وبلىستىق «ەرتىس دارىنى» وڭىرلىك وقۋ-ادىستەمەلىك ورتالىعىنىڭ مالىمەتىنشە, وبلىس ورتالىعىنداعى №16 ليتسەي-مەكتەبىندە 2020 جىلعى 5-6 قاڭتاردا جالپى ورتا ءبىلىم بەرەتىن مەكتەپتەردىڭ 9-11 سىنىپ وقۋشىلارى اراسىندا 15 ءپان بويىنشا 58 وبلىستىق ءپان وليمپياداسى وتكىزىلدى.
وبلىستىق ءپان وليمپياداسىنا پاۆلودار, ەكىباستۇز, اقسۋ قالالارى, 10 اۋداننان جانە 13 وبلىستىق مامانداندىرىلعان ءبىلىم بەرۋ مەكتەبىنەن كەلگەن 26 كوماندانىڭ 720 وقۋشىسى قاتىستى.
وبلىس ورتالىعىنداعى №8 مەكتەپ-ليتسەيىنەن 57 وقۋشى, پاۆلودار اۋدانىنان 22, باياناۋىل اۋدانىنان 17 وقۋشى كەلدى.
اعىلشىن ءتىلى پانىنەن 74 وقۋشى, قازاقستان تاريحى جانە گەوگرافيا پانىنەن 65 وقۋشى قاتىستى.
وليمپيادا قورىتىندىسى بويىنشا ساپاسى جاعىنان جوعارى كورسەتكىشكە يە بولعان كوماندالار جاراتىلىستانۋ-ماتەماتيكالىق جانە گۋمانيتارلىق باعىت بويىنشا «ەڭ ۇزدىك وليمپيادالىق كوماندا - 2020» نوميناتسياسى بويىنشا سەرتيفيكاتتارعا يە بولدى
سونىمەن, جاراتىلىستانۋ-ماتەماتيكالىق باعىتى بويىنشا ءى ورىندى -№8 ليتسەي-مەكتەبى, ءىى ورىندى - «جاس دارىن» مامانداندىرىلعان مەكتەبى, ءىىى ورىندى - ەر بالالارعا ارنالعان ء«بىلىم-يننوۆاتسيا» ليتسەيى يەلەندى.
ال گۋمانيتارلىق باعىت: ءى ورىن - «جاس دارىن» مامانداندىرىلعان مەكتەبى; ءىى ورىن – ى.التىنسارين اتىنداعى وبلىستىق گيمنازيا-ينتەرناتى مەن №3 گيمنازيا, ءىىى ورىن – № 8 ليتسەي-مەكتەبىنە بەرىلدى.
كەلەسى -«ەڭ ۇزدىك قالالىق كوماندا - 2020» نوميناتسياسىمەن پاۆلودار قالاسىنىڭ قۇراما كومانداسى ماراپاتتالدى.
وقۋشىلاردىڭ جالپى ءبىلىم بەرەتىن پاندەر بويىنشا وبلىستىق وليمپياداسىندا 315 وقۋشى ءى, ءىى جانە ءىىى دارەجەلى ديپلومدارمەن ماراپاتتالدى, ونىڭ ىشىندە ءى ورىن - 66, ءىى ورىن - 91, ءىىى ورىن – 158.
ال 16 وقۋشى 4 جوعارى وقۋ ورنىنىڭ ءبىلىم گرانتىنا يە بولدى.
پاۆلودار
سۋرەتتەردى تۇسىرگەن ايقىن ولجاباي