ەسىگىن مەن يمەنە اتتاعان مەكتەپتىڭ قۇرىلعانىنا بيىل 50 جىل تولعالى وتىر. قازمۋ-ءدىڭ فيلولوگيا فاكۋلتەتىن ءبىتىرىپ, جولدامامەن اقجال ەلدى مەكەنىنە كەلدىم. العان ءبىلىمىمدى شاكىرت جۇرەگىنە جەتكىزگەنشە اسىعۋدامىن. بۇل 1974 جىلعى 1 قىركۇيەك ەدى. قاۋمالاعان شاكىرتتەر, اياۋلى ۇستازدار قاۋىمى جىلى شىرايمەن قارسى الدى.
ەسىگىن مەن يمەنە اتتاعان مەكتەپتىڭ قۇرىلعانىنا بيىل 50 جىل تولعالى وتىر. قازمۋ-ءدىڭ فيلولوگيا فاكۋلتەتىن ءبىتىرىپ, جولدامامەن اقجال ەلدى مەكەنىنە كەلدىم. العان ءبىلىمىمدى شاكىرت جۇرەگىنە جەتكىزگەنشە اسىعۋدامىن. بۇل 1974 جىلعى 1 قىركۇيەك ەدى. قاۋمالاعان شاكىرتتەر, اياۋلى ۇستازدار قاۋىمى جىلى شىرايمەن قارسى الدى.
ءبىرىنشى توقساننىڭ قورىتىندىسى مەنىڭ ءىسىمنىڭ سارالانار ءساتى بولدى. وقۋ ءىسىنىڭ مەڭگەرۋشىسى شاركەن اعايدىڭ: «ۇستازدىق جولدى دۇرىس باستادى, كەلەشەكتە جاقسى مۇعالىم شىعادى», – دەگەن ءسوزىن ەشقاشان ۇمىتپايمىن. سول كۇننەن باستاپ شاكىرتكە, ۇستازدىققا دەگەن سۇيىسپەنشىلىگىمنىڭ ارتۋىنا كوپ ەڭبەكتەنۋگە تۋرا كەلدى. بۇل جولدا اعالىق, اپالىق اقىلدارىن ايتقان اياۋلى ۇستازدارعا ماڭگىلىك قارىزدارمىن. ول كەزدە مەكتەپتە ەر مۇعالىمدەر كوپ بولاتىن. ۇستازدىق جولدا ەر ادامداردىڭ ءرولى جوعارى ەكەنىن ءالى دە ايتىپ كەلەمىن. مىسالى: مۇقاتاەۆ ش., يساتاەۆ ت., زاكيروۆ ا., يلياسوۆ ت., ءابدىروۆ م., ادامين س., قىزداربەكوۆ ق., يبراەۆ ا., اينەكوۆ ءو. كەرەمەت ادامدار ەدى.
وزدەرىنىڭ بىلىمدەرىمەن, اقىل-كەڭەستەرىمەن, ءىس-ارەكەتتەرىمەن, ۇلگى-ونەگە بولعان ۇستاز اپايلاردىڭ ەڭبەگى دە از ەمەس. ولار: مۇقاتاەۆا م., سالينا ق., كۇلماعانبەتوۆا گ., تىلەۋبەرلينا ب., مۋتاليپوۆا ز., تىلەۋبەرلينا و., سىرعابەكوۆا گ., قۇسايىنوۆا ن., باكيشەۆا م., احانوۆا گ., شۋتەنوۆا ر. ت.ب. بولاتىن.
