جازۋشى ءشاربانۋ قۇماروۆا دۇنيەدەن وزدى

ءشاربانۋ مۇحيتقىزى - 1936 جىلدىڭ 1ز مامىرىندا الماتى وبلىسىنىڭ ەسىك قالاسىندا تۋعان. 1961 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن.

1961 - 1966 جىلدارى «سوتسياليستىك قازاقستان» («ەگەمەن قازاقستان») گازەتىندە ادەبي قىزمەتكەر, 1966 - 1968 جىلداردا قازاق كسر مينيسترلەر كەڭەسىنىڭ كينەماتوگرافيا جونىندەگى مەملەكەتتىك كوميتەتىندە اعا رەداكتور, 1968 - 1972 جىلدارى قازىرگى «پاراسات» جۋرنالىندا جاۋاپتى حاتشى, 1972 - 1974 جىلدارى م.اۋەزوۆ اتىنداعى اكادەميالىق دراما تەاترىندا ادەبيەت ءبولىمىنىڭ مەڭگەرۋشىسى, 1976 - 1986 جىلدارى «جازۋشى» باسپاسىندا رەداكتور, اعا رەداكتور, «قازاقستان ايەلدەرى» جۋرنالىندا قىزمەت ەتكەن. 1991 جىلدان رەسپۋبليكالىق دارەجەدەگى دەربەس زەينەتكەر.

جازۋشىنىڭ «قىز سىرى» اتتى تۇڭعىش اڭگىمەلەر جيناعى 1961 جىلى جارىق كورگەن.سونىمەن قاتار ول «تەرەزەلەر» (1964), «قوس شىنار» (1968), ء«ساۋىردىڭ اق تاڭى» (1971), «قازباۋىر بۇلتتار» (1980), «بەلوە ۋترو اپرەليا» (1978), «قىزىل قايىڭ» (1979), «جەنششينە سوروك لەت» (1980), ء«ومىرىم مەنىڭ - ونەرىم» (شارا جيەنقۇلوۆامەن بىرگە جازىلعان) (1983), «ايەل شىراعى» (1985), «جەردىڭ تۇزى» (1991), «قۇلجا جولى» (1977), «سەزىم پاتشالىعى» (2003) اتتى تۋىندىلاردىڭ, «كىمنىڭ تويى؟» (كومەديا), ء«بىر بويداقتىق حيكاياسى», «قارا ساندىق», «كۇلاش-شارا» اتتى درامالىق شاعارمالاردىڭ اۆتورى.