ع.توعجانوۆ قازiرگi سولتۇستiك قازاقستان وبلىسى ءۋاليحانوۆ اۋدانىنداعى جارقىن اۋىلىندا سادۋاقاس بيدiڭ وتباسىندا دۇنيەگە كەلگەن.
داۋلەتتi اكە بالاسىن اۋەلi ءوز اۋىلىنداعى مولداعا بەرiپ, ودان كەيiن ومبىداعى جوعارى باستاۋىش ۋچيليششەدە وقىتادى. ال 1916 جىلى چۋميكيننiڭ جەكەمەنشiك گيمنازياسىنا اۋىسىپ, التىنشى سىنىپتى ءتامامدايدى. مiنە, وسى كەزدەن باستاپ عابباس قوعامدىق-الەۋمەتتiك iستەرگە ارالاسىپ, “بiرلiك” جانە “جاس ازامات” قاۋىمدارىنىڭ جۇمىسىنا بەلسەنە اتسالىسادى.
بۇرىنعى قازاقستان كومپارتياسى ورتالىق كوميتەتi جانىنداعى پارتيا تاريحى ينستيتۋتىنىڭ, قازiرگi رەسپۋبليكا پرەزيدەنتi مۇراجايىندا عابباس توعجانوۆتىڭ ءوز قولىمەن جازعان تولىق ءومiربايانى ساقتالعان. وندا عابباس “مەن 1918 جىلعا دەيiن ومبى قالاسىندا قازاق جاستارىنىڭ ۇلت-ازاتتىق قوزعالىسىنا قاتىستىم. 2-3 جىلداي جينالىستارعا قاتىسىپ, ۇساق تاپسىرمالاردى ورىنداپ ءجۇردiم” (141-قور, 1313-iس, 309-بەت) دەيدi. س.سەيفۋلليننiڭ “تار جول, تايعاق كەشۋiندە” “جالپى قازاق جاستارىنىڭ سەزiندە” عابباستىڭ ك.كەمەڭگەروۆ, س.سادۋاقاسوۆتارمەن بiرگە بولعانى باياندالعان (179-بەت). “بiر ەسكەرتە كەتەر ءجايت, دەپ جازادى پروفەسسور تۇرسىنبەك كاكiشەۆ, ء“وز كەزەڭiنiڭ پەرزەنتi” دەگەن ماقالاسىندا (“ەگەمەن قازاقستان”, 22 اقپان, 2000 جىل), سماعۇل دا 1900 جىلى سادۋاقاس بايدىڭ وتباسىندا جارقىن اۋىلىندا تۋعان تۇيدەي قۇرداسى”. 1919 جىلى ومبىدا كەڭەس وكiمەتi قايتا ورناعاندا عابباس كومسومول قاتارىنا ءوتiپ, ركسم-نىڭ سiبiر بيۋروسى جانىنداعى قازاق-تاتار سەكتسياسىنىڭ حاتشىسى جانە قازاق جاستارىنا ارنالعان “ەڭبەكشiل جاستار” گازەتiنiڭ رەداكتورى قىزمەتiن اتقارادى.
1920 جىلى بولشەۆيكتەر پارتياسىنىڭ مۇشەلiگiنە قابىلدانادى. 1920-1922 جىلدارى پەتروپاۆل قالاسىندا اقمولانىڭ گۋبەرنيالىق توتەنشە كوميسسياسىنىڭ (گۋبچەكا) اۋەلi حاتشىسى, جالپى ءبولiم باستىعى, القا مۇشەسi بولدى. اق باندىلار كوتەرiلiسiن باسقان كەزدە 1921 جىلى از عانا ۋاقىت تريبۋنالدىڭ كوشپەلi سەسسياسىنىڭ مۇشەسi دە بولعان.
