اقتوبە قالاسىنداعى «دوستىق» ۇيىندە وبلىس بويىنشا «قازاقستاننىڭ ۇزدىك تاۋارى-2013» اتتى وڭىرلىك كورمە-كونكۋرسى وتكىزىلدى. وعان وبلىس اۋماعىنداعى نەگىزگى ءىرى كاسىپورىنداردىڭ, بيزنەس-اسسوتسياتسيالاردىڭ باسشىلارى, جەكە كاسىپكەرلەر, الەۋەتتى تاپسىرىسشىلار, مۇددەلى جەتكىزۋشىلەر, مەملەكەتتىك ورگانداردىڭ وكىلدەرى قاتىستى.
اقتوبە قالاسىنداعى «دوستىق» ۇيىندە وبلىس بويىنشا «قازاقستاننىڭ ۇزدىك تاۋارى-2013» اتتى وڭىرلىك كورمە-كونكۋرسى وتكىزىلدى. وعان وبلىس اۋماعىنداعى نەگىزگى ءىرى كاسىپورىنداردىڭ, بيزنەس-اسسوتسياتسيالاردىڭ باسشىلارى, جەكە كاسىپكەرلەر, الەۋەتتى تاپسىرىسشىلار, مۇددەلى جەتكىزۋشىلەر, مەملەكەتتىك ورگانداردىڭ وكىلدەرى قاتىستى.وسى كورمە-كونكۋرستى وتكىزۋدەگى ماقسات كاسىپورىندار مەن ۇيىمداردىڭ وتاندىق ءونىم ساپاسىن جاقسارتۋعا باعىتتالعان قىزمەتىنىڭ بەلسەندىلىگىن ارتتىرۋ, قازاقستان نارىعىن جوعارى ساپالى جانە باسەكەگە قابىلەتتى ونىمدەرمەن تولتىرۋ, تۇرعىندار اراسىندا ساپا تانىمدىلىعىنا قول جەتكىزۋ بولىپ تابىلادى. ول «وندىرىستىك ماقساتتاعى ۇزدىك تاۋارلار», «تۇرعىندار ءۇشىن ۇزدىك تاۋارلار» جانە «ۇزدىك ازىق-ت ۇلىك تاۋارلارى» نوميناتسيالارى بويىنشا ۇيىمداستىرىلدى. كورمە-كونكۋرسقا 20 كاسىپورىن مەن جەكە كاسىپكەر ءوز ونىمدەرىن قويدى. ولاردىڭ اراسىندا وندىرىستىك ماقساتتا ءونىم وندىرەتىن «بازالت», «سيليكات-ا», «تەنۋس», «ناعىز بەتون» «سيتال-2», تۇرعىندارعا ءوز ونىمدەرىن ۇسىناتىن «كەراميكا», «سۆەتاكوم» «جاك» ءتارىزدى جاۋاپكەرشىلىگى شەكتەۋلى سەرىكتەستىكتەرى, سونداي-اق, ازىق-ت ۇلىك وندىرۋمەن اينالىساتىن «ستەپنوە», «مارتوك ءسۇت» جاۋاپكەرشىلىگى شەكتەۋلى سەرىكتەستىكتەرى, «ۆانيل», «ۆولىنەتس» جانە «امىرعاليەۆا.ا» جەكە كاسىپكەرلىكتەرى دە بار.
وبلىس اكىمىنىڭ ءبىرىنشى ورىنباسارى نۇرمۇحامبەت ابدىبەكوۆ كورمە-كونكۋرسقا قاتىسۋشىلاردىڭ ءوڭىر ەكونوميكاسىنىڭ الەۋەتىن ارتتىرۋعا باعىتتالعان قادامدارىنا ساتتىلىك تىلەدى. ساراپتامالىق توپ ءار كاسىپورىننىڭ ونىمدەرىن كورىپ, ۇسىنىلعان ماتەريالداردى تالداپ, قورىتىندى شىعارعانشا وسىندا ءوز ونىمدەرىن قويعان بىرنەشە فيرمالاردىڭ وكىلدەرىمەن اڭگىمەلەسۋدىڭ ءساتى ءتۇستى.
«مارتوك ءسۇت» جشس ديرەكتورى اللا تىششەنكونىڭ ايتۋىنشا, كورمە-كونكۋرسقا وزدەرى شىعاراتىن 11 ءتۇرلى ءسۇت ونىمدەرىن اكەلىپتى. ولار اۋدانداعى ءۇش ءىرى شارۋا قوجالىعىمەن ءسۇت تاپسىرۋعا كەلىسىم-شارتقا وتىرعان. باسقا دا تۇرعىنداردان ءسۇت قابىلدايدى. سول سۇتتەن وندىرىلگەن قايماق, ايران, ىرىمشىك, باسقا دا ونىمدەردى قالالىقتار قىل ۇستىنەن ءبولىپ اكەتەدى ەكەن. ياعني ءسۇت ونىمدەرىنىڭ ساپاسى جاقسى بولعانى, ەكولوگيالىق تازالىعى تۇتىنۋشىلاردىڭ كوڭىلىنەن شىعاتىنى كورىنىپ تۇر.
