ەلوردانىڭ سارايشىق اۋدانىنداعى عيماراتتىڭ قاسبەتىنە تابيعاتتىڭ جاڭارۋى مەن قالانىڭ كوركەم كەلبەتىن بەينەلەيتىن «قىز وسسە, ەلدىڭ كوركى» اتتى جاڭا مۋرال سالىندى, دەپ حابارلايدى Egemen.kz.
قابىرعاعا سالىنعان تۋىندى قالالىق كەڭىستىكتىڭ ماۋسىمدىق جاڭارۋى مەن ءوڭىردىڭ مادەني بولمىسىن ايشىقتايتىن تۇجىرىمداماعا نەگىزدەلگەن.
گۇلدەرمەن كومكەرىلگەن قىز بالانىڭ بەينەسى كوكتەمنىڭ كەلۋىن, تابيعاتتىڭ قايتا تۇلەپ, جاڭارۋىن جانە دالاعا ءتان ۇيلەسىمدىلىكتى بىلدىرەدى.
شىمبۇلاق شىڭىندا بۇۇ-نىڭ 80 جىلدىعىنا ارنالعان مۋرال سالىندى
كومپوزيتسيادا كەيىپكەردىڭ نازارى كوشە كەڭىستىگى مەن LRT جەلىسىنە اۋعان. بۇل – قالا ينفراقۇرىلىمىنىڭ دامۋىن سىرتتاي باقىلاپ, الداعى وڭ وزگەرىستەردى كۇتۋىنىڭ سيمۆولدىق كورىنىسى. وسى ارقىلى تۋىندىدا مادەني مازمۇن مەن زاماناۋي ۋربانيزاتسيا ۇدەرىستەرىنىڭ بايلانىسى كورىنىس تاپقان.مۇنداي كوركەم جوبالار اۋداننىڭ ەستەتيكالىق كەلبەتىن ارتتىرۋعا باعىتتالعان.
يدەيا اۆتورى ءارى مۋرالدىڭ سۋرەتشىسى – تەمىرلان ابەنوۆ.