كوپ بالالى انالاردىڭ ماسەلەسىن شەشۋدە بارلىق قۇزىرلى ورگانداردى جۇمىلدىرىلۋ كەرەك. بۇل تۋرالى «وتباسى – باقىت مەكەنى» اتتى دوڭگەلىك ۇستەلدە ايتىلدى.
جيىنعا كەلگەندەر كوپ بالالى انالارعا قاتىستى وزەكتى سۇراقتاردى كوتەردى. سونىمەن قاتار, تاجىريبەلەرىمەن دە ءبولىستى. باسقوسۋ «داعدارىس ورتالىعى وداعى» الماتى قالاسىنىڭ الەۋمەتتىك ءال-اۋقات باسقارماسىنىڭ قولداۋىمەن ۇيىمداستىرىلعان.
«شەشىمىن تاپپاعان كوپتەگەن ماسەلەلەر بار, سوندىقتان ءالى جۇمىس كوپ. ءىس-شارادا ءوزىمىزدىڭ تاجىريبەمىزبەن ءبولىسىپ, بىرنەشە ۇسىنىس جاسادىق. سونداي-اق مەملەكەتتىك ورگاندارعا بىزبەن تىعىز بايلانىستا بولۋلارىن دا ەسكەرە كەتتىك. سەبەبى قوعام زاڭدىق تۇرعىدان ساۋاتسىز ەكەندىگى راس جانە ولاردا قانداي دا ءبىر قۇرىلىمعا جۇگىنۋگە قورقىنىش سەزىمى بار. ال ءبىزدىڭ ورتالىق سول قورقىنىشپەن كۇرەسەدى», - دەدى «ADANAZ» كومپانياسىنىڭ ديرەكتورى جانداي سانا.
بيىل «اتامەكەننىڭ» «باستاۋ» باعدارلاماسى بويىنشا ناۋرىزباي اۋدانىنىنىڭ وزىندە 300-گە جۋىق ادام وقىتىلىپ, ونىڭ ىشىندە 78-ءى 500 مىڭ تەڭگە كولەمىندە گرانت يەلەنگەن.
سونىمەن قاتار, «باقىتتى وتباسى» ورتالىعىنىڭ اياسىندا «ىسكەر انا» باعدارلاماسى جۇزەگە اسقان. اتالعان باستاما ارقىلى كوپ بالالى انالار وقىپ, ءوز جوبالارىن جاساپ, گرانتقا يە بولدى. كەلەسى جىلى «باقىتتى وتباسى» ورتالىعى جاردەماقى تولەۋ ماسەلەسىن قايتا قاراستىرۋدى جانە كوپ بالالى انالارمەن قاتار, كومەككە مۇقتاج وتباسىلاردى دا قامتۋدى جوسپارلاپ وتىر.
الماتى