قازاقستان رەسپۋبليكاسى تەرروريزم دەڭگەيى بويىنشا الەمدەگى ەڭ قاۋىپسىز مەملەكەتتەردىڭ قاتارىنا كىردى. بۇل كورسەتكىش 2026 جىلعا ارنالعان جاھاندىق تەرروريزم يندەكسىنىڭ (GTI) دەرەكتەرىندە كورسەتىلگەن, دەپ حابارلايدى Egemen.kz.
بيىل قازاقستان ءوز ازاماتتارى ءۇشىن جوعارى قاۋىپسىزدىك دەڭگەيىن ساقتاپ وتىر. GTI مالىمەتىنە سايكەس, ەل ەڭ تومەنگى كورسەتكىش – 0.000 بالل الدى, بۇل تەرروريستىك وقيعالار قاۋپىنىڭ ءىس جۇزىندە جوق ەكەنىن بىلدىرەدى.
قازاقستاننان بولەك, نولدىك كورسەتكىشتى قىرعىزستان, تۇرىكمەنستان جانە مولدوۆا دا يەلەندى.
قاۋىپسىزدىكتىڭ جوعارى دەڭگەيى قاۋىپ-قاتەرلەردىڭ الدىن الۋ جۇيەسىنىڭ كەشەندىلىگى, كۇشتىك قۇرىلىمداردىڭ جۇمىسى جانە حالىقارالىق ىنتىماقتاستىق ەسەبىنەن قامتاماسىز ەتىلەدى. ەلدە ستراتەگيالىق ماڭىزى بار نىسانداردى – اۋەجايلار, تەمىرجول توراپتارى جانە ەنەرگەتيكالىق كاسىپورىنداردى باقىلاۋدىڭ زاماناۋي تەحنولوگيالارى قولدانىلادى.
كۇشتىك قۇرىلىمدار توتەنشە جاعدايلارعا جەدەل ارەكەت ەتۋ بويىنشا تۇراقتى تۇردە وقۋ-جاتتىعۋلار وتكىزىپ, شىۇ جانە ۇقشۇ اياسىندا كورشى ەلدەرمەن بىرلەسكەن وپەراتسيالار جۇرگىزەدى.
راديكالدانۋدىڭ الدىن الۋعا ەرەكشە نازار اۋدارىلادى. مەكتەپتەر مەن جوعارى وقۋ ورىندارىندا قاۋىپسىزدىك باعدارلامالارى جۇزەگە اسىرىلىپ, جاستارعا تسيفرلىق كەڭىستىكتە دەزينفورماتسيا مەن ەكسترەميستىك يدەيالارعا قارسى تۇرۋ داعدىلارى ۇيرەتىلەدى.
قاۋىپسىزدىك سالاسىنا قاتىستى زاڭ جوباسى قارالدى
بۇگىندە قازاقستان ەڭ قاۋىپسىز ەلدەردىڭ ءبىرى بولىپ قالا بەرەدى جانە مەملەكەت قاۋىپسىزدىك شارالارىن كۇشەيتىپ, حالىقتىڭ اقپاراتتانۋ دەڭگەيىن ارتتىرۋدى جالعاستىرىپ وتىر.
مەملەكەت باسشىسى قاۋىپسىزدىك كەڭەسىنىڭ وتىرىسىن وتكىزدى