بيىل مەنىڭ مەكتەبىمنىڭ قانات جايىپ, سان مىڭداعان شاكىرتتەردىڭ قيماس مەكەنىنە اينالعانىنا 50 جىل تولعالى وتىر. سونى ويلاعاندا وسى ءبىلىم ۇياسىنىڭ كەشەگىسى مەن بۇگىنگىسى كوز الدىمنان ۇزدىكسىز وتەدى. مەكتەپ 1963 جىلى وسى اقجالداعى شكولنايا كوشەسىندە ىرگەتاسى قالانىپ, قىركۇيەك ايىنان باستاپ شاكىرتتەر قابىلدانعان. 2005 جىلدان بەرى اكادەميك, حيميك ءشاربان باتتالوۆا ەسىمىمەن اتالادى. بۇل كىسى ەلىمىزگە بەلگىلى ۇلكەن عىلىم وكىلى بولعان ادام. وسى ءوڭىردىڭ تۋماسى ول اپامىز تۋرالى دەرەكتەر جيناماق بولىپ الماتى قالاسىنداعى س.زيمانوۆ اعايمەن كەزدەسۋگە باردىم. سوندا سالىق اقساقال: «ءشاربان وتە ەڭبەكقور, قاراپايىم, زەيىندى, وجەت, وتكىر جان ەدى. سوندىقتان قاراعىم ءسارۋار, سەندەردىڭ دە شاكىرتتەرىڭ وسى اپالارىڭا لايىقتى بولسىن», دەگەن جىلى ءسوزىن ايتقان بولاتىن. مەكتەبىمىزگە كەلىپ, كەزدەسۋ وتكىزگەن كەزدە دە وسى پىكىرىن قايتالاعان زاڭگەر عالىمنىڭ ءۇنى ءالى قۇلاعىمىزدا تۇر.
سان مىڭداعان شاكىرت ۇشىرعان مەكتەپ ءوزىنىڭ تۇلەكتەرىن ۇنەمى ماقتان تۇتادى. سولاردىڭ ءبىرى – پارلامەنت ءماجىلىسىنىڭ دەپۋتاتى ن.ءابدىروۆ. ودان كەيىن قرپم دەپارتامەنت ديرەكتورىنىڭ ورىنباسارى م.شايكەنوۆتى, ەكونوميكا عىلىمدارىنىڭ كانديداتى, ەۋرازيا ۇلتتىق ۋنيۆەرسيتەتىنىڭ وقىتۋشىسى ق.سارمانتاەۆتى, الماتىداعى «الاتاۋ» باسپا كورپوراتسياسى پرەزيدەنتىنىڭ كەڭەسشىسى ءو.باياشەۆ پەن ءال-فارابي اتىنداعى قازۇۋ-دىڭ وقىتۋشىسى, فيلولوگيا عىلىمدارىنىڭ كانديداتى ق.مۇقاتاەۆانى اتاپ ايتۋعا بولادى.
شاكىرتتەر – مەكتەپ قۋانىشى, ماقتانىشى. ولار كەيىنگى تۇلەكتەرگە ۇلگى بولادى. وزات وقۋشىلار تۋرالى سىنىپ ساعاتتارىندا, جيىنداردا ايتىلىپ جۇرەدى. مەكتەپتىڭ قابىرعاسىندا سۋرەتتەرى تۇرعان «التىن بەلگىمەن» ماراپاتتالعان ۇل-قىزدار رەسپۋبليكا, وبلىس, اۋدان كولەمىندە ەڭبەك ەتىپ ءجۇر. كوبى شەتەلدەردەن ءبىلىم الىپ, قازىر الماتى قالاسىندا ەڭبەك جولدارىن جالعاستىرىپ كەلەدى. ولار: ادامينا ب., باكيشەۆا گ. ال ءۇش ءتىلدى جەتە مەڭگەرگەن توعانبەكوۆا ج. ءبىلىمىن امەريكا قۇراما شتاتتارىندا جالعاستىرۋدا.
