اقتاۋدا بارلىعى 81 بالاباقشا جۇمىس جاسايدى. وندا 14 663 بالا تاربيەلەنۋدە. وتكەن جىلى قالادا 5 بالاباقشا اشىلسا, وسى جىلى سالىنىپ جاتقان كوپقاباتتى ۇيلەردىڭ ءبىرىنشى قاباتىنان بارلىعى 475 ورىندىق 6 جانە 14 ش/ا بۇرىنعى بالالار ينتەرناتىنىڭ عيماراتىنا 280 ورىندىق بالاباقشا اشۋ جوسپارلانۋدا. بيىل 3 پەن 6 جاس ارالىعىنداعى بالالاردى قامتۋ ۇلەسى 100%-عا جەتتى.
جىلدان-جىلعا قالانىڭ تۇرعىندار سانى ءوسىپ كەلەدى. ستاتيستيكالىق مالىمەت سايكەس تۇرعىندار سانى 192 700 بولسا, مەديتسينالىق پورتال بويىنشا 270 776 ازامات تىركەلگەن. وتكەن جىلى قالا بويىنشا 6 209 بالا دۇنيەگە كەلگەن, ول 2018 جىلمەن سالىستىرعاندا 17 پايىزعا ءوستى.
اقتاۋ قالاسىنىڭ اكىمى ع.نيازوۆتىڭ ايتۋىنشا, تۇرعىندارعا مەديتسينالىق كومەك كورسەتۋ ماقساتىندا 15 مەملەكەتتىك, 15 جەكە مەنشىك بارلىعى 30 ورتالىق بار. اتالعان مەكەمەلەردە بارلىعى 1 976 دارىگەر جانە 2 765 ورتا بۋىنداعى مەديتسينا كىزمەتكەرلەرى جۇمىس جاسايدى.
ماڭعىستاۋ وبلىسى