«شىعىس» وڭىرلىك قولباسشىلىعىنىڭ اسكەري قىزمەتشىسى ەفرەيتور قۋاندىق قاناتوۆ «قازاقستاننىڭ 100 جاڭا تۇلعاسى» جوباسىنىڭ 32-ءىنشى جەڭىمپازى اتانعان ەدى. 2019 جىلدىڭ اقپان ايىندا اسكەري قىزمەتشى قۋاندىق قاناتوۆ 15 ادامدى ورتتەن قۇتقاردى.
سەمەي قالاسىنداعى بەس قاباتتى ۇيدەگى ءورت تۇندە باستالعان. ءبىرىنشى قاباتتان ەكىنشى قاباتقا ءورت لپالداپ تەز تارادى. ءورت باستالعان بولمەدە جيھاز, تەرەزە جانە ەسىك ويىقتارى, تۇرمىستىق تەحنيكا, ال دالىزدە ءبىرىنشى قاباتتا ەلەكتر سىمدارى جانعان. ەفرەيتور قۋاندىق قاناتوۆ تۇرعىنداردى ءوز بەتىمەن پاتەرلەرىنەن شىعارا باستادى. ول كەزدە تۇرعىن ۇيدەن 79 ادام, ونىڭ ىشىندە 20 بالا ەۆاكۋاتسيالاندى. تاعى 162 ادام ءوز پاتەرلەرىن تاستاپ كەتتى. ءورت كەزىندە اسكەري قىزمەتشى كوپتەگەن جەكە زاتتارىن جوعالتىپ الادى,بىراق سول كەزدە ول ءۇشىن ەڭ ماڭىزدىسى ول ءوزىنىڭ اسكەري مىندەتى جانە ازاماتتىق بورىشى دەپ ساناعان ەدى.
-مەنىڭ ورنىمدا بولعان ءاربىر ادام سولاي ىستەيدى. ويتكەنى ءبىز وسىنداي قيىن جاعدايلاردا ءبىر-بىرىمىزگە كومەكتەسۋىمىز كەرەك. ماعان قارۋلى كۇشتەر قاتارىندا قىزمەت ەتۋىمنىڭ ءساتى ءتۇستى, ويتكەنى ءبىز ۇنەمى جاتتىعۋلاردا ءار ءتۇرلى جاعدايلاردى جاساپ كەلەمىز, دەدى قۋاندىق قاناتوۆ.
2019 جىلى مامىر ايىندا ادامداردى ورتتەن قۇتقارۋعا قاتىسقانى جانە كورسەتكەن ەرلىگى ءۇشىن ەفرەيتور قۋاندىق قاناتوۆ «ەرلىگى ءۇشىن» مەدالىمەن ماراپاتتالدى. «قازاقستاننىڭ 100 جاڭا تۇلعاسى» جوباسى ىسكە قوسىلعان ساتتەن باستاپ 2019 جىلى 5 000-نان استام ادام جۇرتشىلىققا تانىستىرىلدى. ولاردىڭ ءومىرى مەن ەلدىڭ دامۋىنا قوسقان ۇلەسى تۋرالى ايتىلدى. سولاردىڭ ءبىرى ارينە, قۋاندىق قاناتوۆ دەيدى «شىعىس» وڭىرلىك قولباسشىلىعىنىڭ ۇجىمى.