وتكەن جىلى قۇرىلىس جانە قايتا جاڭارتۋ جۇمىستارىمەن رەسپۋبليكالىق ماڭىزى بار اۆتوموبيل جولدارىنىڭ 4,4 مىڭ شاقىرىمى قامتىلدى. اتالعان جۇمىستاردىڭ مۇنداي كولەمى قازاقستاندا بۇرىن-سوڭدى بولماعان. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
«وتكەن جىلى قوزعالىس رەسپۋبليكالىق ماڭىزداعى جولداردىڭ 641 شاقىرىمىندا اشىلدى. ەندى جۇرگىزۋشىلەر ۇزىندىعى 61 شاقىرىمدى قۇرايتىن «تەمىرتاۋ – قاراعاندى – بالقاش – قاپشاعاي» جولىمەن ەش كەدەرگىسىز جۇرە الادى. سونداي-اق كولىك قوزعالىسى «ورتالىق – شىعىس» ءدالىزىنىڭ 249 شاقىرىمىندا اشىلدى. بۇگىنگى تاڭدا «كوكشەتاۋ – پەتروپاۆل – رف شەكاراسى» جولىنىڭ 16 شاقىرىمى دا كولىك قوزعالىسى ءۇشىن اشىق. مۇنىمەن قوسا, رەكونسترۋكتسيادان وتكەن 85 شاقىرىمدىق «بەينەۋ – اقجىگىت», 18 شاقىرىمدىق «تاسكەسكەن – باقتى», 80 شاقىرىمدىق «شۋچينسك – زەرەندى», 26 شاقىرىمدىق «قاندىاعاش – ماقات», 73 شاقىرىمدىق «جەتىباي – جاڭاوزەن» جولدارى مەن 34,4 شاقىرىمدىق «نۇر-سۇلتان قالاسىنىڭ اينالما جولىندا» قوزعالىس قامتاماسىز ەتىلدى.
2019 جىلى كۇردەلى جوندەۋمەن قامتىلعان اۆتوموبيل جولدارىنىڭ جالپى ۇزىندىعى 438 شاقىرىمدى قۇرادى. ولاردىڭ 24 شاقىرىمى پايدالانۋعا بەرىلدى. سونداي-اق وتكەن جىلى جولدىڭ 1101 شاقىرىمىندا ورتاشا جوندەۋ جاسالدى. جاسالعان ورتاشا جوندەۋ جۇمىستارى جولداردىڭ 424 شاقىرىمىندا رەسايكلينگ, 256 شاقىرىمىندا جابىندىنى توسەۋ, 414 شاقىرىمىندا كەدىر-بۇدىرلى جول بەتىن وڭدەۋ, 7 شاقىرىمىندا ميكروسيۋرفەيسينگ ادىسىمەن جاسالدى.
وتكەن جىلدىڭ قورىتىندىلارىنا سايكەس جاقسى جانە قاناعاتتاندىرارلىق جاعدايداعى رەسپۋبليكالىق ماڭىزى بار اۆتوموبيل جولدارىنىڭ ۇلەسى 21,9 مىڭ شاقىرىمدى نەمەسە 88% قۇرايدى. ءى جانە ءىى تەحنيكالىق ساناتتاعى جولداردىڭ ۇلەسى 34 % دەيىن جەتكىزىلىپ, 8,4 شاقىرىمدى قۇرادى» دەلىنگەن حابارلامادا.