بارشاسى جۇمىلا قار كۇرەدى

ء«بىز بىرگەمىز!» چەللەندجىن ەلور­دانىڭ جۇزدەگەن مىڭ تۇرعىنى قولداپ, كوم­مۋنالدىق قىزمەتتەرگە قار قۇرساۋىمەن كۇرەسۋگە كومەكتەسۋدە. اتالعان اكتسيا اياسىندا بىرىككەن ەلوردالىقتار قار تازالاۋ بويىنشا جالپى قالالىق سەن­بىلىك ۇيىمداستىردى. قالا تۇرعىن­دارى ەلوردانىڭ اۋلالارى مەن تروتۋار­لارىنداعى قاردى تازالاپ, كوممۋنالدىق قىزمەتتەرگە كومەك قولىن سوزدى.

قالانىڭ ءار بولىگىندە تۇرعىنداردىڭ كۇشىمەن 4800 تەكشە مەتردەن استام قار جينالدى. ۆولونتەرلەر, بلوگەرلەر, قازاق­ستاندىق ەسترادا ونەرپازدارى رۇستەم جۇ­گىنىسوۆ, ايگۇل يمانباەۆا, تۇرسىنبەك قاباتوۆ, TerriTima, ءاليا ءالىمجانوۆا, ءادىل احمەتوۆ, عاني اجىكەنوۆ سياقتى بەل­سەندى قالا تۇرعىندارىنىڭ بىرلەسكەن كۇشىمەن كومەككە مۇقتاج زەينەتكەرلەردىڭ ءۇيىنىڭ  اۋلالارى قاردان تازارتىلدى. قازاقستان حالقى اسسامبلەياسى ەتنو­مادەني بىرلەستىكتەرىنىڭ وكىلدەرى ء«وندىرىس» تۇرعىن ءۇي الابىندا تۇراتىن ۇوس ارداگەرلەرى مەن قارت زەينەتكەرلەرگە قار كۇرەۋگە قول ۇشىن سوزدى.

سونىمەن قاتار بۇل ىسكە جوعارى وقۋ ورىندارى مەن كوللەدج ستۋدەنتتەرى, ءبىلىم بەرۋ جانە دەنساۋلىق ساقتاۋ مەكەمە­لەرىنىڭ قىزمەتكەرلەرى دە قاتىسىپ, ولار ءوز عيماراتتارىنىڭ اۋماعىن قاردان تازارتتى.

سەنبىلىك ءىس-شاراعا بارلىعى 475 قىز­مەت كورسەتۋشى ۇيىم قاتىسىپ, 978 اۋلا جينالدى. ەلوردالىق ۆولونتەرلەر شتا­بى­نىڭ جەتەكشىسى شىڭعىس تىلەۋلين اتاپ وتكەندەي, قىسقى مەرزىم ىشىندە مۇنداي كومەك مۇقتاج تۇرعىندارعا تۇراقتى نەگىزدە كورسەتىلەتىن بولادى.

«سۋىق ءبىز ءۇشىن قورقىنىشتى ەمەس. سونداي-اق ىستىق شاي مەن ازىق-ت ۇلىك سەبەتتەرىن تاراتاتىن بولامىز, قار تازالاپ, ەلوردالىقتاردى بىرلەسىپ يگى ىستەر جاساۋعا شاقىرامىز», دەدى ول.

ەستەرىڭىزگە سالا كەتەيىك, ء«بىز بىرگە­مىز!» چەللەندجى ەلوردالىق تۇرعىندار اراسىندا تانىمالدىلىققا يە بولىپ, قالا تۇرعىندارىنىڭ كوبى قالا اۋماعىن قاردان تازارتىپ, الەۋمەتتىك جەلىلەردە #بىزبىرگەمىز حەشتەگىمەن بەينە جانە فوتو­سۋرەتتەردى ورنالاستىرۋدا. اكتسيا جىل باسىندا باستالعان بولاتىن. گيدرو­مە­تەورولوگيالىق ورتالىقتىڭ مالىمەتتەرى بويىنشا قاڭتار ايىندا نۇر-سۇلتاندا قار قالىڭدىعى رەكوردتىق دارەجەگە جەتكەن. سوڭعى رەت مۇنداي كورسەتكىش 1964 جىلى بەلگىلەندى.