تۇركىستان وبلىسىنىڭ سوتى زورلاۋ ءىسى بويىنشا جالعان ايعاق بەرگەن جابىرلەنۋشى مەن ادۆوكاتتى ۇزاق مەرزىمگە باس بوستاندىعىنان ايىرۋ جازاسىنا كەستى, دەپ حابارلايدى Egemen.kz.
وبلىستىق سوتتىڭ دەرەگىنە سايكەس, ۇكىم سارىاعاش اۋداندىق سوتىندا قىلمىستىق كودەكستىڭ 420-بابى 2-بولىگى (سوتتا كورىنەۋ جالعان ايعاق بەرۋ) بويىنشا شىعارىلعان.
«بۇعان دەيىن زورلاۋ ءىسى بويىنشا جابىرلەنۋشى نەگىزگى سوت تالقىلاۋى بارىسىندا كۇدىكتىنى قىلمىستىق جاۋاپكەرشىلىكتەن بوساتۋ ماقساتىندا ءوزىنىڭ باستاپقى شىنايى كورسەتۋلەرىنەن باس تارتىپ, كورىنەۋ جالعان ايعاق بەرگەن. وسىعان بايلانىستى ارنايى پروكۋرورلار جابىرلەنۋشىگە قاتىستى سوتقا دەيىنگى تەرگەۋ جۇرگىزىپ, ونى بۇل ارەكەتكە ادۆوكاتتىڭ يتەرمەلەگەنىن انىقتادى. سوت ۇكىمىمەن ادۆوكات پەن زورلاۋ ءىسى بويىنشا جابىرلەنۋشى كىنالى دەپ تانىلىپ, ولارعا تيىسىنشە 5 جىل جانە 6,5 جىل مەرزىمگە باس بوستاندىعىنان ايىرۋ جازاسى تاعايىندالدى», دەلىنگەن حابارلامادا.
پروكۋراتۋرا ورگاندارى قىلمىستىق پروتسەسس بارىسىندا شىنايى ايعاق بەرۋگە شاقىرادى. كورىنەۋ جالعان ايعاق بەرۋ زاڭدا كوزدەلگەن قاتاڭ جاۋاپكەرشىلىككە اكەلەدى.
قاراعاندىدا 70 جاستاعى ايەلدى ءولتىرۋ جانە زورلاۋ ءىسى 20 جىلدان كەيىن اشىلدى