ەلباسى نۇرسۇلتان نازارباەۆ اگروونەركاسىپ كەشەنى الدىنا مال سانىن ارتتىرۋ, تاياۋ جىلداردا ەكسپورتقا شىعارىلاتىن ەت كولەمىن 60 مىڭ تونناعا جەتكىزۋ مىندەتىن قويىپ وتىر. سوندىقتان دا ەلىمىزدە اۋىل شارۋاشىلىعىن 2020 جىلدارعا دەيىنگى كەزەڭدە دامىتۋدىڭ كەشەندى باعدارلاماسى جاسالىپ, جۇزەگە اسىرىلا باستادى. مۇنداي مىندەتتەردىڭ مال تۇقىمىن اسىلداندىرمايىنشا, سالادا مالدارىگەرلىك قىزمەتتى جاقسارتپايىنشا مۇمكىن ەمەستىگى تۇسىنىكتى.
ەلباسى نۇرسۇلتان نازارباەۆ اگروونەركاسىپ كەشەنى الدىنا مال سانىن ارتتىرۋ, تاياۋ جىلداردا ەكسپورتقا شىعارىلاتىن ەت كولەمىن 60 مىڭ تونناعا جەتكىزۋ مىندەتىن قويىپ وتىر. سوندىقتان دا ەلىمىزدە اۋىل شارۋاشىلىعىن 2020 جىلدارعا دەيىنگى كەزەڭدە دامىتۋدىڭ كەشەندى باعدارلاماسى جاسالىپ, جۇزەگە اسىرىلا باستادى. مۇنداي مىندەتتەردىڭ مال تۇقىمىن اسىلداندىرمايىنشا, سالادا مالدارىگەرلىك قىزمەتتى جاقسارتپايىنشا مۇمكىن ەمەستىگى تۇسىنىكتى.ۇكىمەت سوڭعى جىلدارى بۇل باعىتتا كەشەندى جۇمىستار جۇرگىزىپ, قارجىلاي قولداۋ كورسەتۋدى قولعا الدى. ەلىمىز ەگەمەندىك العاننان كەيىن اۋىل شارۋاشىلىعىنىڭ اجارى تايىپ, ۆەتەريناريالىق قىزمەتتىڭ كەنجەلەپ قالعانى دا شىندىق. مەملەكەت باسشىسى قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان اگروونەركاسىپ كەشەنى قىزمەتكەرلەرىنىڭ فورۋمىندا سويلەگەن سوزىندە ەلىمىزدەگى ۆەتەريناريالىق قىزمەتتىڭ قازىرگى جاي-كۇيىنە كەڭىنەن توقتالىپ, سالادا الدىندا تۇرعان مىندەتتەردى بەلگىلەپ, ءتۇيىندى ماسەلەلەردى شەشۋگە بىرقاتار تاپسىرمالار بەرگەن بولاتىن. رەسپۋبليكادا ۆەتەريناريالىق قاۋىپسىزدىكتى قامتاماسىز ەتۋ ماقساتىندا «ۆەتەريناريا تۋرالى» زاڭعا ءبىراز وزگەرىستەر مەن تولىقتىرۋلار ەنگىزىلگەنى ءمالىم. وسىنداي وزگەرىستەردىڭ ناتيجەسىندە اۋىلدىق جەردە مالدارىگەرلىك قىزمەت ساپاسىن ارتتىرۋ ءۇشىن ماماندارعا كوممۋنالدىق تولەمنەن جەڭىلدىكتەر بەرىلدى, ولار تۇرعىن ءۇي الۋعا جانە سالۋعا جەڭىلدەتىلگەن ءوسىممەن نەسيە الاتىن الەۋمەتتىك سالا ماماندارىنىڭ ساناتىنا جاتقىزىلدى, اۋىلعا بارعان مال ماماندارىنا كوتەرمەاقى تولەنەتىن بولدى. وسىنداي تۇرمىستىق يگىلىكتەر ىنتالاندىرعان جاس ماماندار اۋىلدىق جەرلەرگە بارا باستادى. وتكەن جىلى ەلباسىنىڭ «ديپلوممەن – اۋىلعا!» جوباسى بويىنشا 13 جاس مامان اۋىلدىق وكرۋگتەردە جۇمىسقا ورنالاستى. بۇل ءۇردىس بيىل دا جالعاسىن تاۋىپ, وسىنشاما جاس تۇلەكتەر اۋىلدىق جەرلەرگە بارۋدى ۇيعارىپ وتىرعان كورىنەدى.
