قاراعاندى وبلىسىندا تۇرعىن ءۇي ماسەلەسىن شەشۋگە كۇش جۇمسالۋدا. كەزەكتە تۇرعانداردى پاتەرلەرمەن قامتاماسىز ەتۋ ءۇشىن 372,2 مىڭ شارشى مەتر تۇرعىن ءۇي سالىندى. جىل سوڭىنا دەيىن بىرقاتار وڭىرلەردە ۇيلەر تاپسىرىلاتىن بولادى. وبلىس اكىمى جەڭىس قاسىمبەك جاڭا قۇرىلىس ساپاسىنا نازار اۋداردى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.
وبلىس اكىمى قۇرىلىس قارقىنىن تومەندەتپەۋدى تاپسىردى.
- حالىقتىڭ ەڭ باستى ماسەلەلەرىن شەشۋ – بيلىك باسىنداعىلاردىڭ باسىم مىندەتتەرىنىڭ ءبىرى. باسقا شىعىنداردى قىسقارتىڭىزدار. تۇرعىن ءۇي سالىڭىزدار, كەزەكتە تۇرعانداردى قامتاماسىز ەتىڭىزدەر, - دەدى جەڭىس قاسىمبەك.
سونداي-اق ءوڭىر باسشىسى قۇرىلىس ساپاسىن قاتاڭ قاداعالاۋدى تالاپ ەتتى.
- ەگەر جاڭا قونىستانۋشىلار شاعىمداناتىن بولسا, وقيعا ورنىنا قوعام بەلسەندىلەرى مەن ءجۋرناليستاردى الىپ بارىڭىزدار. بۇل بارلىق الەۋمەتتىك نىساندارعا قاتىستى. ساپانى كوميسسيامەن قايتا تەكسەرەتىن بولامىز, - دەدى ول.