قوستاناي وبلىسىنداعى اۋليەكول اۋدانىنىڭ ورتالىعىنداعى ەكى بولمەلى پاتەردەن شىققان ءورت ورنى تولماس شىعىن اكەلدى. قىزىل جالىننىڭ ورتاسىندا قالىپ قويعان 2016 جانە 2018 جىلى تۋعان ەكى بىردەي ءسابي كوز جۇمدى. الدىن الا بولجام بويىنشا ءورتتىڭ سەبەبى بالالاردىڭ وتپەن ويناۋىنان بولعان.
ورتكە ورانعان بولمەدە توسەك تۇگەل جانىپ كەتكەن, مەبەلدەرگە وت تيگەن. ءورت ءبىر ساعاتقا تولمايتىن ۋاقىتتا سوندىرىلگەن, بىراق نە پايدا, بالالاردى ءتىلسىز جاۋدان امان الىپ قالۋدىڭ مۇمكىندىگى بولمادى.
وسى ءورت سوندىرىلگەننەن كەيىن وبلىستىق توتەنشە جاعدايلار دەپارتامەنتىنىڭ ماماندارى وبلىس تۇرعىندارىنا بالالاردى ۇيدە قاراۋسىز قالدىرماۋعا جانە كىشكەنتاي سابيلەردىڭ وتپەن ويناۋىنا تيىم سالۋدى, كۇندە ايتىپ, ءتۇسىندىرىپ وتىرۋدى ەسكەرتتى.