باتىس قازاقستان وبلىستىق پروكۋراتۋراسى 2019 جىلى وڭىردە اليمەنت ءوندىرۋ, بورىشكەرلەردى اكىمشىلىك جانە قىلمىستىق جاۋاپكەرشىلىككە تارتۋ ماسەلەسى بويىنشا القا ءماجىلىسىن وتكىزدى.
جيىنعا ادىلەت دەپارتامەنتى, وڭىرلىك سوت ورىنداۋشىلار پالاتاسى, پوليتسيا دەپارتامەنتى, جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى باسشىلارى قاتىستى.
2019 جىلى وڭىردەگى سوت ورىنداۋشىلار وندىرىسىندە اليمەنت ءوندىرۋ تۋرالى 8 مىڭنان استام اتقارۋشىلىق قۇجات بولعان ەكەن. پروكۋراتۋرا قىزمەتكەرلەرى بۇل قۇجاتتارعا تولىق تەكسەرۋ جۇرگىزىپ شىققان. اليمەنت كولەمىنىڭ 70 پايىزعا جۋىعى كىرىستەن مەرزىمدىك ۇستاپ قالۋ ارقىلى جۇرگىزىلگەن. جەرگىلىكتى ورگاندارمەن بىرلەسە جۇرگىزىلگەن شارالار ناتيجەسىندە بارلىق اۋداندا بوس ورىندار جارمەڭكەسى وتكىزىلىپ, 650 بورىشكەر جۇمىسسىزدار ەسەبىنە قويىلىپ, جۇمىسقا ورنالاسقان.
-پوليتسيا قىزمەتكەرلەرىنىڭ كومەگىمەن بورىشكەرلەردىڭ مەنشىگىندەگى 148 كولىك ۇستالىپ, 16 تۇلعادان كولىك جۇرگىزۋ كۋالىگى الىندى. بورىشكەرلەردىڭ 506 باس ءۇي جانۋارى مەن 54 جىلجىمايتىن مۇلكى انىقتالدى. سونداي-اق اليمەنت قارىزى بار تۇلعالاردىڭ 79 مارتە شەتەلگە شىعۋى انىقتالدى, دەيدى بقو پروكۋرورىنىڭ اعا كومەكشىسى باۋىرجان احمەتجان.
وسى تەكسەرىستەردىڭ ناتيجەسىندە 109 بورىشكەر اكىمشىلىك جاۋاپكەرشىلىككە, 17 تۇلعا قىلمىستىق جاۋاپكەرشىلىككە تارتىلعان. قابىلدانعان شارالاردىڭ ناتيجەسىندە اليمەنت بويىنشا بەرەشەك 80 ملن 42 ملن تەڭگەگە دەيىن ازايعان.