ديماش قۇدايبەرگەننىڭ يسپانياداعى جانكۇيەرلەرى ءانشىنىڭ شىعارماشىلىعىنا جانە ونىڭ حالىقارالىق اۋديتورياسىنىڭ فەنومەنىنە ارنالعان دەرەكتى فيلم ءتۇسىرۋ جۇمىسىن اياقتادى, دەپ حابارلايدى Egemen.kz.
جوبا يسپانيالىق فان-كلۋب پەن Gran Voz Kazaja قاۋىمداستىعىنىڭ قاتىسۋىمەن جۇزەگە اسىرىلدى. ءفيلمدى ازىرلەۋ جۇمىستارى 2024 جىلدىڭ قازان ايىنان باستاپ, شامامەن ەكى جىلعا سوزىلعان. دەرەكتى تۋىندىنىڭ پرەمەراسى 2026 جىلدىڭ 30 مامىرىنا جوسپارلانعان. فيلم مادريد قالاسىنىڭ ورتالەسا اۋدانىنداعى Palacio de Hielo كينوتەاترىندا وتەدى.
دەرەكتى ءفيلمنىڭ نەگىزىنە 20 ساعاتتان استام بەينەماتەريال ەنگىزىلگەن. ونىڭ ىشىندە ارحيۆتىك جازبالار, فوتوسۋرەتتەر جانە سۇحباتتار بار. ەرەكشە نازار بەس جانكۇيەردىڭ وقيعاسىنا اۋدارىلعان: ولار وزدەرىنىڭ جەكە اسەرلەرىمەن ءبولىسىپ, ونەرپازبەن بايلانىسى تۋرالى باياندايدى. جوبا اۆتورلارى ديماش قۇدايبەرگەننىڭ تۇلعالىق اۋقىمىن عانا ەمەس, سونداي-اق ءانشى مەن ونىڭ حالىقارالىق اۋديتورياسى اراسىنداعى ءوزارا بايلانىستىڭ تەرەڭدىگىن دە كورسەتۋگە ۇمتىلعان.
فيلم تۇسىرۋشىلەردىڭ ايتۋىنشا, جوبانىڭ باستى ماقساتى – ءانشىنىڭ شىعارماشىلىعىن ودان ءارى ناسيحاتتاپ, ونىڭ ونەرىن قازاقستاننان تىس جەرلەردە كەڭىنەن تانىتۋ.
ديماش قۇدايبەرگەن مەن سامال ەسلياموۆا تۇركسوي ماراپاتتارىنا يە بولدى
دەرەكتى ءفيلمنىڭ رەجيسسەرى, ءتۇسىرىلىم مەن مونتاج جۇمىستارىنا جاۋاپتى يسپانيالىق اۆتور داۆيد كوليانتەس رودريگەس بولدى.