"2020 جىلعى 9 قاڭتاردا قازاقستان مەن رەسەي اراسىنداعى 1995 جىلعى مەملەكەتارالىق كەلىسىمگە سايكەس قر اۋماعىنداعى پوليگوندى جالعا العان رف قورعانىس مينيسترلىگى سىناق ورتالىعىنىڭ جوسپارلى وقۋ-جاتتىعۋلارى ۋاقىتىندا ءبىر زىمىراننىڭ سىنىعى بەلگىلەنگەن ورىنداردان تىس جەرگە قۇلاۋى ورىن الدى. جارىلىس بولعان جوق.
اقتوبە وبلىسىنىڭ بايعانين اۋدانىنداعى زىمىران سىنىعى قۇلاعان اۋماقتا زارداپ شەككەندەر مەن قيراۋلار جوق. تۇرعىندار ءۇشىن جاعداي قاۋىپتى ەمەس.
قازاقستان رەسپۋبليكاسىنىڭ اۋماعىندا وبەكتىلەردى پايدالانا وتىرىپ, زىمىرانداردى ۇشىرۋ وقۋ-جاتتىعۋلاردى وتكىزۋدىڭ جىلدىق جوسپارىنا جانە كەستەسىنە سايكەس جۇرگىزىلدى.
وقيعا ورنىندا قر ءىىم تجك قىزمەتى جۇمىس ىستەۋدە, پوليتسيا قىزمەتكەرلەرى زىمىران سىنىعى قۇلاعان اۋداندى وقشاۋلادى.
وسى كەلىسىمگە سايكەس اقتوبە وبلىسىنىڭ اكىمدىگى جانىنداعى قازاقستان-رەسەي كوميسسياسى ءمان-جايدى جانە سەبەپتەردى انىقتاۋدى جۇرگىزەتىن بولادى." - دەپ اتاپ وتىلگەن قورعانىس مينيسترلىگىنىڭ حابارلاماسىندا.