وماننىڭ مەملەكەتتىك باق-رى بۇگىن حايسام بەن تارەك ال سايدتىڭ ەلدىڭ جاڭا باسشىسى اتانعانىن ءمالىم ەتتى, دەپ حابارلايدى قازاقپارات CNN-گە سىلتەمە جاساپ.
مۇنداي مالىمدەمەنى وماننىڭ مەملەكەتتىك اگەنتتىگى سۇلتان كابۋس بەن سايد ال سايد 79 جاسىندا قايتىس بولعاننان كەيىن بىرنەشە ساعات وتكەن سوڭ تىكەلەي ەفيردەن جاسادى.
ول وماندى 50 جىل بويى باسقاردى. جۇما, 10 قاڭتاردا ومىردەن وزدى. ومان ۇكىمەتى ءۇش كۇنگە ۇلتتىق قارالى كۇن جاريالادى.
Al Jazeera دەرەگىنە سايكەس, حايسام بەن تارەك ال سايد ومان كەڭەسىندە انت قابىلدادى. سونداي-اق, ونىڭ بۇرىن مادەنيەت جانە ۇلتتىق مۇرا ءمينيسترى بولعانى بەلگىلى بولدى. ول قايتىس بولعان كابۋس بەن سايد ال سايدتىڭ تۋىس ءىنىسى.