ەرجان سقاقوۆ! ءور التايدىڭ تورىندە كىندىگىن كەسكەن, سوڭعى ون جىلدان بەرى كۇرشىمدە تۇرىپ جاتقان «وسكەمەن قۇرىلىس» كومپانياسىنىڭ ديرەكتورى, وبلىستىق ءماسليحاتتىڭ دەپۋتاتى, «قۇرمەت» وردەنىنىڭ يەگەرى, قۇرمەتتى قۇرىلىسشى, كەندى التايدىڭ شالعايداعى اۋىلدارىنا 10 مەكتەپ, بىرنەشە الەۋمەتتىك نىسانداردى كوزدىڭ جاۋىن الاتىنداي ادەمى ەتىپ سالىپ بەرگەن بۇل ازاماتتى ەكىنىڭ ءبىرى تانىپ, قۇرمەتتەيدى دەسەك, قاتەلەسە قويماسپىز. راسى, ەرجاندى ۇستاۋ قيىن, شىرايلى شىعىستى تىنباي شارلاپ جۇرەتىندىكتەن ازاماتپەن جولىعۋ وڭاي شارۋا ەمەس. ءساتى ءتۇسىپ جاقىندا كۇرشىم اۋدانىندا ىسساپارمەن بولعان كەزدە ەرجانمەن كەزدەسۋدىڭ ورايى كەلدى.
ەرجان سقاقوۆ! ءور التايدىڭ تورىندە كىندىگىن كەسكەن, سوڭعى ون جىلدان بەرى كۇرشىمدە تۇرىپ جاتقان «وسكەمەن قۇرىلىس» كومپانياسىنىڭ ديرەكتورى, وبلىستىق ءماسليحاتتىڭ دەپۋتاتى, «قۇرمەت» وردەنىنىڭ يەگەرى, قۇرمەتتى قۇرىلىسشى, كەندى التايدىڭ شالعايداعى اۋىلدارىنا 10 مەكتەپ, بىرنەشە الەۋمەتتىك نىسانداردى كوزدىڭ جاۋىن الاتىنداي ادەمى ەتىپ سالىپ بەرگەن بۇل ازاماتتى ەكىنىڭ ءبىرى تانىپ, قۇرمەتتەيدى دەسەك, قاتەلەسە قويماسپىز. راسى, ەرجاندى ۇستاۋ قيىن, شىرايلى شىعىستى تىنباي شارلاپ جۇرەتىندىكتەن ازاماتپەن جولىعۋ وڭاي شارۋا ەمەس. ءساتى ءتۇسىپ جاقىندا كۇرشىم اۋدانىندا ىسساپارمەن بولعان كەزدە ەرجانمەن كەزدەسۋدىڭ ورايى كەلدى.كۇرشىم اۋدانىنىڭ اكىمى التايبەك سەيىتوۆ اۋدانداعى قۇرىلىس نىساندارىنىڭ كوبىندە «وسكەمەن قۇرىلىس» كومپانياسىنىڭ ءىزى سايراپ جاتقانىن تىلگە تيەك ەتتى دە, ولاردى تىزبەلەپ شىقتى.
– «ەرجان سقاقوۆتىڭ قۇرىلىسشىلارى سوڭعى بىرنەشە جىلدا وبلىستا وننان استام مەكتەپتىڭ قۇرىلىسىن سالىپ بەردى. تەك كۇرشىم اۋدانىندا امانات, تەرەكتىبۇلاق, باراق باتىر, اۋدان ورتالىعىندا 600 ورىندىق مەكتەپتىڭ قۇرىلىسىن مەرزىمىندە اياقتادى. مۇنىڭ سىرتىندا كاتونقاراعاي, شەمونايحا اۋداندارىندا دا بىرنەشە مەكتەپ تۇرعىزعان. وتكەن جىلى كۇرشىمدەگى 64 پاتەرلى تۇرعىن ءۇيدى مەرزىمىنەن بۇرىن سالىپ بەرىپ, اۋداندا قىزمەت ەتەتىن ۇستازدار مەن دارىگەرلەر, از قامتىلعان وتباسىلارعا پاتەر كىلتىن تاپسىرۋعا ءوڭىر باسشىسى بەردىبەك ساپارباەۆ ارنايى قاتىسىپ, قۇرىش بىلەكتى قۇرىلىسشىلارعا العىسىن ايتتى. ەرجاننىڭ قۇرىلىسشىلارى مۇنىڭ سىرتىندا جابىق سپورت ءمودۋلىن, حوككەي, فۋتبول الاڭدارىن سالىپ بەرگەن. اۋدان ورتالىعىنداعى بايتەرەكتە دە قۇرىلىسشىلاردىڭ ءىزى سايراپ جاتىر», – دەدى اۋدان اكىمى ا.سەيىتوۆ.
