اۋە قاتىناستارى تۋرالى كەلىسسوزدەر جۇرگىزۋ بويىنشا جىل سايىنعى 12-ءشى ءىس-شارانىڭ (ICAN 2019) اياسىندا قازاقستاندىق دەلەگاتسيا مالايزيانىڭ اۆياتسيالىق بيلىكتەرىمەن كەلىسسوزدەر جۇرگىزدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
مەملەكەت باسشىسىنىڭ تاپسىرماسىمەن ەنگىزىلگەن «اشىق اسپان» رەجيمى اياسىندا مالايزيا اۋە كومپانيالارىنا قازاقستاننىڭ 11 اۋەجايىنا (نۇر-سۇلتان, الماتى, شىمكەنت, اقتاۋ, قاراعاندى, وسكەمەن, پاۆلودار, كوكشەتاۋ, تاراز, پەتروپاۆل, سەمەي) 5-ءشى «اۋە ەركىندىگىن» پايدالانۋ مۇمكىندىگىمەن رەيستەر سانىنا شەكتەۋلەردى الىپ تاستاۋدى كوزدەيتىن تۇراقتى ۇشۋلاردى ورىنداۋعا مۇمكىندىك بەرىلدى.
قول جەتكىزىلگەن ۋاعدالاستىقتار نەگىزىندە ءىرى مالايزيالىق Air Asia X لوۋكوستەرىنىڭ وكىلدەرى 2020 جىلدىڭ 2 توقسانىندا قازاقستانعا رەيس اشۋ بويىنشا جوسپارلاردى راستادى.