باتىس قازاقستان وبلىسى قازتالوۆ اۋدانىنا قاراستى جالپاقتال اۋىلىندا فرانتسياداعى ەيفەل مۇناراسىنىڭ كوشىرمەسى تۇرعىزىلادى, دەپ حابارلايدى Egemen.kz.
جالپاقتال اۋىلىندا 10 جىلدان بەرى مەكتەپ تۇلەكتەرىنەن اۋىلعا تارتۋ تارالعى جاسايتىن ءداستۇر پايدا بولعان ەكەن. سودان بەرى مەكتەپ بىتىرگەننەن باستاپ مەرەيتويلىق جىلدى اتاپ وتەتىن تۇلەكتەر 25 مامىرعا دەيىن اۋىلعا ۇلكەن سىيلىق جاسايدى. وسى جىلدار ىشىندە ولار بىرنەشە ساياباق, ويىن الاڭدارىن, مۇسىندەر مەن سۋبۇرقاق سالدى. بۇل جولعى تۇلەكتەر ەڭ ايگىلى مۇنارانى تۇرعىزۋعا بەل بۋعان.
ەيفەل مۇناراسىنىڭ جالپاقتالداعى كوشىرمەسى 30 مەتردى قۇرايدى.
جالپاقتال الەۋمەتتىك ورتالىعىنىڭ الەۋمەتتىك جۇمىس جونىندەگى ديرەكتورى بولاتبەك سارمانوۆتىڭ الەۋمەتتىك جەلىدەگى پاراقشاسىندا, بۇل پاريجدەگى ايگىلى مۇنارانىڭ قازاقستانداعى ەڭ بيىك كوشىرمەسى بولاتىنىن جازدى.
الايدا اتالعان نىسان بويىنشا اۋىل تۇرعىندارىنىڭ پىكىرى ەكىگە جارىلعان. بىرەۋلەرى باستامانى قولداسا, ەكىنشى جاق تەمىرگە كەتكەن قاراجاتتى مۇقتاج جاندارعا باعىتتالۋى كەرەك ەدى دەيدى.