جاستار جىلى: دەرەك پەن دايەك

172 مىڭ جاس جۇمىسقا تۇردى

سوڭعى دەرەكتەرگە سايكەس, رەس­پۋبليكامىزدا 14 پەن 29 جاس ارا­لى­عىنداعى 3,8 ملن جاس ازامات بار. 2019 جىلدىڭ ءىىى توقسانىندا جاستار اراسىنداعى جۇمىسسىزدىق دەڭگەيى 3,8% نەمەسە 84,7 مىڭ ادامدى قۇرادى. ءبىلىم دەڭگەيى بويىنشا جۇمىسپەن قامتىلعان جاستاردىڭ 44,2%-نىڭ (936,7 مىڭ ادام) جوعارى نەمەسە اياقتالماعان جوعارى ءبىلىمى بار. جۇمىسپەن قامتۋ بو­يىنشا كوپتەگەن شارا قولعا الى­نىپ, بىرنەشە باعدارلاما جۇزەگە استى. اتاپ ايتار بولساق, «ەڭبەك» باعدارلاماسى اياسىندا 172 مىڭعا جۋىق ادام جۇمىسقا ورنا­لاستى. ەڭبەك نارىعىن دامىتۋ جəنە جاستاردىڭ تۇرمىس دەڭگەيىن جاقسارتۋعا نەگىزدەلگەن باعدارلاماداعى جاستاردىڭ ۇلەسى 34,3%-دى قۇرادى, بۇل – 213,5 مىڭنان استام ازامات.

«جاس مامان» جوباسى ەلى­مىز­دىڭ بارلىق ايماقتارىندا ءۇش جىل ىشىندە 200 مىڭعا جۋىق جاس ازاماتتى قامتي وتىرىپ, 200 جاڭارتىلعان ءبىلىم بەرۋ ۇيىمدارىنىڭ (20 الدىڭعى قاتار­لى جوعارى وقۋ ورنى مەن 180 وزىق كوللەدج) بازاسىندا 100 اسا سۇران­ىسقا يە يندۋستريالىق جəنە قىزمەت كورسەتۋ كəسىپتەرى بويىنشا ماماندار دايارلاۋدى كوزدەيدى.

9,5 مىڭ جاس گرانت الدى

«جاس كəسىپكەر» جوباسى – بۇل رەسپۋبليكا بويىنشا, سونىڭ ىشىندە NEET ساناتىنداعى جاس­تار­دىڭ كəسىپكەرلىك قىرىن دا­مى­تۋ­عا ارنالعان ءىس-شارالار كەشەنى, ونىڭ اياسىندا بيزنەس جۇرگىزۋ داعدىلارىن ۇيرەتۋ جəنە ستارتاپ جوبالاردى ىسكە اسىرۋدا كومەك كور­سەتۋ بويىنشا شارالاردى كە­ڭەي­تۋ جوسپارلانۋدا. بۇل جوبا 20 مىڭ ادامنىڭ كəسىپ باستاۋ نە­گىزدەرىن ۇيرەنۋگە مۇمكىندىك اشتى.

2019 جىلى 9,5 مىڭ جاس جاڭا بيزنەس يدەيالاردى جۇزەگە اسى­رۋ مۇمكىندىگىنە يە بولىپ, گرانت­تار الدى. بۇدان بىلاي جىل سايىن 10 مىڭ جاسقا گرانت بەرۋ قا­راس­تى­رىلعان. سونىمەن قاتار 2,5 مىڭ جاس كəسىپكەر ءوز بيزنەستەرىن دا­مىتۋ ءۇشىن ميكرو نەسيە الدى, تاعى 15 مىڭ ادام كەزەكتە.

«جاسىل ەل» جوباسى اياسىندا 20 مىڭنان استام ادام جۇمىسپەن قامتىلدى. 2019 جىلى جاستار پراكتيكاسىنا 33 مىڭعا جۋىق جاس ازامات جىبەرىلدى. «ديپلوممەن – اۋىلعا!» باعدارلاماسى بويىنشا بىرجولعى جəردەماقى مولشەرى 70 اەك-تەن (176 750 تەڭگە) 100 اەك-كە (252 500 تەڭگە) دەيىن ۇلعايتىلدى. 6 مىڭعا جۋىق جاس مامان 1,2 ملرد تەڭگە كولەمىندە كوتەرمەلەۋ جəردەماقىسىن الدى.

ايتا كەتۋ كەرەك, باعدار­لا­ما­نىڭ ەكىنشى باعىتى «اتامەكەن» ۇكپ-نىڭ «باستاۋ بيزنەس» جوباسى بويىنشا 20 مىڭ ادام كə­سىپ­كەرلىك نەگىزدەرىن وقىدى, ونىڭ ىشىندە 2,8 مىڭ ادام شاعىن نەسيە السا, 15 مىڭ ادام گرانتقا قول جەت­كىزدى. سونىمەن قاتار جاڭا بيزنەس يدەيالاردى دامىتۋعا 200 اەك-كە دەيىنگى مولشەردە وتەۋسىز مەم­لەكەتتىك گرانت قاراستىرىلىپ جاتىر.

وڭىرلەردەگى كادرلار تاپشى­لى­عىن ازايتۋ ماقساتىندا 2019 جىلدىڭ 9 ايىندا 353 ەڭبەككە قابىلەتتى وتباسى مۇشەسى جۇمىس كۇشى مول وڭىرلەردەن كوشىرىلدى. ونىڭ ىشىندە 310 ادام جۇمىسپەن قامتىلدى.