اۋدان ورتالىعىنىڭ كورىكتى جەرىندە, بايتەرەكتىڭ ماڭىنان قۇنى 580 ميلليون تەڭگەنىڭ 300 ورىندىق مادەنيەت ءۇيىنىڭ قۇرىلىسى قارقىندى ءجۇرىپ جاتىر. ءبىر ءسۇيىنىشتىسى, عيمارات قۇرىلىسىنا جەرگىلىكتى ماتەريالدار قولدانىلادى ەكەن.
–بۇدان جەتى-سەگىز جىل بۇرىن ءوزىمىزدىڭ قۇرىلىس بازامىزدى قۇرعانبىز. قازىر كىرپىشتىڭ پەنوبلوك اتتى ءتۇرى تاپتىرمايتىن ماتەريال. ول جەڭىل, ساپالى ءارى قىستا جىلى بولادى. قۇم, تسەمەنتكە قىتايدان اكەلىنگەن مىرىش ۇنتاعىن قوسۋ ارقىلى كىرپىشتىڭ شىدامدىلىعى ارتادى. ءبىر پەنوبلوك ءتورت-بەس كىرپىشتى الماستىرا الادى, سوندىقتان قۇرىلىس تا قارقىندى, جىلدام سالىنادى. بۇدان ەكى جىل بۇرىن «كوكجال» ساۋدا ءۇيىن سالعان كەزدە دە ءوزىمىز ازىرلەگەن ماتەريالداردى پايدالاندىق. قازىر 500 ورىندىق مەيرامحانا قۇرىلىسىن سالۋدى باستادىق. قىتايدان جەتكىزىلگەن بەتون ارالاستىرعىش جۇيە ءبىر ساعاتتا 45 تەكشە بەتوندى ازىرلەيدى. كۇرشىمنىڭ باتىس جاعىندا كومپانيانىڭ پلاستيكتەن ەسىك, تەرەزە, پاتەر بالكوندارىن جاسايتىن تسەحى جۇمىس ىستەپ تۇر. ارزان بولعان سوڭ ءتىپتى كورشى اۋدانداردان ساتىپ الىپ جاتقاندار قاتارى كۇن سايىن كوبەيىپ كەلەدى. ول ول ما, ۋكراينانىڭ كرەمچۋك قالاسىنان 600 مىڭ اقش دوللارىنا ساتىپ العان اسفالت زاۋىتى ءوڭىردىڭ جولدارىن سالۋدا كەڭىنەن قولدانىلۋدا, – دەپ ەرجان ءىنىمىز ءبىراز جايلاردى ورتاعا سالدى.
«وسكەمەن قۇرىلىس» كومپانياسى سالعان «كوكجال» سۋپەرماركەتىنە كىردىك. ءتىپتى مۇنداي عيماراتتار اۋىلدى قويىپ وبلىس ورتالىعىندا سيرەك كەزدەسەدى. جان-جاعى قاراعاي, سامىرسىن اعاشتارىمەن كومكەرىلگەن, ءىشى-سىرتى ايناداي تازا ەكى قاباتتى عيماراتتا شاشتاراز, ساۋدا ورىندارى, بالالارعا ارنالعان كيىم-كەشەك ساۋدالانادى. «كوكجال» سۋپەرماركەتىنىڭ ىشىندە قوناقۇي, ءدامحانا, شاشتاراز بار. الماگۇل قايىرحانوۆا ءبىر جىل بۇرىن وسكەمەندە شاشتارازدار ازىرلەيتىن كۋرستى تامامداعان سوڭ «كوكجال» ساۋدا ۇيىنەن ورىن الىپ, انار قايشانتاەۆا, جاننا ابىلقايىروۆا ۇشەۋى اۋىل تۇرعىندارىنا قىزمەت كورسەتۋدە.
