قىسقى ماۋسىمدا قالاداعى الەۋمەتتىك ماڭىزى بار تاۋارلار باعاسىن تۇراقتاندىرۋ جانە باعا ءوسىمىن الدىن-الۋ ماقساتىندا نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى تاراپىنان ۇنەمى باقىلاۋ جۇرگىزىلىپ وتىرادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
باس قالانىڭ ساۋدا نۇكتەلەرىندە جۇرگىزىلگەن مونيتورينگ نەگىزىندە «استىقجان» جانە «كەڭمارت» ساۋدا ورتالىقتارىندا كارتوپ پەن ءسابىزدىڭ بولشەك ساۋداداعى باعاسى – 78 تەڭگەدەن, پياز – 73 تەڭگەدەن, قىرىققابات – 93 تەڭگەدەن بەلگىلەندى. بەلگىلەنگەن باعالار قالاداعى «شارىن», «الاش» سەكىلدى ءىرى بازارلاردىڭ ورتاشا كوتەرمە باعاسىنا سايكەس كەلەدى.