جامبىلدا جاعداي باقىلاۋدا, ماسەلەلەر رەتتەلۋدە

 بىرقاتار شەنەۋنىك جازالاندى

وسى ورايدا, پرەزيدەنت قاسىم-جومارت توقاەۆ جامبىل وبلىسىنىڭ اكىمى اسقار مىرزاحمەتوۆكە (ا.مىر­زاح­مەتوۆ كەشە كەشكىلىك ءوز وتىنىشىنە وراي پرەزيدەنت جارلىعىمەن قىزمەتىنەن بوسادى) جامبىل وبلىسى, قورداي اۋدانىندا كىسى ولىمىنە, تۇرعىن ۇيلەردىڭ قيراپ, ازاماتتاردىڭ دۇنيە-م ۇلىكتەرىنىڭ ب ۇلىنۋىنە اكەلىپ سوق­تىرعان وقيعاعا بايلانىستى جامبىل وبلىسى اكىمىنىڭ الەۋمەتتىك ماسەلەلەر جونىندەگى ورىنباسارى سۇلۋشاش قۇرمانبەكوۆانى جانە قورداي اۋدانىنىڭ اكىمى بولاتبەك بايتولەنى جۇمىستارىنا سالعىرت قاراعانى ءۇشىن قىزمەتىنەن بوساتۋدى تاپسىردى. سو­نىمەن قاتار مەملەكەت باسشىسى قازاقستان رەسپۋبليكاسىنىڭ ىشكى ىستەر ءمينيسترى ەرلان تۇرعىمباەۆقا جامبىل وبلىستىق پوليتسيا دەپارتامەنتىنىڭ باستىعى ارمان ورازاليەۆتى جانە قورداي اۋداندىق پوليتسيا ءبولىمىنىڭ باستىعى ازامات ايقىمبەكوۆتى قىزمە­تىنەن بوساتۋدى تاپسىردى.

قايتىس بولعانداردىڭ وتباسىلارىنا باردى

پرەزيدەنت قاسىم-جومارت توقاەۆ­تىڭ تاپسىرماسىمەن قۇرىلعان ۇكىمەت كوميسسياسىنىڭ توراعاسى بەردىبەك ساپارباەۆ قورداي اۋدانىنداعى قاقتىعىس كەزىندە قايتىس بولعان ازاماتتاردىڭ وتباسىلارىنا باردى. بەردىبەك ماشبەك ۇلى ءوز سوزىندە وتباسى مۇشەلەرىنە قاۋىپسىزدىكتىڭ قامتاماسىز ەتىلگەنىن, مەملەكەت تاراپىنان ءتيىستى قولداۋ كورسەتىلەتىنىن باسا ايتتى. ال قازا تاپقانداردىڭ تۋعان-تۋىستارى مەن جەرگىلىكتى تۇرعىندار كىنالىلەردىڭ جازاعا تارتىلۋىن سۇرادى.

ۇكىمەتتىك كوميسسيا قورداي اۋدانىندا بولعان وقيعا سالدارىنان قازا تاپقان دارحان ءابدىراحىمنىڭ وتباسىنا دا باردى. پرەمەر-ءمينيستردىڭ ورىنباسارى, كوميسسيا توراعاسى بەردىبەك ساپارباەۆ پەن جامبىل وبلىسىنىڭ اكىمى اسقار مىرزاحمەتوۆ ەل باسشىلىعىنىڭ اتىنان مار­قۇم­نىڭ تۋعان-تۋىستارى مەن جاقىن­دارىنا كوڭىل ايتىپ, قولداۋ ءبىلدىردى. «پرەزيدەنت قاسىم-جومارت توقاەۆتىڭ اتىنان ءبىز شىن قايعىرىپ كوڭىل ايتامىز. بەرىك بولىڭىزدار. وتباسى ءۇشىن وسى قيىن كۇندەردە بەرىك بولۋ كەرەك. ءبىز كىنالىلەردى انىقتايمىز, ولار زاڭ بويىنشا جازالانادى», دەدى بەردىبەك ساپارباەۆ. سونىمەن قاتار بەردىبەك ماشبەك ۇلى قازا تاپ­قان ازاماتتىڭ وتباسىنا مەملەكەت­تىك قولداۋ كورسەتىلەتىنىن, بارلىق قاجەتتى كومەكتىڭ بەرىلەتىنىن جەت­كىزدى. بۇل رەتتە وبلىس اكىمى اسقار مىر­زاحمەتوۆ تە مارقۇمنىڭ تۋىستارىنا قايعىلارىنا ورتاق ەكەندىگىن جەتكىزىپ, كوڭىل ايتتى. سونداي-اق وتباسى ءۇشىن قيىن كۇندەردە بەرىك بولۋ كەرەكتىگىن, كىنالىلەر انىقتالىپ, زاڭ بويىنشا جازالاناتىندىعىن ما­لىمدەدى. اسقار يسابەك ۇلى قازا تاپقان ازاماتتىڭ وتباسىنا مەملەكەتتىك قول­داۋ كورسەتىلەتىنىن, بارلىق قاجەتتى كومەكتىڭ بەرىلەتىنىن دە اتاپ ءوتتى. بەر­دىبەك ساپارباەۆ پەن اسقار مىرزاح­مەتوۆ قايتىس بولعانداردىڭ جەرلەۋ را­سىمىنە دە قاتىسىپ, اۋىل تۇرعىن­دارىمەن كەزدەستى.