ەرجاننىڭ جۇبايى گۇلنار قاتپانوۆا ەسەپ-قيساپتاردى جاساسا, نۇرعيزا امانباەۆا قاجەتتى زاتتارمەن قامتاماسىز ەتەدى. ايتا كەتۋ كەرەك, قۇرىلىس كومپانياسىندا بۇل كۇندەرى 250 ادام ەڭبەك ەتەدى. مۇنىڭ سىرتىندا ەرەكەڭ باسقاراتىن «كوكجال» شارۋا قوجالىعىندا جۇزدەگەن ءىرى قارا, جىلقى بار, اۋدان ورتالىعىندا مال ونىمدەرىن ارزان باعامەن ساۋدالايتىن دۇكەنى اۋىل تۇر عىندارعا قىزمەت ەتۋدە. اۋىلدىڭ جيىرماعا تارتا ادامى دۇكەننەن ارەنداعا دۇڭگىرشەك اشىپ الىپ, ساۋدالارىن قىزدىرىپ جاتىر. ارەندا باعاسى قالتا كوتەرەرلىكتەي, دەيدى ساۋدا جاساۋشىلار. «كوكجالدا» ەرەكەڭ وتىز ادامعا جۇمىس ورنىن تاۋىپ تەرگەن. سول ماڭداعى قۇرىلىس دۇكەنىنە كىرگەن كەزدە دە جيناقىلىق پەن ۇقىپتىلىقتى بايقادىق. مۇندا كەز كەلگەن قۇرىلىس ماتەريالدارىن تاۋىپ الاسىز, باعاسى قالا دۇكەندەرىمەن سالىستىرعاندا ارزان بولماسا, قىمبات ەمەس. «پايدا تابۋدى ەمەس, جەرلەستەرىمنىڭ قاجەتىن وتەۋدى ماقسات تۇتتىم, ولارعا جۇمىس تاۋىپ بەرۋدى ازاماتتىق بورىشىم سانادىم», دەيدى ەرجان سقاقوۆ.
شىنىندا دا, اۋىلدا تۇرىپ جاتسا دا ەرجان سقاقوۆ باسقاراتىن كومپانيا قۇرىلىسشىلارى وڭىردەگى قۇرىلىس نىساندارىن سالۋعا قىزۋ ارالاسادى. ونىڭ قۇپياسى جوق, تەندەرگە قاتىسقان كەزدە بارىنشا ارزان, ۇنەممەن قۇرىلىس عيماراتتارىن سالىپ بەرۋگە كەپىلدەمە بەرەدى. سەبەبى, تسەمەنتتەن باسقا ماتەريالداردى وزدەرى دايىندايتىن بولعان سوڭ وعان سەنىم ارتىلاتىنى بەلگىلى. سوندىقتان بولار, اتالعان كومپانيا سوڭعى ەكى جىلدان بەرى شەمونايحا اۋدانىندا بىرنەشە نىسانداردى سالۋدا. جاقىندا عانا كومپانيا وسىندا 320 ورىندىق مەكتەپتىڭ قۇرىلىسىن اياقتاپتى.100 ورىندىق ينتەرنات قۇرىلىسىن ءبىر ايدا سالىپ بەرگەن قۇرىلىسشىلارعا اۋدان جۇرتشىلىعى ەرەكشە العىسىن ءبىلدىرىپتى. جاقىندا شەمونايحادا 180 ورىندىق مەكتەپتىڭ قۇرىلىسىن باستاپ كەتكەن جىگىتتەردىڭ ونى مەرزىمىندە اياقتايتىندارىنا سەنىم مول.
