«Nur Otan» پارتياسى شىمكەنت قالالىق فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس وتىرىسىندا بىرقاتار باسقارما باسشىلارىنىڭ ەسەبى تىڭدالدى.
وتىرىسقا قوعامدىق كەڭەس مۇشەلەرى, مەملەكەتتىك مەكەمە باسشىلارى, سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى, ۇكىمەتتىك ەمەس ۇيىمداردىڭ باسشىلارى قاتىستى. الدىمەن شىمكەنت قالالىق قۇرىلىس باسقارماسىنىڭ باسشىسى ەربول احمەتوۆ 2019 جىلى اتقارىلعان جۇمىستارى تۋرالى باياندادى.
«وتكەن جىلى شىمكەنت قالاسىنىڭ قۇرىلىس باسقارماسى ارقىلى 40,3 ملرد تەڭگەگە 113 نىساننىڭ قۇرىلىسى جۇرگىزىلگەن. ونىڭ ىشىندە: 83 تۇرعىن ءۇي, 17 الەۋمەتتىك جانە باسقا دا سالا نىساندارى, 13 ينجەنەرلىك ينفراقۇرىلىم نىسانى, سونداي-اق, كوپ بالالى وتباسىلارعا نارىقتان 98 پاتەر ساتىپ الىنباق.قازىرگى تاڭدا, «نۇرلى جەر» مەملەكەتتىك باعدارلاماسى اياسىندا تۇرعىن ءۇي قۇرىلىسى قارقىندى جۇرگىزىلۋدە. بارلىق ينۆەستيتسيا كوزدەرىنەن جالپى 6 513 پاتەرلىك 132 كوپ قاباتتى تۇرعىن ءۇيدىڭ قۇرىلىسى جۇرگىزىلدى, جىلدىڭ قورىتىندىسىندا 53 تۇرعىن ءۇي پايدالانۋعا بەرىلدى. كوپ بالالى وتباسىلار 450 پاتەر جانە جۇمىس ىستەيتىن جاستار 904 ارەندالىق پاتەرمەن قامتىلعان»,- دەدى ەربول قۇنانباي ۇلى.
شىمكەنت قالالىق ەنەرگەتيكا جانە كوممۋنالدى شارۋاشىلىق باسقارماسى باسشىسىنىڭ ورىنباسارى نۇرلان جامانكوز اتقارىلعان جۇمىستاردىڭ قورىتىندىسىندا بايانداعانداي, قالاداعى اۋىز سۋ قامتاماسىز ەتىلۋ دەڭگەيى 93 پايىزى, ياعني 961,134 مىڭ ادام اۋىز سۋدى تاۋلىك بويى تۇراقتى الىپ جاتقانىن ايتتى. قالعان تۇرعىندار سۋدى كەستەمەن, ۇڭعىما جانە قۇدىق ارقىلى پايدالانىپ وتىر.
ال ساپالى ەلەكتر قۋاتىمەن 942,5 مىڭ ادام قامتىلىپ, تۇرعىنداردىڭ 8,8 پايىزى ساپاسى تومەن نەمەسە, جاڭا قۇرىلىس جۇمىستارىن, تالاپ ەتەتىن ەلەكتر جەلىلەرىن پايدالانۋدا.
شىمكەنت