«ءبىز – جەڭىستىڭ مۇراگەرىمىز!» ەستافەتاسى باستالادى

اتالمىش ەستافەتا 2018 جىلعى 28 قىركۇيەكتە دۋشانبە قالاسىندا وتكەن تمد مەملەكەت باسشىلارى كەڭەسىنىڭ شەشىمىمەن بەكىتىلگەن جەڭىستىڭ 75 جىلدىعىن مەرەكەلەۋگە باعىتتالعان نەگىزگى ءىس-شارالار جوسپارى اياسىندا وتكىزىلمەك.

ەستافەتانىڭ نەگىزگى اتريبۋتى – 1941 جىلى الماتى قالاسىندا جاساقتالىپ, ماسكەۋدەن بەرلينگە دەيىن  جەتكەن كەڭەس وداعىنىڭ باتىرى گەنەرال-مايور ي.ۆ. پانفيلوۆ اتىنداعى 8-گۆارديالىق موتواتقىشتار رەجيتسسكي, قىزىل تۋ لەنين وردەندى, سۋۆوروۆ وردەندى ديۆيزياسىنىڭ جاۋىنگەرلىك تۋىنىڭ كوشىرمەسى. تۋ كوشىرمەسىن قازاقستان اسكەري-تاريحي مۋزەيىنىڭ الماتى قالاسىنداعى فيليالى ۇسىنىپ وتىر. 

ەستافەتانىڭ ماقساتى – ۇلى وتان سوعىسىندا وتانىن جانقيارلىقپەن قورعاعان قازاقستاندىق جاۋىنگەرلەردىڭ ەرلىگىنە قۇرمەت كورسەتۋ, ەسىمدەرىن ەل ەسىندە ساقتاۋ, مايدان دالاسىندا ەلى ءۇشىن قازا بولعان ءار سولداتتىڭ ەرلىگىنە باس يۋ; جاستاردىڭ, ىشكى ىستەر ورگاندارى قىزمەتكەرلەرى مەن ۇلتتىق ۇلان اسكەري قىزمەتشىلەردىڭ بويىنا وتانسۇيگىشتىك قۇندىلىقتاردى جانە قازاقستان حالقىنىڭ باتىرلىق تاريحىنا قۇرمەتپەن قاراۋ, قازاقستاندىق پاتريوتيزمگە تاربيەلەۋ, ءوز اسكەري بورىشتارىن ۇلگىلى اتقارۋعا ىقپال ەتۋ. 

ەستافەتاعا پوليتسيا, توتەنشە جاعدايلار, قىلمىستىق-اتقارۋ جۇيەسى دەپارتامەنتتەرى, ۇلتتىق ۇلاننىڭ وڭىرلىك قولباسشىلىقتارى, اسكەري بولىمدەرى مەن بولىنىستەرى, ءىىو مەن ۇۇ ارداگەرلەر ۇيىمى, سونداي-اق ورتا مەكتەپ وقۋشىلارى مەن اسكەري-پاتريوتتىق كلۋبتاردىڭ تاربيەلەنۋشىلەرى, ستۋدەنت جاستار, قۇقىقتىق ءتارتىپ اسكەرىنىڭ اسكەري بولىمدەرى ورنالاسقان قالالارداعى جەرگىلىكتى قوعامدىق ۇيىمداردىڭ وكىلدەرى قاتىسادى.

الماتى قالاسى اكىمدىگىنىڭ, «نۇر وتان» پارتياسىنىڭ الماتى قالالىق فيليالىنىڭ, قازاقستان حالقى اسسامبلەياسى الماتى قالاسىنداعى «دوستىق ءۇيىنىڭ», «ارميا ءۇيى» مۋزەيى ديرەكتورى الۋا بايقاداموۆانىڭ (گەنەرال-مايور ي.ۆ.پانفيلوۆتىڭ جيەن نەمەرەسى) قولداۋىمەن ەستافەتا الماتى قالاسىنان باستالادى, سەبەبى 1941 جىلى گەنەرال-مايور ي.ۆ. پانفيلوۆ باسقارعان 316-اتقىشتار ديۆيزياسى وسى الماتى قالاسىندا جاساقتالعان.

ەستافەتا اياسىندا داڭقتى پانفيلوۆشىلار ديۆيزياسىنىڭ جاۋىنگەرلىك تۋىنىڭ كوشىرمەسى رەسپۋبليكالىق ماڭىزعا يە 3 قالادان, وبلىستىق دەڭگەيدەگى 14 قالادان جانە شاعىن 7 قالادان وتەتىن بولادى.

ەسكە الۋ ەستافەتاسى قوزعالىسىنىڭ كەستەسى بويىنشا ەستافەتا جولىن جالعاۋ ءۇشىن ۇلتتىق ۇلاننىڭ 37 اسكەري بولىمىنەن تۋ ۇستاۋشىلار توبى جاساقتالدى.

