موراتوري كاسىپكەرلىكتى وركەندەتۋگە نەگىزدەلەدى

ناقتىراق ايتساق, ورتالىق مەملەكەتتىك جانە جەرگىلىكتى اتقارۋشى ورگاندار 2020 جىل­دىڭ 1 قاڭتارىنان باستاپ 2023 جىلدىڭ 1 قاڭتارىنا دەيىن كەيبىر تارماقتاردى قوس­پا­عاندا, شاعىن كاسىپكەرلىك سۋبەك­تى­لەرىنە بارۋ ارقىلى تەكسەرۋلەر مەن پروفيلاكتيكالىق باقىلاۋ مەن قاداعالاۋ توقتايدى. ايتسە دە حالىقتىڭ ءومىرى مەن دەن­ساۋلىعىنا, قورشاعان ورتاعا, زاڭدىلىق پەن قوعامدىق تار­تىپكە قاتەر ءتوندىرۋى مۇمكىن, كونس­تيتۋتسيالىق قۇرىلىسقا جانە ۇلتتىق قاۋىپسىزدىككە تۋرا نەمەسە تىكەلەي قاتەر توندىرەتىن زاڭ بۇزۋشىلىقتاردى بولدىرماۋعا نەمەسە جويۋعا باعىتتالعان, سون­داي-اق «قارجى نارىعى مەن قارجى ۇيىمدارىن مەملەكەتتiك رەتتەۋ, باقىلاۋ جانە قاداعالاۋ تۋرالى» زاڭدا كوزدەلگەن نەگىز­دەر بويىنشا جۇرگىزىلەتىن تەك­سەرۋلەر جالعاسادى. ءوز قىز­مەتىنە قاتىستى كاسىپكەرلىك سۋبەكتىلەرىنىڭ وتىنىشتەرى نەگى­زىندە, ونىڭ ىشىندە «رۇقسات­تار جانە  حابارلامالار تۋرالى» زاڭعا سايكەس رۇقسات الۋعا ارنالعان ءوتىنىش بويىنشا تەكسەرۋلەر مەن پروفيلاكتيكالىق باقىلاۋدى بارىپ جۇرگىزۋدە ءوز كۇشىندە قالادى دەلىنگەن.

ماڭىزدى قۇجاتتا 2014 جىل­­عى قىلمىستىق-پروتسەستىك كو­­دەكس­تە كوزدەلگەن نەگىزدەر بو­­يىنشا, پرەزيدەنتتىڭ جانە باس پروكۋروردىڭ تاپسىرماسى نەگىزىندەگى پروكۋراتۋرا ورگان­دارىنىڭ, كەدەندىك جانە قارسى سالىقتىق تەكسەرۋلەر, سالىق تولەۋشى مەن ونىڭ دەبيتورلارى اراسىنداعى ءوزارا ەسەپ ايىرىسۋدى ايقىنداۋ, سالىق ورگاندارىندا تىركەۋ ەسەبىنە قويۋ, كاسسا بويىنشا شىعىس وپەراتسيالارىن توقتاتا تۇرۋ تۋرالى سالىق ورگانى شىعارعان وكىمدەردى ورىنداۋ ماسەلەلەرى بويىنشا تاقىرىپتىق سالىقتىق تەكسەرۋلەر, حالىقتىڭ سانيتاريالىق-ەپيدەميولوگيالىق سالامات­تىلىعى سالاسىندا ءونىم قاۋىپ­سىزدىگىنىڭ مونيتورينگىن جۇزەگە اسىرۋ ءۇشىن ءونىمدى ىرىكتەۋ جانە وعان سانيتاريالىق-ەپي­دە­ميو­لوگيالىق ساراپتاما جاساۋ ماقساتىنداعى پروفيلاك­تيكالىق قاداعالاۋدى بارىپ جۇرگىزۋ دە زاڭناماعا سايكەس ورىندالادى.

وسى جارلىقتىڭ 1-تارماعى­نىڭ 1-2-تارماقشالارىندا كوز­دەل­گەن تەكسەرۋلەر ورتالىق مەم­­­­لەكەتتىك نەمەسە جەرگىلىكتى ات­­­قارۋ­شى ورگاننىڭ ءبىرىنشى باس­­­شى­سىنىڭ شەشىمى نەگىزىندە جۇر­­گىزىل­مەك. بۇل شەشىم شاعىن كا­سىپ­ك­ەرلىك سۋبەكتىلەرىن, ونىڭ ىشىن­دە ميكروكاسىپكەرلىك سۋبەك­تى­لەرىن 2019 جىلى باس­تال­عان تەك­سە­رۋ­لەرگە جانە پرو­في­لاك­تيكالىق باقىلاۋ مەن قا­داعا­لاۋدى بارىپ جۇرگىزۋگە قول­دا­نىل­مايدى. وسى رەتتە ۇكىمەت اتالعان جارلىقتى ىسكە اسىرۋ جونىندە شارالار كا­بىل­­­داۋعا ءتيىس. ال ونىڭ ورىندالۋىن با­قى­لاۋ پرەزيدەنت اكىم­شى­لى­گىنە جۇكتەلمەك.

رەسمي دەرەكتەرگە سايكەس, بيىل ەلىمىزدە تىركەلگەن زاڭ­دى تۇلعالاردىڭ جالپى سانى 450 مىڭعا جەتەقابىل. بۇگىندە قازاق­ستاندا ءبىلىم سالاسى بيزنەسكە قولايلى بولىپ كەلەدى. مۇندا زاڭدى تۇلعالاردىڭ سانى 600-دەن اسادى. سونداي-اق قوناق ءۇي جانە مەيرام­حانا كاسىبى, اۋىل شارۋاشىلى­عى, قۇرىلىس, اكىمشىلىك جانە قوسال­قى قىز­مەت كورسەتۋ سالاسىن جولعا قويعان­داردىڭ قاتارى ارتىپ كەلەدى.