كۇللى الەمنىڭ كۇلكىسى
ءبىر ازامات ستانسادا سىرتقا شىعىپ, قايتا مىنەرىندە, بايقاماي قارسى كەتىپ بارا جاتقان پوەزعا ءمىنىپ الادى دا, ءوز ۆاگونىنا, ءوز ورنىنا كەلىپ وتىرىپ جوعارىدا جاتقان ازاماتتتان:
– قايدا بارا جاتىرسىڭ؟ – دەپ سۇرايدى.
– قاراعاندىعا...
بۇل ءسال ويلانىپ: «ويپىر-اي-ءا, قازىرگى تەحنيكانىڭ دامىپ, جەتىلگەنىن قويسايشى, ءبىر مەزگىلدە, ءبىر ۆاگوندا , جوعارىداعى قاراعاندىعا, ال مەن الماتىعا كەتىپ بارامىن...» – دەپ تاڭدانعان كور.
***
ۇيلەنگەننەن كەيىن ءتورت ايدان سوڭ ايەلى ۇل تاپقان جاس اكە كورشىسىنەن:
– مۇنىڭ اتىن كىم قويامىز؟ – دەپ سۇراپتى.
– جەلاياق بولسىن! ويتكەنى, باسقا بالانىڭ توعىز ايدا وتكەن جولىن بۇل ءتورت-اق ايدا ءوتتى عوي, – دەپتى كورشىسى.
***
سۇراق: «ميليتسيونەرلەر كوشەدە نەگە ۇشەۋدەن جۇرەدى؟»
جاۋاپ: «بىرەۋى وقي الادى, جازا المايدى. ەكىنشىسى, جازا الادى, وقي المايدى. ال ءۇشىنشىسى, جازا دا, وقي دا المايدى, ونىڭ مىندەتى – انا ەكى ينتەلليگەنتتى باقىلاۋ».
***
– سوتسياليستىك نارىقتىق ەكونوميكانى كىم ويلاپ تاپتى؟
– پاۆلوۆ.
– بۇل قايسىسى؟ الگى وقىمىستى ما, جوق, كوممۋنيسى مە؟
– كوممۋنيست.
– باسە, ءوزىم دە سولاي ويلاپ ەدىم. وقىمىستى پاۆلوۆ بولعاندا, اۋەلى يتتەرگە تاجىريبە جۇرگىزىپ الار ەدى...
***
– قاھارمان قالا ماسكەۋدەن شىققان جىلقى – قاھارمان قالا ۆولگوگرادقا جەتە الا ما؟
– جەتە المايدى, ونى قاھارمان قالا تۋلاداعىلار سويىپ جەپ قويادى...
***
ايەل : – ەسكەرتىپ قويايىن, ەندى ءبىر ساعاتتان كەيىن ۇيگە كۇيەۋىم كەلەدى.
ەركەك: – مەن ەشقەنداي ابەستىك ىستەپ وتىرعان جوقپىن عوي.
ايەل: – ماسەلە سوندا. ال, ۋاقىت دەگەنىڭ زىرلاپ بارادى...