سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «2004 جىلعى 22 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنiن قۇرۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» قازاقستان رەسپۋبليكاسى زاڭىنىڭ جوباسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
زاڭ جوباسى جوعارىدا اتالعان كەلىسىمگە «بايتەرەك» عارىش زىمىران كەشەنىنەن عارىش اپپاراتتارىن ۇشىرۋدى جۇزەگە اسىرۋ ءۇشىن كەشەندى قۇرۋ مەن بىرلەسىپ پايدالانۋ جانە قازاقستان مەن رەسەي تاراپتارى اراسىندا جوبانى ىسكە اسىرۋدى قارجىلاندىرۋدى ءبولۋ كەزىندە نەگىزگى شارتتاردى وزەكتەندىرۋ بولىگىندە تۇزەتۋلەر ەنگىزۋ تۋرالى حاتتامانى راتيفيكاتسيالاۋدى كوزدەيدى.
وسىعان بايلانىستى حاتتامامەن: جوبادا تاسىمالداعىش زىمىراندى («انگارا» تاسىمالداعىش زىمىرانىن پەرسپەكتيۆالى رەسەيلىك ورتا كلاستى تاسىمالداعىش زىمىرانعا), سونداي-اق «بايقوڭىر» عارىش ايلاعىنىڭ جالداۋىنان شىعارىلاتىن «زەنيت-م» عارىش زىمىران كەشەنىنىڭ بازاسىنداعى قۇرىلىس ورنىن اۋىستىرۋ كوزدەلەدى; تاراپتار اراسىندا عارىش زىمىران كەشەنىنىڭ قۇرامداس بولىكتەرىن قارجىلاندىرۋدى ءبولۋ كوزدەلەدى, وعان سايكەس رەسەي تاراپى تاسىمالداعىش زىمىراندى قۇرۋدى جانە ونىڭ قۇرامداس بولىكتەرىن تاسىمالداۋ قۇرالدارىن, ەكپىندەتكىش بلوكتىڭ, عارىش اپپاراتىنىڭ جانە عارىشتىق باستى بولىكتىڭ تەحنيكالىق كەشەنىن جاڭعىرتۋدى قارجىلاندىرۋدى قامتاماسىز ەتەدى, ال قازاقستان تاراپى «زەنيت-م» عارىش زىمىران كەشەنىنىڭ قولدا بار جەرۇستى ينفراقۇرىلىمىن رەكونسترۋكتسيالاۋدى جانە جاڭعىرتۋدى, ستارتتىق جانە تەحنيكالىق كەشەندەردى پايدالانۋ بويىنشا پەرسونالدى دايىنداۋدىڭ وقۋ-جاتتىعۋ قۇرالدارىن قۇرۋدى قارجىلاندىرۋدى قامتاماسىز ەتەدى; بۇعان دەيىن جوعارىدا اتالعان كەلىسىمدە ايقىندالماعان, ورتا كلاستى تاسىمالداعىش زىمىرانمەن «بايتەرەك» عارىش زىمىران كەشەنىندە ۇشۋ سىناقتارىنىڭ باستالۋ مەرزىمىن 2020 جىلى باستاۋ جانە تاعى باسقالار كوزدەلگەن.
حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەسى تالعات مۇساباەۆ ءوز بايانداماسىندا «بايتەرەك» عارىش زىمىران كەشەنىن قۇرۋ قازاقستانعا جەرۇستى عارىش ينفراقۇرىلىمنىڭ مەنشىكتى وبەكتىلەرىن پايدالانا وتىرىپ, ۇشىرۋ قىزمەتىن جۇزەگە اسىراتىن مەملەكەت بولۋعا, كەشەندى قۇرۋ جانە پايدالانۋ كەزىندە جاڭا جۇمىس ورىندارىن اشۋ سياقتى الەۋمەتتىك وڭ اسەرلەرگە قول جەتكىزۋگە مۇمكىندىك بەرەتىنىن اتاپ ءوتتى. «بايقوڭىر» عارىش ايلاعى وبەكتىلەرى بازاسىندا عارىش قىزمەتى سالاسىندا بىلىكتى كادرلاردى دايارلايتىن ءوز ورتالىعىن قۇرۋ مۇمكىندىگى پايدا بولادى» دەدى سەناتور.