1922 جىلدىڭ كۇزiندە تاشكەنت قالاسىنا كەلiپ, ورتا ازيا ۋنيۆەرسيتەتiنiڭ قوعامدىق بiلiمدەر فاكۋلتەتiنiڭ بiرiنشi كۋرسىنا وقۋعا تۇسەدi دە “جاس الاش” (بۇرىنعى “لەنينشiل جاس”) گازەتiنiڭ جاۋاپتى رەداكتورىنىڭ ورىنباسارى قىزمەتiن قوسا اتقارادى. 1923 جىلدىڭ باسىندا ماسكەۋ قالاسىنداعى پلەحانوۆ اتىنداعى حالىق شارۋاشىلىعى ينستيتۋتىنىڭ ەكونوميكا فاكۋلتەتiنە اۋىسىپ, ونىڭ ەكi كۋرسىن ءتامامدايدى. 1923-1924 جىلدارى ينستيتۋتتا وقي ءجۇرiپ, ۇلتتار iسi حالىق كوميسسارياتى جانىنداعى ورتالىق كۇنشىعىس باسپاسىنىڭ قازاق سەكتسياسىنىڭ حاتشىسى بولادى. ماسكەۋدە وقىپ جاتقان قازاق ستۋدەنتتەرiنiڭ جەرلەستiك ۇيىمىنىڭ جۇمىسىنا بەلسەنە ارالاسىپ, ادەبيەت, الەۋمەت ماسەلەلەرi تۋرالى ءوزiنiڭ پiكiرلەرiن سول كەزدەگi قازاق تiلiندە ماسكەۋدە شىققان “تەمiرقازىق” جۋرنالىنا جازىپ وتىرعان.
ع.توعجانوۆتىڭ يدەيالىق-ەستەتيكالىق كوزقاراسىنىڭ قالىپتاسۋىنا رك(ب)پ ورتالىق كوميتەتiنiڭ ءباسپاسوز ءبولiمiنiڭ نۇسقاۋشىسى بولىپ (1924-1926 جىلدارى) iستەۋi كوپ ءرول اتقاردى. وسى كەزەڭدە اشىلعان ادەبي-مادەني باسىلىمداردىڭ (“جاڭا مەكتەپ”, “لەنينشiل جاس”, “ايەل تەڭدiگi”) قالىپتاسۋىنا دا ەلەۋلi ۇلەس قوستى.
1926 جىلدىڭ ەكiنشi جارتىسىندا ولكەلiك پارتيا كوميتەتiنiڭ تالابى بويىنشا ول رەسپۋبليكاعا قىزمەتكە اۋىستى. ولكەلiك كوميتەتتiڭ ءباسپاسوز ءبولiمiنiڭ مەڭگەرۋشiسi (1926-1928 ج.ج.) جانە “ەڭبەكشi قازاق” گازەتiنiڭ جاۋاپتى رەداكتورى (1925 – 1932 ج.ج.) مiندەتiن قوسا اتقاردى. ولكەلiك پارتيا كوميتەتiنiڭ مۇشەسi جانە ولكەلiك كوميتەت بيۋروسىنىڭ مۇشەلiگiنە كانديدات, قازاقستان ورتالىق اتقارۋ كوميتەتiنiڭ مۇشەسi بولىپ سايلاندى.
ع.توعجانوۆ رەداكتور بولىپ تۇرعان تۇستا “ەڭبەكشi قازاق” گازەتiندە جاقان سىزدىقوۆ, عابباس سىلانوۆ, عالي ورمانوۆ, بەيسەمباي كەنجەباەۆ, جايىق بەكتۇروۆ, جۇماش ەلەنوۆ, احمەت ەلشiبەكوۆ, قۇلمىرزا وتەپوۆ, زياش الدابەرگەنوۆ, قادىر تايشىقوۆ, نەسiپباي ماناشەۆ, ايتەكە مۋسين, قاسكەي وتەكين, امانعالي سەگiزباەۆ, راحىم سۇگiروۆ, زاراپ تەمiربەكوۆ, شايمەردەن توقجiگiتوۆ, سەيدiلدا تولەشوۆ سىندى جۋرناليست-پۋبليتسيستەر تاربيەلەنiپ شىقتى. بۇل – گازەت ءۇشiن دە, ونىڭ رەداكتورى ءۇشiن دە ۇلكەن ابىروي.
ع.توعجانوۆ تا 1937 جىلعى قىزىل قىرعىن قۇربانى بولدى.