بۇعان قوسا, مەملەكەت باس­شى­سىنىڭ تاپسىرماسى بويىنشا ەڭبەك جانە حالىقتى الەۋمەتتىك قورعاۋ مينيسترلىگى وتكەن جىلدان باستاپ ەڭبەك نارىعىنىڭ بىرىڭ­عاي اقپاراتتىق بازاسىن – ەلەكت­رون­دىق ەڭبەك بيرجاسىن ىسكە قوستى. بيرجا – جۇمىسپەن قامتۋ ورتا­لىقتارىنا بارماي بوس جۇمىس ورىن­دارى مەن تۇيىندەمەلەردى جاريا­لاۋ مۇمكىندىگىن قامتاماسىز ەتەت­­ىن بىرىڭعاي تسيفرلىق الاڭ.

بيرجاعا 2019 جىلدىڭ جەل­توق­سانىنا دەيىن 36,4 مىڭعا جۋىق بوس جۇمىس ورنى جايلى اقپارات جəنە 161,5 مىڭ تۇيىندەمە كەلىپ تۇس­كەن. بۇل قىزمەتتى 182,5 مىڭ جۇمىس بەرۋشى جəنە 858,7 مىڭ جۇ­مىس ىزدەۋشى قولدانعان. ەەب ارقىلى 476 مىڭ جۇمىس ىزدەۋشى ەڭبەكپەن قامتىلدى.

 22 مىڭ ادام كاسىپتىك وقۋعا جىبەرىلدى

جاستار جىلىندا «تەگىن تەح­ني­كالىق جəنە كəسىپتىك ءبىلىم بەرۋ» جوباسى ىسكە قوسىلدى. سونىڭ ارقا­سىندا 9 نەمەسە 11-سىنىپتان كەيىن وقۋىن جالعاستىرا الما­عان مەكتەپ تۇلەكتەرى اقى­سىز وقۋعا مۇمكىندىك الدى. وسى­لايشا ءبىر جىلدا 22 مىڭ ادام كə­سىپتىك وقۋعا, 20,2 مىڭ ادام قىس­قا مەرزىمدى وقۋعا جىبەرىلدى. سو­نىمەن قاتار جاستاردىڭ, ونىڭ ىشىندە NEET ساناتىنداعى جاستاردىڭ بىلىك­تى­لىگىن ارتتىرۋ جəنە قايتا دايا­­ر­لاۋ ءۇشىن ەڭبەك نارىعىندا سۇرا­نىس­قا يە ماماندىقتار بويىنشا كəسىپتىك وقىتۋدىڭ قىسقا مەر­زىم­دى كۋرستارى (6 ايعا دەيىن) ۇيىم­داس­تى­رىل­دى.

جاس عالىمداردىڭ قولدانبالى زەرت­تەۋلەرىن گرانتتىق قارجى­لان­دى­رۋعا 3 ملرد تەڭگە ءبولىندى. ءبىلىم جانە عىلىم مينيسترلىگى جاستار جىلىندا ۇبت تاپسىرۋعا ءوتىنىم بەرگەن ءəربىر ەكىنشى تالاپكەرگە جوو-عا تۇسۋگە مۇمكىندىك بەرگەن 53 785 گرانت ءبولدى.

سونىمەن قاتار قازىرگى كەزدە ەڭبەك جانە حالىقتى الەۋمەت­تىك قورعاۋ مينيسترلىگى «ەڭبەك نارى­عىندا سۇرانىسقا يە جاڭا كəسىپ­تەر مەن قۇزىرەتتەر اتلاسى» اق­پا­راتتىق جۇيەسىن əزىرلەپ جاتىر, ول 2020 جىلى ناۋرىز ايىندا دايىن بولادى. سونىمەن بىرگە ەڭبەك نارىعىنا قويىلاتىن تالاپتاردى ءوزارا بايلانىستىرىپ, ول داعدىلاردىڭ ءبىلىم بەرۋ جۇيەسى تاراپىنان ۇسىنىلۋىنا مۇم­كىندىك جاسايتىن كəسىپتىك ستان­دارتتار نەگىزىندە ءبىلىم باع­دار­لا­ما­لارى əزىرلەنۋدە.

 3000 جاس باسپانالى بولدى

2019 جىل بويىنا ەل جاستارىن قولداۋعا باعىتتالعان ءتۇرلى شارالاردىڭ ماڭىزدىسى – جۇمىس ىستەيتىن جاستارعا ارنالعان جالدامالى باسپانا. 2019 جىلى 3 مىڭ جاس قازاق­ستان­نىڭ ءۇش ءىرى قالاسىنان پاتەر الدى. نۇر-سۇلتان قالا­سىندا 1050 پəتەر, الماتىدا – 1050 جəنە شىم­كەنت­تە 900 پəتەر بەرىلدى. وعان قوسا 3 مىڭنان استام جاس مامانعا تۇر­عىن ءۇي الۋعا 13,5 ملرد تەڭگە كو­لە­مىندە بيۋدجەتتىك نەسيە بەرىلدى. «ديپ­لوممەن – اۋىلعا!» جوباسىنا قا­تىسۋشىلارعا 1500 اەك-تەن اسپاي­تىن مولشەردە (3 787 500 تەڭگە) بيۋدجەتتىك نەسيە بەرىلۋدە.