بىلتىر نۇر-سۇلتان قالاسىنىڭ 10 125 تۇرعىنى تۇرعىن ءۇي قۇرىلىس جيناق بانكىندە جالپى سوماسى 148,9 ملرد تەڭگەگە تۇرعىن ءۇي نەسيەلەرىن راسىمدەدى.
بىلتىرعى كورسەتكىش بويىنشا ەلىمىزدەگى يپوتەكالىق نەسيەلەۋدىڭ 62% - ى تۇرعىن ءۇي قۇرىلىس جيناق بانكىنە تيەسىلى. «قازاقستاننىڭ تۇرعىن ءۇي قۇرىلىس جيناق بانكى» اق ورتالىق فيليالىنىڭ ديرەكتورى جانسۇلتان ماتاەۆتىڭ ايتۋىنشا, 16 جىل ىشىندە ءاربىر بەسىنشى نۇر-سۇلتان قالاسىنىڭ تۇرعىنى بانك سالىمشىسى رەتىندە تىركەلگەن. سوڭعى بەس جىلدا تقجب ورتالىق فيليالىنىڭ كرەديتتىك پورتفەلى 4 ەسەگە ارتىپ, 2015 جىلى 60,8 ملرد تەڭگەدەن 2019 جىلى 283,9 ملرد تەڭگەگە دەيىن ءوستى. جىل سايىن بەرىلەتىن نەسيەلەردىڭ كولەمى 2015 جىلى 33,9 ملرد-تان 2019 جىلى 148,9 ملرد-قا دەيىن ءوسىپ, بەس جىل ىشىندە ءتورت ەسەگە ارتتى.
نۇر-سۇلتان قالاسىندا جەڭىلدەتىلگەن يپوتەكاعا سۇرانىس وسۋدە. بۇل ۇدەرىس يپوتەكاعا تۇرعىن ءۇي ساتىپ العىسى كەلەتىندەردىڭ ارتۋىمەن جانە جەرگىلىكتى اتقارۋشى ورگاندا كەزەكتە تۇرعاندار سانىنىڭ وسۋىمەن بايلانىستى. بەس جىل ىشىندە كەزەكتە تۇرعاندار سانى ەكى ەسەگە ءوستى.
ەكى جىل ىشىندە «نۇرلى جەر» باعدارلاماسى بويىنشا ەلىمىزدىڭ باس قالاسىندا 984 وتباسى باسپاناعا يە بولدى. تاعى 403 سالىمشى جاڭا جىل قارساڭىندا قونىس تويىن تويلادى. بيىل تۇرعىن ءۇي قۇرىلىس جيناق بانكى 10 تۇرعىن ءۇي (2 نىسان) بويىنشا وتىنىشتەر قابىلداۋدى باستاۋدى جوسپارلاپ وتىر. سونىمەن قاتار, «باقىتتى وتباسى» مەملەكەتتىك باعدارلاماسى بويىنشا الەۋمەتتىك جاعىنان وسال وتباسىلار ءبىرىنشى جانە ەكىنشى نارىقتا تۇرعىن ءۇي الا الادى, دەدى ج.ماتاەۆ.
ونىڭ ايتۋىنشا, نۇر-سۇلتان قالاسىندا «جەرگىلىكتى وكىلەتتى ورگانداردىڭ شەشىمى بويىنشا مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەك» بيۋدجەتتىك باعدارلاماسى بويىنشا تۇرعىن ءۇي سەرتيفيكاتتارىن بەرۋ جۇمىستارى جۇيەلى تۇردە قولعا الىنعان. سەرتيفيكات الۋشىلار اراسىندا الەۋمەتتىك سالا قىزمەتكەرلەرى مۇعالىمدەر, دارىگەرلەر جانە پوليتسەيلەر بار. ولارعا 1 ملن تەڭگەگە قايتارىمسىز تۇرعىن ءۇي سەرتيفيكاتى بەرىلىپ, باستاپقى جارنا 20%, نەسيە مولشەرلەمەسى 7%-دىق نەسيە بەرىلەدى.