 سورتوبە اۋىلىندا بريفينگ ءوتتى

كەشە قورداي اۋدانى, سورتوبە اۋىلىندا اپتا سوڭىندا ورىن العان قاق­تىعىسقا بايلانىستى بريفينگ ءوتتى. جيىنعا قازاقستان رەسپۋبلي­كاسى پرەمەر-ءمينيسترىنىڭ ورىنبا­سارى, ۇكىمەتتىك كوميسسيانىڭ تور­اعاسى بەردىبەك ساپارباەۆ پەن جام­­بىل وبلىسىنىڭ اكىمى اسقار مىر­زاح­­مەتوۆ قاتىسىپ, بۇقارالىق اقپا­رات قۇ­رالدارىنىڭ وكىلدەرىنە قاق­تى­عىس زارداپتارىن جويۋ بويىنشا اتقارى­لىپ جاتقان جۇمىستار تۋرالى ما­لىمەت بەردى. سونىمەن قاتار بۇگىنگى كۇنگە دەيىنگى بەلگىلى بولعان بارلىق مالىمەتتى بايانداپ, ولاردىڭ ساۋالدارىنا جاۋاپ بەردى.

بەردىبەك ساپارباەۆ قازىرگى تاڭدا قورداي اۋدانىنىڭ قاراكەمەر, ما­سانچي, سورتوبە, قاراسۋ جانە اۋقات­تى اۋىلدارىنىڭ بارلىق كىرىس-شىعىس­ى­نا بلوك-پوستتار قويىلىپ, اۋىل كو­شەلەرىندە قوعامدىق ءتارتىپتى ساقتاۋ جۇمىستارىنىڭ جۇرگىزىلىپ جاتقانىن جەتكىزدى. سونىمەن قاتار بەردىبەك ماشبەك ۇلى سوڭعى تاۋلىك ىشىندە قورداي, قاراسۋ, اۋقاتتى جانە سورتوبە شەكارا باقىلاپ-وتكىزۋ بەكەتتەرىنەن 4454 ادامنىڭ ەلىمىزدىڭ اۋماعىنا قايتا ورالعاندىعىن مالىمدەدى.

ال جامبىل وبلىسىنىڭ اكىمى اسقار مىر­زاحمەتوۆ قاقتىعىس سالدارى­نان 36 تۇرعىن ءۇي مەن 11 كوممەر­­تسيالىق نىسان جانە 44 اۆتوكولىك­­تىڭ ورتەنگەندىگىن ايتتى. ءوز سوزىندە اكىم الدىن الا ەسەپتەۋلەر بويىنشا كەل­­تىرىل­گەن زالال كولەمى انىقتالىپ جات­قان­دىعىنا دا نازار اۋداردى. اسقار مىر­زاحمەتوۆتىڭ ايتۋىنشا, اتالعان بارلىق اۋىلدا زارداپ شەككەن ازاماتتارمەن جۇمىس جاساۋ ماقساتىندا ارنايى توپتار قۇرىلعان. سونىمەن قاتار وبلىستا ءموبيلدى حالىققا قىزمەت كورسەتۋ ورتالىعى ۇيىمداستىرىلعان. اتالعان قىزمەتتەر ارقىلى وتكەن تاۋلىكتىڭ ىشىندە 22 ازاماتقا جەكە كۋالىك, 17 ازاماتقا تۋ تۋرالى كۋالىك بەرىلگەن. تاعى ءبىر ايتا كە­تەرلىگى, بۇگىنگى تاڭدا كوشە بويىن­داعى ورتەنگەن اۆتوكولىكتەر مەن ءتۇر­لى قوقىستاردى تازالاۋ جۇمىستارى تولىعىمەن اياقتالىپ, وعان 30 تەحنيكا مەن 125 ادام جۇمىلدىرىلعان. قاقتىعىس ورىن العان كۇنى جامبىل وبلىستىق توتەنشە جاعدايلار دەپارتامەنتىمەن بىرگە 80 ادام كۇشى مەن 19 تەحنيكا ۇيىمداستىرىلعان. ال وڭىردەگى جاعدايدى تۇراقتاندىرۋ جانە باقىلاۋعا الۋ ءۇشىن قۇقىق قورعاۋ ورگاندارىنىڭ 1968 قىزمەتكەرى, 130-عا جۋىق اسكەري تەحنيكا تارتىلعان. بۇگىنگى تاڭدا اۋىلدارداعى بارلىق الەۋمەتتىك نىسان, ساۋدا ورنى مەن ءدارى­حانا قالىپتى جۇمىس اتقارۋدا. جال­پى العاندا, بۇگىندە جامبىل وبلىسىندا جاعداي تۇراقتى.

