سينوپتيكتەر 2026 جىلعى 4 ساۋىردە قازاقستاننىڭ جەتى قالاسىندا اۋا ساپاسىنىڭ ناشارلاۋى مۇمكىن ەكەنىن ەسكەرتتى, دەپ حابارلايدى Egemen.kz.
سينوپتيكتەردىڭ مالىمەتىنشە, 4 ساۋىردە پاۆلودار, وسكەمەن, سەمەي, ريددەر, اتىراۋ, اقتوبە, الماتى قالالارىندا اۋانىڭ لاستانۋىنا ىقپال ەتەتىن قولايسىز مەتەورولوگيالىق جاعدايلار بولجانىپ وتىر.
قولايسىز مەتەورولوگيالىق جاعدايلار – بۇل قىسقا مەرزىمدى مەتەورولوگيالىق فاكتورلاردىڭ (جەلسىزدىك, ءالسىز جەل, تۇمان, ينۆەرسيا) جيىنتىعى. مۇنداي كەزدە زياندى (لاستاۋشى) زاتتار اتموسفەرانىڭ تومەنگى قاباتىندا جينالىپ قالادى.
قولايسىز مەتەورولوگيالىق جاعدايلار كەزىندە قالا تۇرعىندارىنا اشىق اۋادا, اسىرەسە تاس جولدار مەن باسقا دا لاستاۋشى كوزدەردىڭ ماڭىندا ءجۇرۋدى شەكتەگەنى ءجون. ال وكپەنىڭ سوزىلمالى اۋرۋلارى, جۇرەك-قان تامىرلارى جانە اللەرگيالىق اۋرۋلارى بار ادامدار سىرتقا شىققاندا قاجەتتى ءدارى-دارمەكتەرىن وزىمەن بىرگە الىپ ءجۇرۋى كەرەك.
ەلىمىزدىڭ باسىم بولىگىندە داۋىلدى ەسكەرتۋ جاريالاندى