ادەتتە ماس جۇرگىزۋشىنى اپاتتى قىلمىس جاساۋ تاۋەكەلىندەگى ادام دەپ جاتامىز. شىنىندا ماس جۇرگىزۋشىلەردىڭ قىلمىس جاساۋ قاۋپى زور. اسىرەسە, كولىك ساپىرىلىسىپ جاتقان قالا كوشەلەرىندە وندايلار بىردەڭەنى سوعىپ اپات تۋدىرماي قويا المايدى. ال بۇل ءبىر نەمەسە بىرنەشە ادامنىڭ ءومىرىن ءۇزۋى مۇمكىن. سوندىقتان دا كولىكتىڭ رولىنە ماس كۇيىندە وتىرعان ادام بىردەن قىلمىسكەرلەر قاتارىنا جاتقىزىلادى.
22 قاڭتاردىڭ تۇنگى مەزگىلىندە پەتروپاۆلدىڭ قالالىق پاترۋل قىزمەتكەرلەرى كوشەمەن كەتىپ بارا جاتىپ, جول شەتىندە قاڭتارۋلى تۇرعان اۆتوكولىكتىڭ جانىندا تەڭسەلىپ تۇرعان ازاماتتى بايقايدى. ءسۇرىنىپ-قابىنعان ول اۆتوكولىكتىڭ رولىنە وتىرىپ, پاركتىك پەن ماياكوۆسكي كوشەلەرىنىڭ قيىلىسىنا قاراي جۇرەدى. جول ساقشىلارى ونى دەرەۋ توقتاتىپ, الكوگولدىك دارەجەسىن كۋالاندىرۋعا الىپ بارادى. الايدا جۇرگىزۋشىنىڭ ءتىلى كۇرمەلىپ, انىق سويلەي الماعان. ءارى ءوزىنىڭ بۇل ارەكەتىن ءتۇسىندىرۋ كەزىندە ول ۇيىقتاپ كەتە بەرىپتى. كۋالاندىرۋ 38 جاستاعى ەر ادامنىڭ ەسىرتكى تۇتىنۋدىڭ اسەرىنەن قاتتى ماس ەكەنىن انىقتاعان. اتالعان فاكتىگە قاتىستى اكىمشىلىك قۇقىق بۇزۋشىلىق تۋرالى قازاقستان رەسپۋبليكاسى كودەكسىنىڭ 608-بابى 6-بولىگى بويىنشا اكىمشىلىك ماتەريال جينالدى. ەندى سوت ونى التى جىلعا دەيىن جۇرگىزۋشىلىك قۇقىنان ايىرۋى مۇمكىن. ازىرگە, ول 20 تاۋلىككە اكىمشىلىك قاماققا الىندى.
ال كەلەسى, 23 قاڭتارعا قاراعان ءتۇنى پوليتسەيلەر Volkswagen اۆتوكولىگىنىڭ جۇرگىزۋشىسىن توقتاتادى. ونىڭ جۇرگىزۋشىسى كولىكتەگى مەملەكەتتىك تىركەۋ ءنومىرىنىڭ دۇرىس كورىنبەگەندىگىنەن توقتاتىلعان. الكوگولدىك ىشىمدىك دارەجەسىن انىقتاۋ سارابى مۇنىڭ دا ەسىرتكى تۇتىنعاننان ماساڭ كۇيدە بولعانىن انىقتاعان.
ءسويتىپ, قىزىلجارلىق جول ءتارتىبىن باقىلاۋ قىزمەتكەرلەرى ەكى كۇندە ەسىرتكى تۇتىنىپ, ماس كۇيىندە كولىك جۇرگىزۋگە وتىرعان ەكى بىردەي جۇرگىزۋشىنى ۇستاپ, قالا تۇرعىندارىنىنىڭ ومىرىنقاۋىپ مۇمكىندىگى جوعارى اپاتتان ساقتاپ قالدى.
ۇستىمىزدەگى جىلعى زاڭناماعا ەنگىزىلگەن وزگەرتۋلەرگە سايكەس ماس جۇرگىزۋشىلەر ءۇشىن جاۋاپكەرشىلىك قاتاڭداتىلعان. ەندى ماس كۇيىندە ۇستالعان جۇرگىزۋشىلەر اۆتوكولىك جۇرگىزۋ قۇقىنان جەتى جىلعا ايرىلادى. سونىمەن بىرگە وندايلار كەم دەگەندە 15 جانە ودان كوبىرەك تاۋلىككە قامالۋى مۇمكىن. ال وسى ارەكەتتەرىن قايتالاپ جاساعانبۇرىن كولىك باسقارۋ قۇقىعىنان ايىرىلعاندار باس بوستاندىعىنان ايىرۋ ورىندارىنا بەس جىلعا دەيىنگى مەرزىمگە كەتۋى نەمەسە ءومىر بويىنا كولىك باسقارۋ قۇقىعىنان ايىرىلىپ, 13 ميلليون تەڭگەگە دەيىن كولەمدى ايىپپۇل تولەۋى مۇمكىن.
قىزىلجار