Eل پرەزيدەنتى قاسىم-جومارت توقاەۆتىڭ «اباي جانە XXI عاسىرداعى قازاقستان» اتتى ماقالاسى جارىق كوردى. بۇل ەڭبەك – ۇلى ويشىل ابايدىڭ مول مۇراسىن بۇكىل جۇرتقا پاش ەتۋدىڭ, كەمەڭگەردىڭ 175 جىلدىعىن جوعارى دەڭگەيدە اتاپ ءوتۋدىڭ كىلتى دەپ بىلەمىن.
پرەزيدەنت بىزگە جول سىلتەي وتىرا, اباي شىعارمالارىنىڭ قۇندىلىقتارىن مىناۋ دامىعان زامانمەن سالىستىرادى. وركەنيەتتى ەلدەردىڭ الدىندا قازاق ءبىلىمدى, بىلىكتى بولۋىن, عىلىمنىڭ دامۋىنا ۇلەس قوسۋى قاجەتتىگىن ايتادى. بۇعان بارلىق ەل بولىپ جۇمىلا كىرىسۋىمىز قاجەت. اسىرەسە كۇنى-ءتۇنى كوزىن تەلەفوننان المايتىن بولاشاق ۇرپاقتى اباي جولىمەن تاربيەلەۋىمىز كەرەك. بويلارىنا اسىل مۇرانى ءسىڭىرۋ شارت. ويتكەنى «جۇمىلا كوتەرگەن جۇك قاشاندا جەڭىل».
جاستاردىڭ بويىندا پاتريوتتىق سەزىمدى وياتۋ, ولاردىڭ تاريحقا دەگەن ىزگى ۇمتىلىستارىن ارتتىرۋ ءۇشىن فيلارمونيا ابايدىڭ مۋزىكا الەمىنە قوسقان ولشەۋسىز ۇلەسىن دارىپتەپ كەلەدى. بۇگىندە كومپوزيتوردىڭ اۋەزدى اندەرى مەملەكەتتىك اكادەميالىق فيلارمونيانىڭ رەپەرتۋارىنان ويىپ تۇرىپ ورىن العان.
سونداي-اق ابايدىڭ 175 جىلدىق مەرەيتويى اياسىندا ونەر ورداسىنىڭ ۇجىمى, ياعني 700 قىزمەتكەر «كوزىمنىڭ قاراسى» شىعارماسىن ورىنداۋ بويىنشا چەللەندج ۇيىمداستىردى. بۇل اۋقىمدى ەستافەتا ەلىمىزدىڭ بارلىق ايماعىندا جالعاسىن تاپتى.
كەمەل ويدىڭ كەمەڭگەرى اباي قۇنانباي ۇلىنىڭ ەسىمى ەشقاشان ولمەك ەمەس. ونى بۇگىنگى ۇرپاق ۇلىقتاي بەرەدى.
ەرلان داكەنوۆ,
نۇر-سۇلتان قالالىق اكىمدىگى مەملەكەتتىك اكادەميالىق فيلارمونياسىنىڭ باس ديرەكتورى