جاھاندىق بايلانىستى قامتاماسىز ەتۋدى ماقسات ەتكەن OneWeb الەمدىك كوممۋنيكاتسيالىق جەلىسى «استانا» حالىقارالىق قارجى ورتالىعىمەن (احقو) ءوزارا تۇسىنىستىك تۋرالى مەموراندۋمعا (مەموراندۋم) قول قويدى.
مەموراندۋم قازاقستان مەن ورتا ازيادا بىرقاتار ماڭىزدى ماقساتتارعا قول جەتكىزۋ جولىنداعى سەرىكتەستىكتىڭ باستاۋ العانىن بىلدىرەدى. ماسەلەن, قازاقستاندا ءبىرىنشى كەڭ جولاقتى جوعارعى جىلدامدىقتاعى سپۋتنيكتىك بايلانىسىن ۇسىنۋدان باستاپ, بۇكىل ورتا ازيا بويىنشا OneWeb بايلانىس قىزمەتتەرىن كورسەتۋدى قولداۋ ءۇشىن ەلدە تەحنيكالىق توراپ قۇرۋ بولماق.
مەموراندۋمعا احقو باسقارۋشىسى قايرات كەلىمبەتوۆ پەن OneWeb باس ديرەكتورى ادريان شتەكەل داۆوستاعى دۇنيەجۇزىلىك ەكونوميكالىق فورۋمى كەزىندە قول قويدى. ولار OneWeb پەن قازاقستان اراسىنداعى ىنتىماقتاستىقتى كەڭەيتۋ ءۇشىن «تسيفرلىق قازاقستان» باعدارلاماسىن ىسكە اسىرۋعا جاردەمدەسۋ جونىندە OneWeb-ءتىڭ ءرولىن جانە باسقا دا باستامالاردى تالقىلادى.
«تسيفرلىق قازاقستان» باعدارلاماسىنىڭ باعىتتارىنىڭ ءبىرى 2022 جىلعا قاراي قازاقستان رەسپۋبليكاسى بويىنشا كەڭ جولاقتى جوعارعى جىلدامدىقتاعى ينتەرنەتتى بۇكىل حالىققا قولجەتىمدى ەتۋ. وسىلايشا تسيفرلىق تەحنولوگيالاردىڭ كومەگىمەن تۇرعىنداردىڭ ءومىر ءسۇرۋ دەڭگەيىن جاقسارتا وتىرىپ, ەل ەكونوميكاسىن دامىتۋعا ىقپال ەتەدى. «تسيفرلىق قازاقستان» باعدارلاماسى, سونداي-اق ەلدىڭ تەلەكوممۋنيكاتسيالىق جەلىلەرىن كەڭەيتۋگە مۇمكىندىك بەرەدى ءارى شالعاي جاتقان 6600 ەلدىمەكەندى جەرسەرىك ارقىلى ينتەرنەتكە قوسادى.
وسى رەتتە OneWeb قازاقستاننىڭ مەكتەپتەرى مەن اۋرۋحانالارى, باسقا دا كاسىپورىندارىندا, جەكە جانە مەملەكەتتىك سەكتورلاردا «تالشىق ءتارىزدى» كەڭ جولاقتى جوعارعى جىلدامدىقتاعى بايلانىسپەن قامتاماسىز ەتۋ ءۇشىن جەرگىلىكتى بايلانىس وپەراتورلارىن ديستريبۋتسيا بويىنشا سەرىكتەس رەتىندە شاقىراتىن بولادى.
سونداي-اق قازاقستاننىڭ قولدانىستاعى عارىش ينفراقۇرىلىمى شەڭبەرىندە بۇكىل ورتا ازيا ايماعىنا قىزمەت كورسەتەتىن تەحنيكالىق ورتالىقتى اشۋ قاراستىرىلماق. OneWeb ورتا ازياداعى تەحنيكالىق ورتالىقتىڭ جۇمىسى ءۇشىن احقو قۇزىرەتىندە بىرلەسكەن كاسىپورىن قۇرۋ مۇمكىندىگىن قاراستىرادى.
OneWeb قازاقستاننىڭ ءوز ەكونوميكاسىن تسيفرلاندىرۋعا جانە جاڭا سپۋتنيكتىڭ بايلانىس تەحنولوگيالارىنىڭ كوشباسشى ورتالىعىنا اينالۋىن ءارى «جاڭا كەڭىستىك» سپۋتنيكتىك تەحنولوگياسىن دامىتۋعا بىرەگەي تاجىريبە مەن جالپى سپۋتنيكتىك بايلانىس سەكتورىنا سەرپىن بەرە وتىرىپ, قازاقستاننىڭ يننوۆاتسيالىق مەملەكەت رەتىندە دامۋىن قولدايدى.
ادريان شتەكەل, OneWeb باس ديرەكتورى: «مەن احقو مەن OneWeb-ءتىڭ ستراتەگيالىق سەرىكتەستەرگە اينالعانىنا وتە قۋانىشتىمىن جانە ءبىز مۇنى قازاقستان رەسپۋبليكاسىمەن اۋقىمدى سەرىكتەستىككە ءبىرىنشى قادام رەتىندە قاراستىرامىز. قازاقستان OneWeb سياقتى تسيفرلىق الشاقتىقتى ەڭسەرۋدى جانە زاماناۋي سپۋتنيكتىك تەحنولوگيالاردى پايدالانا وتىرىپ, ءوز ەكونوميكاسى مەن ونەركاسىبىن تسيفرلاندىرۋدى قامتاماسىز ەتۋدىڭ ماڭىزدىلىعىن كورەدى».
احقو باسقارۋشىسى قايرات كەلىمبەتوۆ: «مەن OneWeb-پەن ءوزارا تۇسىنىستىك تۋرالى مەموراندۋمعا قول قويعانىما قۋانىشتىمىن. سەبەبى احقو ەڭ قولايلى شارتتار مەن ورتا ۇسىنا ءارى بيزنەستى قۇرۋعا كومەكتەسەدى, سوندىقتان قازاقستاندا يننوۆاتسيالىق جوبالاردىڭ پايدا بولۋىن كۇتەدى. بۇل ءبىزدىڭ ەكونوميكامىزدىڭ دامۋىنا سەرپىلىس بەرەتىن العاشقى قادامداردىڭ ءبىرى.»
2019 جىلدىڭ اقپان ايىنىڭ سوڭىندا OneWeb تومەنگى جەر ماڭى وربيتاسىنىڭ ءبىرىنشى لەگىن ءساتتى ىسكە قوستى. كەلەسىسىن بايقوڭىر عارىش ايلاعىنان 2020 جىلدىڭ اقپان ايىندا ۇشىرۋ جوسپارلانعان. بۇل جۇيەلى تۇردە 30 سپۋتنيكتىڭ ءبىر مەزەتتە ۇشىرىلۋىن, وسىلايشا OneWeb-ءتىڭ 650 جەرسەرىكتەن تۇراتىن جۇيەسىنىڭ باستاۋ العانىن مەڭزەيدى. ءارى قاراي قوسىمشا جۇكتەمەنى قامتاماسىز ەتەتىن لەگى جالعاسىن تابادى.