اقتاۋ قالاسىندا وتكەن جىلى 520 مىڭ شارشى مەتر تۇرعىن ءۇي قولدانىسقا بەرۋ جوسپارلانسا, جىل قورىتىندىسى بويىنشا 611,1 مىڭ شارشى مەتر تۇرعىن ءۇي, ياعني 4 100 پاتەر قولدانىسقا بەرىلدى. سونىمەن قاتار قالاعا قاراستى, وتكەن جىلى پريوزەرنىي-1 اۋىلى سۋ جانە ىشكى جولداردىڭ قۇرىلىسى تولىق اياقتالدى. جاڭادان «راۋان» اۋىلى سۋ, ەلەكتر جەلىسى جانە ىشكى جولدارىنىڭ قۇرىلىس جۇمىستارى باستالدى. ودان بولەك قالا اكىمى قۇرىلىس جۇمىستارى ءجۇرىپ جاتقان جولدارعا توقتالدى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى حابارلادى.
اقتاۋدا «مۇنايشى» ستاديونىنان باستاپ, 16 مەن 17, 19ا مەن 20-شى شاعىن اۋدان ارالىعىندا ۇزىندىعى 2,3 شاقىرىم جول قولدانىسقا بەرىلىپ, 26 شاعىناۋدانداعى «بەكەت اتا» مەشىتىنەن باستاپ 3ب شاعىناۋدانداعى ميگراتسيالىق قىزمەت كورسەتۋ ورتالىعىنا دەيىن 2,4 شاقىرىم بولاتىن جولدى 4 جولاققا دەيىن كەڭەيتۋ جۇمىستارى تولىق اياقتالدى.
سونداي-اق, «الاتاۋ» مەيرامحاناسىنان «گرين-پلازا» تۇرعىن-ءۇي كەشەنىنە دەيىنگى №22 اۆتوجولى اقپان ايىنىڭ سوڭىندا, «كوكتەم» تۇرعىن-ءۇي ءماسسيۆىنىڭ, «پريمورسكي» اۋىلىنىڭ جولدارىنىڭ قۇرىلىس جۇمىستارى 95%-عا اياقتالعان, وسى جىلى تولىق قولدانىسقا بەرىلەدى.
32ۆ ش/ا «شاڭىراق» تۇرعىن كەشەنى جانە 31ب,32ب,35 شاعىناۋداندارى بويىنداعى №33 اۆتوموبيل جولىنىڭ قۇرىلىسى جۇرگىزىلۋدە جانە 33 ش/ا «ماڭعىستاۋ ارەنا» س/ك, 34,34ا,35 شاعىناۋداندار بويىمەن №26 اۆتوموبيل جولى قۇرىلىس جۇمىستارى باستالدى.
ماڭعىستاۋ وبلىسى