قازىر قۇرىلىس سالۋعا قارجى جەتەدى. وكىنىشكە قاراي, بىلىكتى دە ءبىلىمدى ماماندار جەتىسپەيدى. كوپ رەتتە جۇمىس كۇشى مەن تەحنيكا جەتپەسە دە قاتارىنان بىرنەشە تەندەرگە قاتىسىپ, ونى ۇتىپ العان سوڭ, نە ىستەرلەرىن بىلمەي, عيماراتتى مەرزىمىندە تاپسىرا الماي وتىرعان قۇرىلىس كومپانيالارى بارشىلىق. بۇل رەتتە ەرجان سقاقوۆ باسقاراتىن «وسكەمەن قۇرىلىس» كومپانياسىنان باسقالار ۇلگى السا, قانەكي. ولاردىڭ جۇمىس كۇشى مەن تەحنيكاسى قازىرگى زامانعى تالاپتارعا ساي, مەرزىمىندە عيماراتتى سالىپ, تاپسىرادى. ەرجاندىكى سياقتى ەكى-ءۇش كومپانيا بولسا, ءىسىمىز العا باسار ەدى, دەگەندى وبلىس اكىمى قۇرىلىسشىلارمەن بولعان القالى جيىندا ايتقان ەدى. ءيا, بۇل بيزنەستىڭ جاۋاپكەرشىلىگىن بىلدىرسە كەرەك.
ە.سقاقوۆ قايىرىمدىلىق شارالارىنا دا بەلسەنە ارالاسادى. كەزىندە ءوزى دە سپورتپەن شۇعىلدانعان ازامات اۋداننىڭ سپورتشىلارىنا ۇنەمى دەمەۋشىلىك جاسايدى. فۋتبول, حوككەي الاڭىن سالىپ بەرۋى سونىڭ دالەلى بولسا كەرەك. مەكتەپتەر مەن بالاباقشالارعا دا كومەگىن كورسەتىپ تۇرادى. بالاباقشا دەمەكشى, شەمونايحادا 280 ورىندىق بالاباقشانىڭ قۇرىلىسىن باستادى. گلۋبوكوە اۋدانىنىڭ چەرەمشانكا كەنتىندە دە ەمدەۋ-دارىگەرلىك امبۋلاتوريا قۇرىلىسى جۇرۋدە.
قاشان كورسەڭ دە تىنىم تاپپاي شاپقىلاپ جۇرەتىن قۇرىلىس سالاسىنىڭ بىلگىر مامانى جول سالۋعا دا بەلسەنە ارالاسىپ ءجۇر. حالىق قالاۋلىسى رەتىندە ول اۋىل ادامدارىنىڭ مۇڭ-مۇقتاجىن شەشۋگە دە بەلسەنە ارالاسادى. «شىركىن, بۇقتىرما بويىنان پارومنىڭ ورنىنا كوپىر سالىنسا, اۋىل ادامدارىنىڭ كوزى اشىلار» دەگەندى سەزدىرگەن. دەپۋتات رەتىندە بۇل وزەكتى ماسەلەنىڭ شەشىمىن تابۋىنا دا ۇلەس قوسپاق ويى بار. بۇل ويىن وبلىس باسشىلارى دا قولداپ وتىر. جاقىندا عانا ولار شەمونايحا اۋدانىندا «كوكجال» اتتى اسفالت زاۋىتىن ىسكە قوسىپتى. دەمەك, جول ۇزاق, ارمان الدا دەگەندەي. كەندى التايدىڭ بىرنەشە اۋىلدارىنداعى قۇرىلىستا سايراعان ءىزى جاتقان ەرجان سقاقوۆتىڭ بەرگەنىنەن بەرەرى كوپ. «جۇمىسپەن قامتۋ-2020» باعدارلاماسىنا دا ۇلكەن ۇلەس قوسىپ جاتقان ازاماتتىڭ بۇگىنگىسىنەن ەرتەڭى جارقىن بولا بەرمەك.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
كۇرشىم اۋدانى.
سۋرەتتى تۇسىرگەن اۆتور.