«شاكىرتسىز ۇستاز – تۇل» دەمەكشى, بۇل مەكتەپتە ايتۋلى ۇستازدار ءوز ومىرلەرىنىڭ بارلىق قىزىقتى دا قيىن كۇندەرىن وسىندا وتكىزىپ كەلەدى. اتاپ ايتارىمىز, مەكتەپتىڭ باسشىلارى بولعان: دوسىمحانوۆ ن., ارىستانبەكوۆ ا., قىزداربەكوۆ ق., اسۋباەۆا ق., ءابدىروۆ م., ادامين س., نۇركەەۆ د., بوگەر م., كۋرلاەۆا ل., ءجۇنىسوۆا س., جاناسباەۆا گ. سياقتى ءازيز جاندار ءار كەزدەرى وقۋشىلاردىڭ سانالى ءبىلىم, ساپالى تاربيە الۋلارىنا ايرىقشا كوڭىل بولگەن. جوعارىدا اتالعان باسشىلاردىڭ ءىسىن جالعاستىرۋشى مەكتەپ ديرەكتورى يساەۆا ا. مەن وقۋ ءىسىنىڭ مەڭگەرۋشىسى بەگيموۆا گ. ەلباسىمىزدىڭ حالىققا ءبىلىم بەرۋگە بايلانىستى قويعان تالاپتارىن ورىنداپ, تەر توگىپ جۇرگەن جاندار.
ى.التىنسارين اتامىز ايتپاقشى: «مۇعالىم – مەكتەپتىڭ جۇرەگى». ەندەشە, وسى جولدا ەڭبەك ەتكەن اياۋلى ۇستازداردىڭ ەڭبەگى ەشقاشان ۇمىتىلمايدى. وسى ءبىلىم ۇياسىنىڭ ىستىعىنا كۇيىپ, سۋىعىنا توڭىپ, ۇجىمنىڭ ابىرويىن ويلاپ جۇرگەن ۇستازدار قانشاما! ولار: جاناسباەۆا گ., بارتەنوۆا س., ارىستانبەكوۆا ر., ابجاپپاروۆا ر., يباجانوۆا ب., بەگيموۆا گ., ماحمەتوۆا س., ءجۇنىسوۆا س., بەكيشەۆا ب., كارينا س., التىنبەكوۆا م., قۇسايىنوۆا م., سەيتجاپار س. سياقتى جاندار. بۇل ار ونەگەلى ومىرلەرىمەن, ساپالى بىلىمدەرىمەن, ۇلگىلى تاربيەلەرىمەن شاكىرتتەرىنىڭ جۇرەگىنە جول تاۋىپ, وقۋشىلارمەن بالاشا تىلدەسىپ, بار بىلگەندەرىن ورتاعا جايىپ سالاتىن پەداگوگتار. قىزىعى دا, قيىنى دا شىتىرمان وقيعاعا تولى ۇستازدار ومىرلەرىنە قىزىعا دا تامسانا قارايسىڭ. وسى ۇستازدار مەكتەپتىڭ, التىن ۇيانىڭ جۇرەگى دەسەك ارتىق بولماس. ويتكەنى, بارلىق ءىس-شارالاردىڭ ورتاسىندا بەلسەندى قىزمەتتەر اتقارادى. ءومىردىڭ كەيبىر قيىنشىلىقتارى مەن قىزىقتارىنا شاكىرتتەرىن تىنىمسىز ەڭبەكتەرىمەن تاربيەلەۋدە.
قازىر ەلباسىنىڭ جولداۋى الدىمىزعا جاستارعا ءبىلىم, تاربيە بەرۋدە ۇلكەن تالاپتار قويۋدا. سوعان لايىقتى شاكىرتتەر تاربيەلەۋ – مىندەتىمىز. مەكتەپ جىل سايىن جاس ماماندارمەن تولىعۋدا. «ۇستازدىق ەتكەن جالىقپاس, ۇيرەتۋدەن بالاعا», دەپ اباي اتامىز ايتقانداي, ىرگەتاسى قالانعانىنا 50 جىل تولىپ وتىرعان مەكتەبىمىز ۇجىمىنىڭ ەڭبەكتەرىنە ساتتىلىك, دەندەرىنە ساۋلىق, شىعارماشىلىق تابىس تىلەيمىن.
ءسارۋار ماحمەتوۆا,
قازاقستان رەسپۋبليكاسى وقۋ ءىسىنىڭ ۇزدىگى, جوعارى ساناتتى ۇستاز.
قاراعاندى وبلىسى,
شەت اۋدانى,
اقجال كەنتى.