ەندى بيىلدان باستاپ اۋداندىق جانە اۋىلدىق جەرلەردەگى رەسپۋبليكالىق بيۋدجەت ەسەبىنەن جاڭادان قۇرىلعان ۆەتەريناريالىق ۇيىمداردى قۇرال-جابدىقتارمەن جاراقتاندىرۋ باستالدى. جاقىندا عانا اشىلعان «اندي» جشس-ىندە وبلىستىڭ اۋداندىق جانە اۋىلدىق وكرۋگتەرىندەگى ۆەتەريناريا ۇيىمدارىنا اۆتوكولىكتەردى سالتاناتتى تاپسىرۋ شاراسى وتكىزىلدى.
قالالىق, اۋداندىق جانە اۋىلدىق وكرۋگتەردىڭ ۆەتەريناريا كاسىپورىندارى وكىلدەرىنە سۋ جاڭا اۆتوكولىكتەردىڭ كىلتىن وبلىس اكىمىنىڭ ورىنباسارى مارات تاعىموۆ تاپسىردى. ول قىزمەتتىك كولىك يەلەرىن قۇتتىقتاپ ءسوز سويلەدى. ەلباسىنىڭ سالانى دامىتۋعا ايرىقشا كوڭىل ءبولىپ وتىرعانىن تىلگە تيەك ەتە كەلىپ, مۇنداي يگىلىكتەردىڭ ۆەتەريناريالىق قاۋىپسىزدىكتى قامتاماسىز ەتۋگە العىشارت جاسايتىنىن ايتتى. ءوز جۇمىستارىن جاڭاشا جۇرگىزىپ, مال اۋرۋلارىنىڭ الدىن الۋ, بولدىرماۋ جولىندا, مال ونىمدەرىنىڭ ساپاسىن ارتتىرۋ باعىتىندا مول قايتارىممەن ەڭبەك ەتۋگە تىلەكتەستىگىن ءبىلدىردى.
سالتاناتتى ساتتە ۆەتەريناريالىق ستانسالارعا 13 «دجيپ» جانە دارىلەۋ قوندىرعىسى ورناتىلعان وسىنشاما «ۋاز», اۋىلدىق وكرۋگتەردەگى وسىنداي پۋنكتەرگە 137 «نيۆا» اۆتوكولىكتەرى تابىس ەتىلدى.
– وسى اۆتوموبيلدەردى قوسا ەسەپتەگەندە 60 ءتۇرلى مالدارىگەرلىك قۇرال-جابدىقتار ساتىپ الۋعا 588 ميلليون تەڭگەگە جۋىق قارجى ءبولىندى. سونىڭ 40-تان استام قۇرال-جابدىعىن قازىردىڭ وزىندە الىپ بولدىق. مالدارىگەرلىك ستانسالارعا اۋدان ورتالىعىنان جەكە قىزمەتتىك عيمارات, ال, پۋنكتەرگە بولمە بولىنەتىن بولدى. ولار ۆەتەريناريالىق قۇرال-جابدىقتارمەن تولىق جاراقتاندىرىلادى. وسىنىڭ بارلىعى سايىپ كەلگەندە, وبلىستاعى مال شارۋاشىلىعىن دامىتۋعا سەرپىن بەرەتىن ءۇردىس, – دەيدى وبلىستىق اۋىل شارۋاشىلىعى باسقارماسى ۆەتەريناريا ءبولىمىنىڭ جەتەكشىسى اسانحان جۇماش ۇلى.
بۇدان باسقا قازىر وبلىستىڭ ءتورت اۋدانىندا بەس ۆەتەريناريالىق زەرتحانانىڭ قۇرىلىس-مونتاج جۇمىستارى اياقتالىپ قالدى. ولار دا وسى زامانعى وزىق زەرتحانالىق قۇرال-جابدىقتارمەن جاراقتاندىرىلىپ, جاقىن كۇندەرى پايدالانۋعا بەرىلەدى دەپ كۇتىلۋدە.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.