسكەرتپە. وسى كەزدە وزدەرىنىڭ تىزىمنەن حابارى بار ەكەنىن ايتىپ, سايتقا حات جولداپ جاتقاندار دا كەزدەسىپ قالۋدا. ولاردىڭ ءبارى دە بەلگىلى ءبىر سوماعا مالىمەت بەرە الاتىندارىن مالىمدەيدى. ءبىز ونداي حاتتاردى بىردەن جويىپ تاستاپ وتىرمىز. الدا -جالدا سىزدەرگە تىكەلەي جول تاۋىپ الىپ, حابارلاسىپ جاتقان بىرەۋلەر بولسا, سەنبەڭىزدەر. مۇنىڭ اتىن شارلاتاندىق, ياعني الاياقتىق دەيدى. سوندايلاردان ساق بولىڭىزدار. قازىر بۇل ءتىزىم كوميسسيا مۇشەلەرىنەن باسقا ەشكىمگە دە بەلگىلى ەمەس. ال وسىنداي قىزمەت ۇسىنعان جولداۋلار ءالى دە كەلە بەرەتىن بولسا, ءبىز ولاردىڭ اۆتورلارىن ءتيىستى ورگاندار قاراۋىنا بەرۋگە ءماجبۇر بولاتىنىمىزدى دا ەسكەرتەمىز.

تاعى ءبىر توپ وقىرماندار ءالسىن-ءالسىن: «بالامىز قۇجات تاپسىرعان ۋنيۆەرسيتەتكە حابارلاسساق, سولار تۇسكەن-تۇسپەگەنىن ايتىپ بەرە الماي ما؟» دەگەن مازمۇنداس تا سۇراق قويادى. بۇعان بەرەتىن جاۋابىمىز بىرەۋ عانا: ايتىپ بەرە المايدى! سەبەبى, ناتيجە قازىر ولارعا دا بەلگىلى ەمەس. ال ەگەر مۇعالىمدەر تاراپىنان الدەكىم پىسىقسىنىپ, ءوز توپشىسىن ايتا قالسا, ول زاڭ الدىندا جاۋاپ بەرەدى. ويتكەنى, ءبىلىم جونىندەگى گرانتتار ءتىزىمى سەيسەنبى, 13 تامىز كۇنى «ەگەمەن قازاقستان» گازەتىنىڭ بەتىندە جارىق كورىپ شىققاننان كەيىن عانا ءوزىنىڭ زاڭدى كۇشىنە ەنەدى.

وسىنى ۇمىتپاڭىزدار. سوندىقتان ءجونسىز, ورىنسىز سۇراقتاردى قايتالاپ قويا بەرۋدىڭ قاجەتى جوق. ءبىز سىزدەردى تولعاندىرىپ وتىرعان نەگىزگى ساۋالداردىڭ بارىنە جاۋاپ بەرىپ بولعان سياقتىمىز.

مۇنىڭ ءبارىن ءبىز سىزدەرگە جانىمىز اشىعاندىقتان, سىزدەرگە بولىسقاننان, سىزدەردىڭ يىقتارىڭىزداعى اۋىر جۇكتى تۇسىرۋگە نيەت ەتكەندىكتەن, ايتىپ وتىرمىز. ايتپەسە, جوعارىداعى سۇراقتاردىڭ بىردە-بىرىنە جاۋاپ بەرمەي, ءۇنسىز وتىرا بەرۋىمىزگە دە بولار ەدى. نەگىزىندە سىزدەرمەن بۇلايشا ديالوگ قۇرۋ ءبىزدىڭ مىندەتىمىزگە جاتپايدى.

سونىمەن, ۇلكەندەرىڭىز بار, كىشىلەرىڭىز بار, بارلىعىڭىز دا سابىر ساقتاڭىزدار. سەيسەنبىنىڭ تاڭىن كۇتىڭىزدەر. ىزدەگەندەرىڭىز الدارىڭىزدان شىقسىن.

