2019 جىلدىڭ جەلتوقسان ايىندا قازاقستان اۋماعىندا شەتەلدىك ەميتەتتەر مەن تولەم كارتالارى ارقىلى جاسالعان تولەمدەر 3,5 ترلن تەڭگەنى قۇرادى. بۇل جايىندا Ranking.kz. حابارلادى.
بۇل قاراشا ايىمەن سالىستىرعاندا 20,3%-عا جوعارى. جالپى 2019 جىلى ەل اۋماعىنداعا قولما-قول ەمەس تولەمدەر 13,3 ترلن تەڭگەگە جەتتى.
بۇل وتكەن جىلمەن سالىستىرعاندا 2,4 ەسە جوعارى. ال تولەم كارتالارى ارقىلى قولعا بەرىلگەن قارجى كولەمى 20%-عا ءوسىپ, 15,9 ترلن تەڭگەنى قۇرادى. 2019 جىلى ينتەرنەت جانە ۇيالى تەلەفون ارقىلى جاسالعان تولەمدەر 10 ترلن تەڭگەنى قۇرادى.
بۇل 2018 جىلمەن سالىستىرعاندا 3,4 ەسە جوعارى. ياعني, اتالعان سەگمەنتتىڭ ۇلەسى 52,1%-دان 72,6%-عا وسكەن. بۇل رەتتەگى اقشا اينالىمىنىڭ 26%-ى POS-تەرمينالدارعا تيەسىلى. وسىلايشا ونىڭ كولەمى 3,5 ترلن تەڭگەگە جەتكەن, بۇل وتكەن جىلمەن سالىستىرعاندا 47,4%-عا جوعارى.
وڭىرلەر بويىنشا قولما-قول ەمەس تولەمدەر كولەمى تەك اقمولا وبلىسىندا قىسقارعان (10,4%-عا). ال قىزىلوردا وبلىسىندا كەرىسىنشە 5,2 ەسەگە, ياعني, 159,1 ملرد تەڭگەگە ارتتى. ال جامبىل وبلىسىندا 4,5 ەسە, الماتى وبلىسىندا 3,8 ەسە وسكەن. سونىمەن قاتار جالپى تولەمدەردىڭ جارتىسىنان كوبى الماتى قالاسىنا تيەسىلى (7,3 ترلن تەڭگە). ءبىر جىل ىشىندە كورسەتكىشتەر 2,1 جوعارىلاعان.