كەزدەسۋ كەزىندە مەملەكەت باسشىسىنا بيىل ءوڭىردى الەۋمەتتىك-ەكونوميكالىق تۇرعىدان دامىتۋ ءۇشىن اتقارىلعان جۇمىستاردىڭ قورىتىندىسى تۋرالى باياندالدى. بۇل تۋرالى اقوردانىڭ ءباسپاسوز قىزمەتى حابارلادى.
ومىرزاق شوكەەۆتىڭ ايتۋىنشا, ايماقتا ءوندىرىس سالاسى 5,5 پايىزعا, اۋىل شارۋاشىلىعى مەن ينۆەستيتسيا 25 پايىزعا, تۇرعىن ءۇي قۇرىلىسى 30 پايىزعا وسكەن.
سونىمەن قاتار وبلىس اكىمى 2020 جىلدىڭ قازان ايىنا جوسپارلانعان تۇركىستان قالاسىنىڭ تانىستىرىلىم راسىمىنە دايىندىق بارىسى جايىندا, ارىس قالاسىن قايتا قالپىنا كەلتىرۋ جۇمىستارىنىڭ تولىق اياقتالعانى جونىندە ايتتى.
پرەزيدەنت قاسىم-جومارت توقاەۆ ومىرزاق شوكەەۆكە اتاۋلى الەۋمەتتىك كومەك, گازداندىرۋ جانە تۇرعىنداردىڭ تابىس كولەمىن ارتتىرۋ ماسەلەلەرى بويىنشا بىرقاتار ناقتى تاپسىرما بەردى.