مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ ماقساتىندا پرەمەر-مينيستر اسقار ءماميننىڭ وكىمىمەن جامبىل وبلىسىنىڭ قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسى قۇرىلدى. بۇل تۋرالى ۇكىمەتتىڭ رەسمي سايتى جازدى.
پرەمەر-ءمينيستردىڭ ورىنباسارى ب. ساپارباەۆتىڭ توراعالىعىمەن قۇرىلعان كوميسسيا قۇرامىنا جامبىل وبلىسىنىڭ اكىمى ا. مىرزاحمەتوۆ, ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ, قازاقستان حالقى اسسامبلەياسى توراعاسىنىڭ ورىنباسارى ج. تۇيمەباەۆ, پارلامەنت ءماجىلىسىنىڭ دەپۋتاتى ش. حاحازوۆ جانە «دۇنگەن قازاقستاندىق قوعامى» قوعامدىق بىرلەستىگىنىڭ توراعاسى ا. ۆوينتسە مەن قارجى, يندۋستريا جانە ينفراقۇرىلىمدىق دامۋ ءبىرىنشى ۆيتسە-مينيسترلەرى, اقپارات جانە قوعامدىق دامۋ, ۇلتتىق ەكونوميكا, دەنساۋلىق ساقتاۋ, ءبىلىم جانە عىلىم ۆيتسە-مينيسترلەرى, ىشكى ىستەر, قورعانىس ىستەرى مينيسترلەرىنىڭ ورىنباسارلارى, باس پروكۋرور مەن ۇلتتىق قاۋىپسىزدىك كوميتەتى توراعاسىنىڭ ورىنباسارلارى كىردى.
كوميسسيا الدىندا كيكىلجىڭ سەبەپتەرىن انىقتاۋ, سونداي-اق, الەۋمەتتىك-ەكونوميكالىق جانە گۋمانيتارلىق سيپاتتاعى ماسەلەلەردى شۇعىل شەشۋدى قامتاماسىز ەتۋ, كەلتىرىلگەن زالال كولەمىن باعالاۋ مىندەتتەرى قويىلدى.