اقش-تىڭ بوستون قالاسىنداعى ۇلكەن پريسياجنويلار القاسى قازاقستاندىق ستۋدەنتتەر ازامات تاجاياقوۆ پەن دياس قادىرباەۆقا تاعىلعان وسى قالادا وتكەن مارافون كەزىندەگى تەراكتىنى تەكسەرۋ كەزىندە قۇقىق قورعاۋشىلارعا كەدەرگى كەلتىردى دەگەن ايىپتىڭ دۇرىستىعىن ماقۇلدادى. بۇل تۋرالى يتار-تاسس حابارلادى.
AFP اگەنتتىگىنىڭ مالىمدەۋىنشە, ەندى قازاقستاندىقتارعا 20 جىل تۇرمەدە وتىرۋ قاۋپى ءتونىپ تۇر. ستۋدەنتتەر بيىلعى مامىر ايىنىڭ باسىندا قاماۋعا الىنعان بولاتىن. ولار وزدەرىنىڭ وسى لاڭكەستىككە قاتىستى ايعاقتى زاتتاردان قۇتىلماق بولعاندارىن مويىنداپتى. اتاپ ايتقاندا, فەدەرالدى بارلاۋ بيۋروسى ستۋدەنتتەردىڭ دجوحار تسارناەۆ مارافونعا فەيەرۆەركتەر مەن نوۋتبۋك سالىپ بارعان قاپشىقتى تەرەزەدەن لاقتىرىپ جىبەرگەنىن ايتادى. كەيىن ارنايى قىزمەت قىزمەتكەرلەرى ونى كۇل-قوقىس اراسىنان تاۋىپ العان.
ەسكە سالىپ وتسەك, تامەرلان جانە دجوحار تسارناەۆتارعا ۇستىمىزدەگى جىلعى 15 ءساۋىر كۇنى بوستونداعى مارافوننىڭ سوڭىن الا ورىن العان جارىلىستى جاسادى دەگەن ايىپ تاعىلىپ وتىر. سول وقيعا سالدارىنان 3 ادام قازا تاۋىپ, 180 ادام ءارتۇرلى جاراقات الدى. تامەرلان پوليتسەيلەرمەن اتىس كەزىندە قازا تاپتى, ال دجوحار ارتىنشا قولعا ءتۇستى.
سۇلتان بوزايعىر.