Kaznex Invest ۇلتتىق اگەنتتىگى رەسەيدىڭ تۇمەن قالاسىندا ازىق-ت ۇلىك, ماشينا جاساۋ, قۇرىلىس سالالارىنداعى توعىز وتاندىق وندىرىسشىلەر ونىمدەرىنىڭ تۇساۋكەسەرىن وتكىزدى.
Kaznex Invest ۇلتتىق اگەنتتىگى رەسەيدىڭ تۇمەن قالاسىندا ازىق-ت ۇلىك, ماشينا جاساۋ, قۇرىلىس سالالارىنداعى توعىز وتاندىق وندىرىسشىلەر ونىمدەرىنىڭ تۇساۋكەسەرىن وتكىزدى.
وندا «تسەسنا-استىق» كونتسەرنى» اق, «سۇلتان مارتكەتينگ» اق, «اكبارس نك» جشس, «يۋپەكس» جشس, «كۋبلەي» جشس, «بەلكاميت» اق, «KazGer» جشس, «كەنتاۋ ترانسفورماتور زاۋىتى» اق جانە «مۇناياسپاپ» اق ءوز ءونىمدەرىن ۇسىندى.
تۇمەندىك كاسىپكەرلەر قازاقستاندىق ازىق-ت ۇلىك ونىمدەرىنە نەعۇرلىم ۇلكەن قىزىعۋشىلىق تانىتتى. الدىن الا ۋاعدالاستىق بويىنشا وتاندىق ازىق-ت ۇلىك ءونىمىن وندىرۋشىلەر مەن تۇمەندىك كاسىپكەرلەر اراسىنداعى ۇن ونىمدەرىن جەتكىزىپ بەرۋ جونىندەگى كەلىسىمشارت قول قويۋ ساتىسىندا تۇر. ماشينا جاساۋ ونىمدەرىنە كەلسەك, اگەنتتىكتىڭ «مۇناياسپاپ» جانە «بەلكاميت» كاسىپورىندارى ءۇشىن وسىنداعى بىرقاتار ءوندىرىس ورىندارىمەن ارنايى كەزدەسۋلەر ۇيىمداستىرعانىن اتاپ كورسەتۋ قاجەت. سونىڭ ناتيجەسىندە «كەنتاۋ ترانسفورماتور زاۋىتى» اق ءسىبىر وڭىرىنە ترانسفورماتورلار جەتكىزىپ بەرۋ جونىندە كەلىسسوزدەر جۇرگىزۋدە.
رەسەيدىڭ جاقىن ورنالاسقان 12 وڭىرلەرىنە جاسالعان تالداۋ قورىتىندىلارى بويىنشا تۇمەن وبلىسى 228 ميلليون اقش دوللارىن قۇرايتىن كورسەتكىشپەن قازاقستاندىق ەكسپورت كولەمى بويىنشا الدىڭعى ورىندا تۇر. ءوڭىردىڭ تۇتىنۋ تاۋارلارىنا, حيميا ونىمدەرىنە, بىرقاتار ماشينا جاساۋ جانە ەلەكتر-تەحنيكالىق ونىمدەرگە دەگەن سۇرانىسى ۇلكەن. مامانداردىڭ پايىمداۋىنشا, قازاقستاندىق كاسىپورىندار دا وسى اتالعان تاۋارلاردى يمپورتتاۋعا باسا نازار اۋدارۋى ءتيىس.
تۇمەندە وتاندىق وندىرىسشىلەر ونىمدەرىنىڭ تۇساۋكەسەرىن وتكىزۋ Kaznex Invest اگەنتتىگىنىڭ ۇلتتىق ەكسپورتتى رەسەي فەدەراتسياسىنىڭ شەكارالاس وڭىرلەرىندە العا باستىرۋ جۇمىسى شەڭبەرىندە جۇزەگە اسىرىلدى. وسى ورايدا سوڭعى ۋاقىتتارى اتالعان اگەنتتىكتىڭ ىقپال جاساۋىمەن بىرقاتار وتاندىق كاسىپورىنداردىڭ ءنوۆوسىبىر جانە ومبى وبلىستارى كاسىپكەرلەرىمەن كەلىسسوزدەر جۇرگىزۋگە قول جەتكىزگەنىن ايتا كەتۋ قاجەت.
«ەگەمەن-اقپارات».