بالا ءتىلى – بال
ءۇستى-باسى القا-سالقا, جان جاعىنا الاق-جۇلاق ەتىپ شەشەسىنىڭ سۇيرەۋىمەن ءىلىنىپ-سالىنىپ كەلە جاتقان ءتورت جاسار ماديار – وزىنەن ەكى-ءۇش جاس ۇلكەن ناعاشى اعاسى باۋىرجانعا: – القا-سالقا بولماي, الاق-جۇلاق ەتپەي تەز جۇرسەڭشى... – دەگەنى...
***
مادياردىڭ ۇنەمى سويلەگەن ءسوزىن تۇزەتىپ وتىراتىن اپكەسى:
– تاماق ىشەسىڭ بە؟ – دەگەندە:
– مەندە دە اۋىز بار, تاماقتى جەيمىن, ءشايدى ىشەمىن, – دەپ وزىنە تۇزەتۋ جاسادى.
***
– وي, قىزىق-اي, ءبىز اتامىز ەكەۋمىز ترامۆايدىڭ ايالداماسىندا تۇر ەدىك, ماڭدايىندا «3» دەگەن جازۋى, بۇيىرىندە «9» دەگەن جازۋى بار ترامۆاي كەلىپ توقتادى. ىشىنە كىرىپ ەدىك, «15» مارشرۋتپەن ءجۇرىپ بەرگەنى...
***
ماي قۇياتىن ستانسانىڭ باسىندا ماديار اكەسىنەن:
– ماشينە كوپ-كوپ بەنزين جەسە – ايدىك بوپ ءوسىپ, اۆتوبۋس بولا الا ما؟ – دەپ سۇرادى.
***
اعاسى باۋىرجان ءتورت جاسار ماديارعا:
– ءۇيدى شاڭداتىپ جىبەردىڭ, قازىر اپاڭنان تاياق جەيسىڭ, – دەدى.
سوندا ماديار:
– ءتىسىم وتپەيدى, تاياق قاتتى, قالاي جەيمىن مەن ونى, – دەدى.
***
ماديار ۇرشىق ءيىرىپ وتىرعان اپاسىنا كەلىپ:
– اپا, قارنىم اشىپ كەتتى, – دەدى.
– وندا, نان الىپ جەي عوي.
– وعان تويمايمىن.
– ايران ءىش, تابەتىڭ تارتسا كەسپە قۇيىپ بەرەيىن.
– وعان دا تويمايمىن.
– ەندى نە جەسەڭ توياسىڭ؟
– كامپيت پەن پىراندىك جەسەم...