ەستافەتانىڭ قازاقستان اۋماعىن تەمىرجول جانە اۆتوكولىكپەن شارلاۋداعى جالپى جولى 11 مىڭ شاقىرىمدى قۇرايدى.

ەستافەتا بارىسىندا سوعىس جانە ەڭبەك ارداگەرلەرىمەن 68 كەزدەسۋ وتكىزۋ جوسپارلانعان. ۇلتتىق ۇلاننىڭ اسكەري-ۇرمەلى وركەسترى بارلىق پۋنكتتەر مەن جەكەلەنگەن بولىنىستەردى قوسا ەسەپتەگەندە 56 كونتسەرت قويادى.

وسى رەتتە الماتى قالاسىندا جوسپارلانعان ءىس-شارالار تىزبەگى تومەندەگىدەي: 

2020 جىلعى 5 اقپان كۇنى ساعات 10.00-دە – الماتى قالاسى اكىمدىگى, «نۇر وتان» پارتياسىنىڭ الماتى قالالىق فيليالى, قازاقستان حالقى اسسامبلەياسى الماتى قالاسىنداعى «دوستىق ءۇيى», قازاقستان رەسپۋبليكاسى ۇلتتىق ۇلانى باس قولباسشىلىعى جانە «وڭتۇستىك» وڭىرلىك قولباسشىلىعى وكىلدەرىنىڭ قاتىسۋىمەن   ءباسپاسوز ءماسليحاتىن وتكىزۋ. مەكەنجايى: دوستىق ءۇيى. قۇرمانعازى, 40.

2020 جىلعى 5 اقپان كۇنى ساعات 11.30-دا 28 گۆارديالىق-پانفيلوۆشىلار ساياباعىندا جاۋىنگەرلىك تۋ كوشىرمەسىن قارسى الۋ - تاپسىرۋ بويىنشا سالتاناتتى ءىس-شارا الماتى قالاسى اكىمدىگى, «نۇر وتان» پارتياسىنىڭ الماتى قالالىق فيليالى, قازاقستان حالقى اسسامبلەياسى الماتى قالاسىنداعى «دوستىق ءۇيى», «جاس وتان» جاستار قاناتى, ارداگەرلەر جانە قالانىڭ باسقا دا قوعامدىق ۇيىمدارى, كورنەكتى مەملەكەت قايراتكەرلەرىنىڭ قاتىسۋىمەن وتەدى.    

2020 جىلعى 5 اقپاندا ساعات 12.00-دە جاۋىنگەرلىك تۋ كوشىرمەسىن قارسى الۋ-تاپسىرۋ بويىنشا سالتاناتتى ءىس-شاراعا جينالعاندارعا  كونتسەرت بەرىلەدى.  ء وتۋ ورنى: ارميا ءۇيى,  مەكەنجايى: زەنكوۆ كوشەسى, 24.

2020 جىلعى 5 اقپاندا ساعات 15.00-دە –  الماتى قالاسى اكىمدىگى, «نۇر وتان» پارتياسىنىڭ الماتى قالالىق فيليالى, قازاقستان حالقى اسسامبلەياسى الماتى قالاسىنداعى «دوستىق ءۇيى», قازاقستان رەسپۋبليكاسى ۇلتتىق ۇلانى باس قولباسشىلىعى جانە «وڭتۇستىك» وڭىرلىك قولباسشىلىعىنىڭ وكىلدەرى جانە باق وكىلدەرى  جاۋىنگەرلىك تۋ ۇستاۋشى توبىمەن بىرگە ۇلى وتان سوعىسى ارداگەرىنىڭ ۇيىنە بارادى. ارداگەردىڭ ءۇيىنىڭ الدىندا اسكەري وركەستر سوعىس جىلدارىنداعى اندەر مەن مۋزىكالاردى ورىندايدى, قازاقستان رەسپۋبليكاسى ۇلتتىق ۇلانىنىڭ اسكەري قىزمەتشىلەرى سالتاناتتى شەرۋمەن ءوتىپ, ارداگەرگە اسكەري اسكەري سالەم بەرەدى دەپ جوسپارلانۋدا. ءارى قاراي الماتى قالاسىنىڭ 8 اۋدانىندا تۇراتىن سوعىس ارداگەرلەرىنە بارۋ جوسپارلانعان.

2020 جىلعى 6 اقپاندا ساعات 15.00-دە – الماتى قالاسى اكىمدىگىنىڭ ۇيىمداستىرۋىمەن «الاتاۋ» ءداستۇرلى ونەر تەاترىندا قالا جاستارى ءۇشىن كونتسەرت بەرىلەدى.