يسپانيانىڭ لورەت-دە-مار قالاسىندا وتكەن «Theatrical Talents» حالىقارالىق فەستيۆالىندە «اتىراۋ جاستار تەاترى» باس جۇلدەنى يەلەندى. بۇل تۋرالى اتىراۋ وبلىسىنىڭ وڭىرلىك كوممۋنيكاتسيالار قىزمەتى حابارلادى.
- وننان استام ەلدىڭ ونەرپازدارى كەلگەن بايقاۋدا اتىراۋ جاستار تەاترى مۇقانعالي تومانوۆتىڭ «زاتمەنيە» انتيدراماسىن ساحنالادى. تەاتر ماماندارىن ايتپاعاندا, الەمنىڭ ءار ەلىنەن كەلگەن كاسىبي مۋزىكانتتار مەن حورەوگرافتار, پروديۋسسەرلەر مەن سۋرەتشىلەر باعالاعان بايقاۋ بارىنشا ءادىل ءوتتى دەگەن سەنىمدەمىن,- دەيدى تەاتر جەتەكشىسى ءامىرجان نۇرلان ۇلى.
سونىمەن قاتار, ءادىل قازىلار توراعاسى مارتي پەرافەفەر اتىراۋلىق جاس تالانتتاردى «FITAG-2020» فەستيۆالىندە باعىن سىناۋعا شاقىرسا, «فيەستالونيا ميلەنيو» ۇيىمىنىڭ پرەزيدەنتى داۆيد دجاپاريدزە – يتاليا, فرانتسيا, گرۋزيا ەلىندە وتەتىن فەستيۆالدەرگە قاتىسۋعا ۇسىنىس ءبىلدىردى.
اتىراۋ