بيىل الماتى وبلىسىنداعى جاستار ساياساتىن دامىتۋعا ارنالعان «جاستار جولى» ءىس-شارالار جوسپارى بويىنشا 11 جوبا جۇزەگە اسقان. وعان 56,7 ملن تەڭگە بيۋدجەت قارجىسى جۇمسالعان.
جوبا وبلىستاعى 10 اۋدان جانە قالا بويىنشا جاستاردىڭ بوس ۋاقىتىن ءتيىمدى وتكىزۋ ءۇشىن 18 ارنايى ورتالىق پەن سپورت زالدارىن اشۋعا ىقپال ەتتى.
سونداي-اق بيىل ايماقتا «جاسىل ەل» شتابىنىڭ جۇمىسى جانداندى. ناتيجەسىندە, شتاب قىزمەتى اياسىندا 1904 جاس جۇمىسپەن قامتىلعان. ونىڭ ىشىندە 315 ستۋدەنت جوعارعى وقۋ ورىنىندا, 683 ستۋدەنت كوللەدجدە, 489 وقۋشى مەكتەپتە ءبىلىم السا, تاعى 417 جاستىڭ تۇراقتى جۇمىسى بولماعان ەكەن. مۇنان بولەك, «جاسىل ەل» جاساقشىلارىنىڭ قاتارىندا كوپ بالالى وتباسىلاردان شىققان 384 ادام, جاعدايى تومەن وتباسىلارىنان شىققان 216 ۇل-قىز, جارتىلاي جەتىم جانە اتا-اناسىنىڭ قامقورلىعىنسىز قالعان 12 ادام جانە باسقا ساناتتاعى 49 جاس ورەن ەڭبەك ەتىپتى.
ايتپاقشى, جىل باسىنان بەرى جۇمىسسىز جاستاردى تىركەيتىن بىرىڭعاي بازاعا 253 جاس كاسىپ ىزدەپ تىركەلسە, ونىڭ ءجۇز ون ەكىسى جۇمىسقا ورنالاسقان. ال 52 جاس مامان «جاستار تاجىريبەسى» باعدارلاماسى ارقىلى جۇمىسقا قابىلدانىپتى.