جيىرما جىلعا جۋىق تاريحى بار الماتى مۋزەيى الماتىلىقتار ءۇشىن قالا تاريحى, جەتىسۋ ولكەسىنىڭ تاريحىن تانۋداعى ءىرى مادەني ورتالىقتاردىڭ ءبىرى.
مۋزەيدەگى ءاربىر ءبولىمنىڭ وزىندىك ەرەشەلىگى بار. «الماتى - تاۋەلسىزدىكتىڭ التىن بەسىگى» ەكسپوزيتسياسىندا ۇيىمداستىرىلعان مۋلتيمەديالىق كورمە كەلۋشىلەرگە تاۋەلسىزدىكتىڭ التىن بەسىگى – الماتى قالاسىنىڭ تاريحىمەن تانىسۋدىڭ بىرەگەي مۇمكىندىگىن ۇسىنادى.
مۋزەي قىزمەتكەرى گۇلنازىم سارسەنوۆانىڭ ايتۋىنشا, كەلۋشىلەر ءۇشىن تاريحي ماتەريالدى تانۋ ەرەكشە اسەر بەرەدى دەۋگە نەگىز بار. مۇندا جارىق ءارى زاماناۋي قازاقستاندىق مەگاپوليستىڭ كەشەگىسى مەن بۇگىنگى كەلبەتى تۋرالى اسەرلى كومپوزياتسيالار ۇيلەسىم تاپقان. الماتى ەلىمىزدىڭ قارجىلىق, ەكونوميكالىق, مادەني, تۋريستىك ورتالىعى بولدى جانە سولاي بولىپ قالا بەرمەك.
كورمەنىڭ مۋلتيمەديالىق فورماتى قالا جانە جەتىسۋ ءوڭىرى جونىندەگى بىرەگەي تاريحي سۋرەتتەر مەن بەينەماتەريالداردى قامتيدى. ماتەريالداردى سەرپىندى جانە ينتەراكتيۆتىك فورماتتا كورسەتۋ قالا تاريحىنىڭ ماڭىزدى كۇندەرى مەن فاكتىلەرىن جەڭىل تۇردە تانىستىرۋعا مۇمكىندىك بەرەدى. ۇلكەن ەكراندارداعى كورسەتىلىمدەر, انيماتسيالار ەلەمەنتتەرى مەن مۋزىكالىق كوركەمدەۋ قوناقتاردىڭ قالا تاريحى احۋالىنا «دەندەپ بويلاۋ» مۇمكىندىگىن سىيلايدى.
3D-تۋر الماتىنىڭ رەسپۋبليكا الاڭى, «مەدەۋ» سپورت كەشەنى, قر تۇڭعىش پرەزيدەنتى ساياباعى, كوكتوبە, ۋنيۆەرسيادانىڭ «مۇز ايدىنى 1» سپورت نىسانى, ۋنيۆەرسيادانىڭ «مۇز ايدىنى 2» سپورت نىسانى, اباي اتىنداعى وپەرا جانە بالەت تەاترى, قاسيەتتى ۆوزنەسەنسك سوبورى, «بورالداي ساق وبالارى» ارحەولوگيالىق پاركى, «قازاقستان» مەيمانحاناسى, ترامپليندەر كەشەنى, داڭق مەموريالى, قازاق مەملەكەتتىك تسيركى, اتلەتيكالىق قالاشىق, «الاتاۋ» شيپاجايى, قر تۇڭعىش پرەزيدەنتى قورىنىڭ «جايلاۋ» گولف-كلۋبى, مەترونىڭ اباي ستانساسى, الماتى قالاسىنىڭ ورتالىق مەشىتى سياقتى كورنەكتى جەرلەرىن تاماشالاۋعا مۇمكىندىك بەرەدى.