دەنساۋلىق ساقتاۋ ءمينيسترى ەلجان ءبىرتانوۆ پەن رەسەي فەدەراتسياسىنىڭ دەنساۋلىق ساقتاۋ ءمينيسترى ميحايل مۋراشكومەن تەلەفون ارقىلى سويلەستى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
اڭگىمە بارىسىندا ەلجان ءبىرتانوۆ ميحايل مۋراشكونىڭ تاعايىندالۋىمەن قۇتتىقتادى جانە كوروناۆيرۋستىق ينفەكتسياعا قارسى كۇرەستە كورسەتكەن كومەگى ءۇشىن جانە ءبىزدىڭ ازاماتتاردى ۋحان قالاسىنان ەۆاكۋاتسيالاعانى ءۇشىن العىس ءبىلدىردى.
تاراپتار قازاقستاننىڭ دەنساۋلىق ساقتاۋ مينيسترلىگىنىڭ جەدەل ورتالىعى ارقىلى تۇراقتى بايلانىس ورناتۋعا جانە اقپارات الماسۋعا كەلىستى.
اتاپ ايتقاندا, قازاقستاننىڭ دەنساۋلىق ساقتاۋ مينيسترلىگى رەسەيدىڭ تۇمەن قالاسىنداعى ء(ۇش قازاقستاندىق) ۋحاننان ەۆاكۋاتسيالانعان ازاماتتارىمىزدىڭ جاعدايىنا بىرلەسىپ مونيتورينگ جۇرگىزەتىن بولادى. جەرلەستەرىمىز ەكى اپتالىق كارانتيندە وتىر.
ايتا كەتۋ كەرەك, بۇل جاعداي دەنساۋلىق ساقتاۋ مينيسترلىگىنىڭ تۇراقتى باقىلاۋىندا.
رەسمي اقپاراتتى دەنساۋلىق ساقتاۋ مينيسترلىگىنىڭ فەيسبۋكتەگى پاراقشاسىنان وقي الاسىزدار جانە كەز كەلگەن سۇراقتار بويىنشا تاۋلىك بويى جۇمىس ىستەيتىن 1406 بايلانىس-ورتالىعىنا قوڭىراۋ شالۋعا بولادى.
سونداي-اق دەنساۋلىق ساقتاۋ ءمينيسترى ەلجان ءبىرتانوۆ پەن وزبەكستان رەسپۋبليكاسىنىڭ دەنساۋلىق ساقتاۋ ءمينيسترى اليشەر شادمانوۆپەن تەلەفون ارقىلى سويلەستى.
ەلجان ءبىرتانوۆ ءوزىنىڭ ارىپتەسىنە ۋحاننان قازاقستاندىقتاردى ەۆاكۋاتسيالاعانى ءۇشىن العىس ايتتى.
تاراپتار قازاقستاننىڭ دەنساۋلىق ساقتاۋ مينيسترلىگىنىڭ جەدەل ورتالىعى ارقىلى تۇراقتى بايلانىس ورناتۋعا جانە اقپارات الماسۋعا كەلىستى.
اتاپ ايتقاندا, قازاقستاننىڭ دەنساۋلىق ساقتاۋ مينيسترلىگى وزبەكستاننىڭ تاشكەنت قالاسىنداعى (بەس قازاقستاندىق) ۋحاننان ەۆاكۋاتسيالانعان ازاماتتارىمىزدىڭ جاعدايىنا بىرلەسىپ مونيتورينگ جۇرگىزەتىن بولادى. جەرلەستەرىمىز ەكى اپتالىق كارانتيندە وتىر.
ايتا كەتۋ كەرەك, بۇل جاعداي دەنساۋلىق ساقتاۋ مينيسترلىگىنىڭ تۇراقتى باقىلاۋىندا.
رەسمي اقپاراتتى دەنساۋلىق ساقتاۋ مينيسترلىگىنىڭ فەيسبۋكتەگى پاراقشاسىنان وقي الاسىزدار جانە كەز كەلگەن سۇراقتار بويىنشا تاۋلىك بويى جۇمىس ىستەيتىن 1406 بايلانىس-ورتالىعىنا قوڭىراۋ شالۋعا بولادى.