جاعداي باقىلاۋدا تۇر

بۇگىندە ەرتىس وزەنىندە مۇز قاتۋى مەن مۇز كەپتەلىسىنىڭ ورىن الۋىنا بايلانىس­تى وزەن­­­­دەگى سۋدىڭ دەڭگەيى كو­تە­­­رى­ل­گەن. وسىنىڭ سالدارى­نان­ ۆوستوچنىي, ميرنىي كەنتتەرىنىڭ جانە تۇيەمويناق ارالىنىڭ تۇرعىن الاپتارىن سۋ باسۋ قاۋپى تۋىنداپتى. ال تۇيەمويناق ارالىنداعى تۇرعىن ءۇيدىڭ اۋلاسىن سۋ العان. وسى ۇيدە تۇراتىن 8 ادام, ونىڭ ىشىندە 3 بالا قاۋىپسىز جەرگە شىعارىلدى.

شىعىس قازاقستان وبلى­سىنىڭ تجد جانە پوليتسيا قىز­مەتكەرلەرى اتالعان ەلدى مەكەندەردە تۇراتىن تۇر­عىن­داردى سۋ باسۋ قاۋپى تۋرالى ال­دىن الا حاباردار ەتىپ جانە سۋ تاس­قىنى جاعدايى كەزىندەگى ال­عاش­قى جۇمىستاردى جۇرگىزدى. سونى­مەن قاتار قۇتقارۋشىلار وزەن جاعاسىندا تاۋلىك بويى باقىلاۋ بەكەتتەرىن قويۋ ار­قىلى تۇراقتى مونيتورينگ وت­كىزدى (ۆوستوچنىي كەنتىندە جانە تۇيەمويناق ارالىندا). ازىق-ت ۇلىكپەن قامتاماسىز ەتىلگەن التى ەۆاكۋاتسيالاۋ پۋنك­تى ۇيىمداستىرىلدى. تج دەپار­تامەنتىندە ازاماتتىق قور­عاۋ ورگاندارىنىڭ ءىس-قيمىل­دارىن ۇيلەستىرۋ ءۇشىن جەدەل شتاب قۇرىلدى.

قازىرگى ۋاقىتتا ەرتىس وزەنى­نىڭ سۋ دەڭگەيى تومەندەۋدە. 455 سم­ سىني بەلگىدەگى سۋدىڭ ناقتى دەڭ­گەيى 445 سم-ءدى قۇرايدى. جاع­داي باقىلاۋدا.

ال  2019 جىلعى 1-5 جەلتوقسان ارالىعىندا تەمپەراتۋرانىڭ جوعارىلاۋىنا (+2-دەن +10 گرادۋسقا دەيىن) جانە مۇز قات­پ­ارىنىڭ ءالسىز بولۋىنا بايلا­نىستى سىرداريا وزەنىنىڭ گي­درو­لوگيالىق بەكەتتەرىندە سۋ دەڭ­گەيىنىڭ كوتەرىلۋى ورىن ال­دى. قازىرگى ۋاقىتتا سۋ دەڭگەيى تومەندەۋدە.

بۇل رەتتە سىرداريا گيدرو­لوگيالىق بەكەتى قاراۇزاق تار­ماعىنداعى سۋدىڭ ناقتى دەڭگەيى 695 سم 13 قاڭتاردا ساعات 18.00-دە سۋدىڭ دەڭگەيى 2 سم تومەندەدى, قاۋىپتى بەلگى – 665 سم, سىني بەلگى – 770 سم دەپ حابارلادى. جاقىن ماڭداعى جوسالى ەلدى مەكەنىنە دەيىنگى قاشىقتىق – 300 م.

سىرداريا – جوسالى بەكەتىن­دە سۋدىڭ ناقتى دەڭگەيى 678 سم (وزگەرىسسىز) قۇرايدى. قاۋىپتى بەلگى – 680 سم, سىني 720 سم. جو­سالى ەلدى مەكەنىنە دەيىنگى قاشىقتىق – 200 م. اتالعان بەكەتتەردە تج باسقارماسىنىڭ جانە جەرگىلىكتى اتقارۋشى ورگان­داردىڭ قىزمەتكەرلەرى سۋ دەڭ­گەيىنە مونيتورينگ جۇرگىزۋدە.