حرومتاۋ اۋدانىنداعى «كەراميكا» اكتسيونەرلىك قوعامى بولىپ قايتا قۇرىلعان كاسىپورىنعا مەملەكەت قولداۋ كورسەتىپ, «دامۋ – ايماقتار-2» باعدارلاماسى بويىنشا جەڭىلدىكپەن نەسيە بولگەن. اكتسيونەرلىك قوعامنىڭ كوممەرتسيالىق ديرەكتورى راحات التىباەۆتىڭ مالىمدەۋىنشە, كاسىپورىندى جاڭعىرتۋ جوباسى 222 ميلليون تەڭگەگە ءتۇسىپتى. جىلىنا 1 ميلليون شارشى مەتر پليتا شىعارۋعا نەگىزدەلگەن جوبانىڭ قۋاتىن يگەرۋدە ىلگەرىلەۋشىلىك بار. مۇندا وندىرىلەتىن ءونىم ساپاسى ەۋروپالىق ستاندارتقا ساي كەلەدى. نارىقتا باسەكەلەستىككە قابىلەتتى كەراميكا پليتالارى نەگىزىنەن ورتانقول تۇتىنۋشىعا ارنالعان دۇنيەلەر. «كەراميكانىڭ» پليتالارىنا قازىردىڭ وزىندە ىشكى رىنوكتا سۇرانىس جوعارى. مۇندا 160 ادام ەڭبەك ەتەدى.
كورمە-كونكۋرسقا ەت ونىمدەرىنىڭ 43 ءتۇرىن اكەلگەن «ستەپنوە» جشس سورەسى ماڭىندا ادامدار قارامى كوپ. ونىڭ دا رەتى بار. سەرىكتەستىكتىڭ ىستالعان ەتى, شۇجىعى, ءتىلى, قازى-قارتاسى جانە باسقا جەڭسىك تاعامدارى كوز جاۋىن الادى. ساپاسى دا ءتىل ۇيىرەرلىكتەي ءدامدى. كەزىندە «قازاقستاننىڭ ۇزدىك تاۋارلارى» رەسپۋبليكالىق كورمە-كونكۋرسىنا قاتىسىپ, ءوز ونىمدەرىنىڭ ساپالىلىعىن دالەلدەپ ۇلگەرگەن سەرىكتەستىكتىڭ جۇلدەگەرلەر قاتارىنان كورىنۋگە مۇمكىندىگى مول ەكەنى ايتپاسا دا تۇسىنىكتى.
ساراپتامالىق توپتىڭ ۇيعارىمىمەن «وندىرىستىك ماقساتتاعى ۇزدىك تاۋارلار» نوميناتسياسى بويىنشا «تەنۋس ا» جشس ءبىرىنشى, «سيليكات-ا» جشس ەكىنشى, ال, «ناعىز بەتون» جشس ءۇشىنشى ورىندى يەلەندى. «حالىق ءۇشىن ۇزدىك تاۋارلار» نوميناتسياسىندا «كەراميكا» اق الدا بولدى, ەكىنشى جانە ءۇشىنشى ورىندارعا تيىسىنشە «سۆەتاكوم» جشس مەن «نيازوۆ.ە» جەكە كاسىپكەرلىگى تابان تىرەدى. «ۇزدىك ازىق-ت ۇلىك تاۋارلارى» نوميناتسياسى بويىنشا «ستەپنوە» جشس جەڭىس تۇعىرىنان كورىندى. ەكىنشى ورىندى «ۆولىنەتس» جەكە كاسىپكەرلىگى يەلەنسە, ءۇشىنشى ورىن «مارتوك ءسۇت» جشس-نە بۇيىردى. كورمە-كونكۋرستىڭ جەڭىمپازدارى مەن جۇلدەگەرلەرىنە ديپلومدار مەن باعالى سىيلىقتار تاپسىرىلدى. بۇل شارانىڭ جەڭىمپازدارى استانا قالاسىندا وتەتىن «قازاقستاننىڭ ۇزدىك تاۋارى» كورمە-كونكۋرسىنا قاتىسۋ قۇقىنا يە بولدى. ەندى ولار وسى كورمە-كونكۋرستا وبلىستىڭ ەكونوميكالىق دامۋ الەۋەتىن, ونىمدەرىنىڭ قانشالىقتى ساپالىلىعىن كورسەتەتىن بولاد ى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.