تاعى قوسىمشا حابارلاما. 12 تامىز. 21-00 ساعات.

ارداقتى اعايىن!

قۇرمەتتى دوستار!

وقىرمان قاۋىم!

سىزدەر كوپتەن كۇتكەن ەڭ ءبىر تولعانىستى دا تولقۋلى ءسات بىرتىندەپ جاقىنداپ كەلەدى.

وسى كەزگە دەيىن بارلىعىڭىز دا سابىر ساقتادىڭىزدار ءالى دە سول قالىپتارىڭىزدان تانباڭىزدار.

ەندى كۇتە بەرەتىن كوپ ۋاقىت قالعان جوق. ءسال شىداساڭىزدار, كۇتكەن ساتتەرىڭىزگە دە جەتەسىزدەر.

ءبىلىم گرانتتارىنىڭ ءتىزىمىن باسپاعا دايىنداۋعا بايلانىستى بىرنەشە كۇننەن بەرى ءجۇرىپ جاتقان تىرنەكتى جۇمىس ءوزىنىڭ اقىرعى شەگىنە جاقىنداپ كەلەدى.

اماندىق بولسا, ەشبىر تەحنيكالىق كەدەرگىلەر كەزدەسپەسە, سىزدەر كۇتكەن ءبىلىم گرانتتارى بۇگىن, تامىزدىڭ 13-ىنە قاراعان ءتۇنى, ساعات 00-05-تە «ەگەمەن قازاقستان» گازەتىنىڭ سايتىنان ورىن الادى.

ەندەشە, بارشاڭىزدىڭ جولدارىڭىز بولسىن, ىزدەگەندەرىڭىز الدارىڭىزدان شىقسىن!

ال «ەگەمەن قازاقستان» گازەتىنىڭ باسپا جۇزىنەن شىققان نۇسقاسى بايلانىس بولىمشەلەرى ارقىلى تاڭەرتەڭ تاراتىلادى. گازەتتى جازدىرىپ الماعاندارىڭىز بولسا, ونى ءباسپاسوز كيوسكىلەرىنەن ساتىپ الا الاسىزدار.

تاعى دا بارىڭىزگە ساتتىلىك تىلەيمىز.

جولدارىڭىز بولسىن.

سالەممەن, «ەگەمەن قازاقستان» گازەتى ينتەرنەت-رەداكتسياسىنىڭ رەداكتورى

سەرىك ءپىرنازار.

PS. ءبىلىم گرانتىنىڭ ءتىزىمى ساعات تۋرا 00-05-تە گازەتتىڭ سايتىنان ورىن الدى. دالىرەگى, ءدال سول كەزدە جۇرت نازارىنا ۇسىنىلدى. ونى سايتتىڭ باس بەتىنەن تابا الاسىزدار. بەتتىڭ ەڭ جوعارى جاعىندا, سول جاق بۇرىشتا تۇر. ول ء"بىلىم گرانتتارىنىڭ ءتىزىمى. ءتىزىمدى مىنا سىلتەمەلەردەن كورە الاسىزدار" دەگەن باستاقىرىپپەن جاريالاندى.

قوش, ساۋ بولىڭىزدار!

PSS. 13 تامىز, 09-00 ساعات. سونىمەن, گازەت تە جارىققا شىقتى. ال ءتىزىمدى ءبىزدىڭ گازەتتىك نۇسقادان كورگىلەرىڭىز كەلسە, سايتتىڭ باس بەتىندە, وڭ جاقتا ورنالاسقان پدف-قا كىرىڭىزدەر. سونىڭ 7-بەتىنەن باستاپ سوڭىنا دەيىن ءبىلىم گرانتتارىنىڭ ءتىزىمى جاريالانعان. ول "گازەتتىڭ تولىق نۇسقاسى" دەگەن اتپەن كورسەتىلگەن.