ەلوردا جاستارى ۆولونتەر جىلىنا دايىن

«نۇر-سۇلتان قالاسى جاستار ساياساتى ماسەلەلەرى باسقارماسى» مم باسشىسى داۋلەت كارىبەك ۆولونتەرلەر باسقوسۋى جاقسى كوماندانىڭ, ءونىمدى جۇمىستىڭ نەگىزى ەكەنىن ايتتى. «2020 جىل ۆولونتەر جىلى دەپ بەلگىلەنگەننەن كەيىن نۇر-سۇلتان قالاسىندا ۆولونتەرلەر شتابى قۇرىلدى. ىزگى ىسكە نيەتتى كەز كەلگەن جاس شتابقا كەلىپ ءوتىنىش بەرە الادى. ۇجىمدىق ءىس-شارا اپتاسىنا ەكى رەت وتەدى. ۆولونتەرلىك قىزمەتكە قىزىققانداردى الدىمەن وسىندا شاقىرىپ, ءبىر-بىرىمەن تانىستىرىپ كوماندا جاسايمىز. ارقاي­سىسىنىڭ يكەمىنە قاراي 7 توپقا بولەمىز. بەل­سەندى 500 ۆولونتەر بار, ال جالپى 2000-عا جۋىق ۆولونتەر تىركەلگەن. ولار­دى دايىندايتىن ارنايى ترەنەرلەر دە بار», دەدى د.كارىبەك.

ۇيىمداستىرۋشىلاردىڭ ايتۋىنشا, تيمبيلدينگ 7 كەزەڭنەن تۇرادى. ءار كەزەڭ­نىڭ ەرەكشە تاپسىرماسى بار. بۇل تاپسىر­مالار دا قاتىسۋشىنىڭ بەيىمدىلىگىن انىقتاۋعا مۇمكىندىك بەرەدى.

نۇر-سۇلتان قالاسىنداعى №61 ورتا مەكتەپتىڭ 11-سىنىپ وقۋشىسى قانات سادىق ۆولونتەرلىكپەن 15 جاسىنان باس­تاپ اينالىساتىنىن ايتا كەلە, بۇگىنگى شاراعا دوستارىن قولداۋعا كەلگەنىن ايتتى. ء«وزىم 9-سىنىپتان باستاپ ۆولونتەرلىكپەن اينالىسامىن. ەلميرا ەسمۇحانوۆا ەسىمدى ۇستازىم ۇلكەن جوبالارعا شاقىرىپ, وزىمەن بىرگە ەرتىپ ءجۇردى. باسىندا اتا-انام تۇسىنبەدى, مۇنى ۋاقىتشا قىزىعۋشىلىق دەپ قارادى. الايدا جەتىستىكتەرىمدى, ادامدارعا جاقسىلىق جاساۋعا قۇلشىنىسىمدى كورىپ, ويىن وزگەرتتى. مەكتەپ تۇلەگى رەتىن­دە ماڭىزدى سىنداردىڭ كۇتىپ تۇرعا­نىن تۇسىنەمىن. الايدا ۆولونتەرلىك ۋا­قىتتى ءتيىمدى پايدالانۋعا كومەكتەسەدى. ۇلكەن اتا-اجەلەرگە كومەكتەسەمىز. ولار بىزگە شاي بەرىپ, العىسىن ايتادى. ءتۇرلى سەنبىلىكتەرگە, حالىقارالىق شارالارعا قاتىسىپ, قولدان كەلگەنشە كومەك كورسەتەمىز», دەيدى قانات.

ال «استانا جاستارى» مقم ۆولونتەرى ارايلىم ءساپارالى ەرىكتىلەر قاتارىنا ستۋدەنت كەزدە قوسىلعانىن ايتادى. «ۆولونتەرلىكپەن اينالىسقانىما بىر­نەشە جىل ءوتتى. ستۋدەنت كەزىمدە باستالعان قىزىعۋشىلىق بۇگىندە ءومىرىمنىڭ ءبىر بولىگىنە, سۇيىكتى جۇمىسىما اينالدى», دەيدى.

جارىس جەڭىمپازدارى ماراپاتتالىپ, مەرەكەلىك داستارقان باسىندا تانىستىعىن جالعاستىردى.