ايتا كەتەيىك, وتكەن اپتانىڭ جۇما كۇنى قورداي اۋدانىندا جاپپاي توبەلەس ورىن العان بولاتىن. اۋدانداعى قاراكەمەر, ماسانچي. بۇلار باتىر اۋىلدارىندا بولعان قاقتىعىس سالدارىنان 176 ادام اۋرۋحاناعا جۇگىنىپ, 41 ادام اۋرۋحاناعا جاتقىزىلعان. وكىنىشكە قاراي, 10 ادام قايتىس بولعان. زارداپ شەككەن ازاماتتارعا بارلىعى 39 دارىگەر كومەك كورسەتىپ, مەملەكەت باسشىسى قاسىم-جومارت توقاەۆتىڭ تاپسىرماسىمەن قايتىس بولعانداردىڭ وتباسىلارىنا كوڭىل ايتۋ, ولارعا كومەك بەرۋ ماسەلەلەرى ۇيىمداستىرىلدى. 

 اقساقالدار كەڭەسىن قۇرۋدى ۇسىندى

قورداي اۋدانىندا ورىن العان قاقتىعىستىڭ كوپكە ساباق بولعانى بەلگىلى. جۇمىسىنا سالعىرت قاراعان شەنەۋنىكتەر جازالانىپ, قىزمەتىنەن كەتتى. ال وقيعا سالدارىنان قايتىس بولعان ازاماتتاردىڭ وتباسىلارىنا مەملەكەت تاراپىنان ءتيىستى قولداۋلار كورسەتىلۋدە. بۇگىندە جاعداي تۇراقتى باقىلاۋدا. ەندى مۇنداي قانتوگىستى بولدىرماۋ ءۇشىن, تارتىپسىزدىككە جول بەرمەۋ ءۇشىن نە ىستەۋ كەرەك؟ بۇل رەتتە اسقار مىر­زاحمەتوۆ قورداي اۋدانىنداعى ورىن العان وقيعاعا بايلانىستى بەس اۋىل­دىڭ اقساقالدارى مەن جەرگىلىكتى زيا­لى قاۋىم وكىلدەرىنىڭ باسىن بىرىك­تى­رەتىن كەڭەس قۇرۋدى ۇسىندى. جەرگى­لىكتى تۇرعىندار بۇل ۇسىنىستى قول­داپ, اتالعان كەڭەس كوپتەگەن ءتۇيىندى ماسە­لە­نىڭ شەشىلۋىنە, الداعى ۋاقىتتاردا دا مۇنداي جاعدايدىڭ قايتالانباۋىنا سەپتىگىن تيگىزەتىنىن ايتىپ, سەنىم بىل­دىرۋدە.

جالپى وقيعا بولعالى بەرى 2000-نان استام تۇرعىنمەن كەزدەسۋ ۇيىم­داستىرىلعان. ازاماتتاردىڭ دەنى بۇل ۇسىنىستى قولداپ وتىر.

بەت قاتتالىپ جاتقاندا: كەشە كەشكىسىن پرەزيدەنت ق.توقاەۆتىڭ جار­لى­عىمەن جامبىل وبلىسىنىڭ اكىمى لاۋازىمىنا بەردىبەك ساپارباەۆ تاعايىندالدى. اسقار مىرزاحمەتوۆ ءوز وتىنىشىنە وراي مەملەكەت باسشىسىنىڭ جارلىعىمەن قىزمەتىنەن بوساتىلدى.

جامبىل وبلىسى